2 করিন্থীয়13
1আং নৗংছৗরনিয়াও থাংনায়া খনথামসিম জানায়। শাস্ত্রয়াও লিৎনায় খৗথা দং, “নংগৌ প্রমান জানৗ সানৈ এবা সাথামনি সাক্ষী নাংগৌ।”2জেব্লা আং খননৈয়াও নৗংছৗরজৗং মৗন, আং বিছৗরখৌ বুংদৗংমৗন, নৗংছৗর জাইফ্রা সিগাং পাপ মাওনায়ফৗর এবা গুবুন ছৗরবা, বিছৗরনি থাখৈ আঙৗ সিগাংনৗ বুংখাদৗং, জেব্লা আঙৗ গৗজানাও বেখৌ গলে গলে বুংফিনৗ আরবাও জেব্লা ফৈয়নায়, আঙৗ রাওনিবৗ ছায়াও নাগারনায় অৗঙা।3মানৗনা খ্রীষ্টআ আংজৗং বুংনায় খৗথাফৗরনি গাছেন প্রমানখৌ নৗংছৗরৗ দাবি খৗলামৗ। বিয়ৗ নৗংছৗরজৗং বাহাগৗ লানাইয়াও বৗলৗ গৈয়ি অৗঙা, নাথায় বিয়ৗ গাওনি বৗলৗখৌ নৗংছৗরনৗ দিন্ঠিয়ৗ।4বৗলৗ গৈয়িয়াও বিয়ৗ ক্রুশাও দৗখঠাব জাদৗং, অব্লাবৗ বিয়ৗ ঈশ্বৗরনি বৗলৗজৗং গৗঠাঙৈ দং। বেবাদিনৗ, জৗংবৗ বিনিয়াও বৗলৗ গৈয়ৗ জাফাদৗং, অব্লাবৗ ঈশ্বৗরনি বৗলৗজৗং জৗঙৗ বিজৗং গৗঠাঙৈ থানায় নৗছৗরখৌ সেবা খৗলামনৗ।5খ্রীষ্ট যীশুখৌ ফৗথাইনায়াও দং না গৈয়া, গাও গাওখৌ পরীক্ষা খৗছামনান নাই। খ্রীষ্টআ নৗংছৗরনিয়াও দং হৗন্নানৈ নংথারগৌয়ৈ নৗংছৗর মিথিগৌ নামা? অৗঙাব্লা নৗংছৗর আনজাৎনাও ফেলেং জানায়।6আঙৗ ভরসা খৗলামৗ, জৗঙৗ ফেলেং জাবায় অৗঙা হৗন্নানৈ নৗংছৗরৗ মিথিগৌ।7দা জৗঙৗ ঈশ্বৗরনিয়াও প্রার্থনা খৗলামৗ, যেন নৗংছৗরৗ জেবৗ গৗরৗন্ঠি মাওয়া। জৗঙৗ আনজাৎনাও বাদগবায় হৗন্নানৈ গুবুননৗ দিন্ঠিনৗ থাখৈ অৗঙা, নৗংছৗরৗ যদিও নাইনানৈ সান্নৗ জৗঙৗ ফেলেং জাবায়, নৗংছৗরৗ ববে ঠিক বেখৗনৗ মাওনায়।8মানৗনা জৗঙৗ নংগৌনি বিরুদ্ধনাও জেবৗ মাওনৗ হায়া, নাথায় নংগৌনি থাখৈবানসৗ।9জৗং বৗলৗ গৈয়ি জানায়ানৗ নৗংছৗরখৌ বৗলৗগ্রা খৗলামৗব্লা, জৗঙৗ রংজায়ৗ। আরৗ নৗংছৗরৗ গৗগৗ জাথৗং হৗন্নানৈ জৗঙৗ প্রার্থনা খৗলামৗ।10বিনিখাইনৗ আঙৗ নৗংছৗরনিফ্রায় গৗজানাও থানায় সমাও বেখৌ লিৎবায়; আঙৗ নৗংছৗরনিয়াও ছহৈনানৈ ফৗরবুআ আংনৗ হৗনায় একথিয়ারখৌ নৗংছৗরনি ছায়াও গৗরায়ৈ বাহাইনৗ নাঙি বাদি বে একথিয়ারনি ঠাংখিয়া জাবায়, নৗংছৗরখৌ লুখাংনৗছৗ, বৗখ্লাইনান গারহৎনৗ অৗঙা।11অব্লা ও বিদা-ফংবায়ফৗর, নৗংছৗরৗ রংজা, বুংজাছে গৗগৗনি থাখৈ চেষ্টা খৗলাম, গাওজৗং গাও উৎসাহ হৗজৗলাই, গাওছৗরনি গেজেরাও মানিজ্লাই, শান্তিয়ৈ থা। ঈশ্বৗরা, নৗংছৗরখৌ অন্নায় আরৗ শান্তিয়া নৗংছৗরজৗং লৗগৗছে থানায়।12অনজ্লাইনায়জৗং গাওজৗং গাও গৗজৗন্নায় লাজ্লাইদৗ।13ঈশ্বৗরনি গাছেন মানসিফ্রা নৗংছৗরনৗ খ্রীষ্টনি গৗজৗন্নায় হৎদৗং।14ফৗরবু যীশু খ্রীষ্টনি অনুগ্রহ, ঈশ্বৗরনি অন্নায়, আরৗ গৗথার জিউনি সহভাগিতা নৗংছৗর বয়জৗংবৗ লৗগৗয়াও থাথৗং।
The Seed Company