1 থিষলনীকীয়3
1জৗবনাইয়াও, জেব্লা জৗঙৗ নেনৗ হায়ি জাদৗং, অব্লা এথেন্স নৗগৗরাও জৗং বান থানৗ সানবায়।2বিনিখাইনৗ জৗঙৗ জৗংনি ফংবায় তীমথিয়খৌ নৗংছৗরনিয়াও থৗনহৎদৗং, জাইয়া ঈশ্বৗরনি থাখৈ খ্রীষ্টনি মৗজাং খবর খৗথাবাইনায়াও জৗংজৗং লৗগৗছে মাওফাগ্রা, বিয়ৗ থাংনানৈ নৗংছৗরখৌ নৗংছৗরনি ফৗথাইনায়াও ফৗগৗমহৗনৗ আরৗ গৗসৗ দুংখাংহৗনৗ হানায় বাদি।3জাহাথে নৗংছৗরৗ নাছয়জানায়াও নৗংছৗরনি রাওবৗ ফৗথাইনায়নিফ্রায় উনফিনাবাদি, নৗংছৗরৗ গাওছৗরনৗ মিথিখাগৌ যে জৗং বয়বৗ সৈনাংনায়নি গেজেরজৗং থাংনাংনায়।4নংগৌ, জেব্লা জৗং নৗংছৗরজৗং লৗগৗছেমৗন অব্লা জৗং নৗংছৗরখৌ বুঙৗমৗন যে নাছয়জানায়। আরৗ নৗংছৗরৗ মৗজাংঙৈ মিথিবায় যে জৗং জেরৈ বাদি বুংদৗংমৗন বিবাদিনৗ জাফুংবায়।5বিনিখাইনৗ, আং নৗংছৗরনি ফৗথাইনায়নি খৗথাখৌ গৗবাং মিথিনৗ গৗসৗ জানানৈ থাথেরনৗ হায়িখায়, তীমথিয়খৌ নৗংছৗরনিয়াও থৗনহৎদৗংমৗন। আরৗ নৗংছৗরৗ শয়তাননি আনজাৎনাও গৗগ্লৈনানৈ জৗংনি মাখ্রুবনায়খৌ ফৈমাল খৗলামবায় হৗন্নানৈ জিংগাসিদৗংমৗন।6নাথায় দানৗ তীমথিয়আ নৗংছৗরনিফ্রায় জৗংনিয়াও ফৈফিননানৈ নৗংছৗরনি অন্নায় আরৗ ফৗথাইনায়নি মৗজাং খবরখৌ জৗংনৗ হৗফৈবায়। অন্নায় গৗসৗখৌ লানানৈ অরাইবৗ নৗংছৗর জৗংখৌ গৗসৗখাঙৗ, আরৗ জৗং জৗরৈ নৗংছৗরখৌ লৗগৗ লানৗ লুবৈদৗং, বিবাদিনৗ জৗংখৌ নাইনৗ লুবৈদৗং হৗন্নানৈ জৗংনৗ খৗথাফৈবায়।7বিনিখাইনৗ, বিদা-ফংবায়ফৗর আরৗ বিবো-বিনানাওফৗর, তীমথিয়নিফ্রায় ফৗথাইনাইনি খৗথাখৌ খৗনানানৈ জৗঙৗ জৗংনি গাছেন দুঃখ আরৗ নাছয়জানায়ফ্রাওবৗ গৗজৗন্নায় মৗনবায়।8নৗংছৗর ফৗরবুনিয়াও গৗগৗমৈ গছংফথানান থায়ৗব্লানৗ জৗঙৗ ঠাংনানৈ থানৗ হায়ৗ।9নৗংছৗরনি জুনৈ জৗংহা ঈশ্বৗরনি সিগাঙাও রংজানায় দং, বে রংজানায়নি থাখৈ জৗঙৗ মাজৗং ঈশ্বৗরখৌ ধন্যবাদ হৗনৗ হানায়?10জৗঙৗ গৗসৗমানিজৗং হর-সান ঈশ্বৗরনিয়াও প্রার্থনা খৗলামৗ, জাহাথে নৗংছৗরনি মৗখাংখৌ নুনৗ মৗনফিননায়বাদি আরৗ নৗংছৗরনি ফৗথাইনায়াও নাংবাওগৌখৌ (অভাব, আংখাল দংবাওয়ৗখৌ), পুরা খৗলামনৗ হানায়বাদি।11গাছেন হেংঠাফৗরখৌ বৗখাৎনানৈ জৗংনি বিফা ঈশ্বৗরা গাওনৗ আরৗ ফৗরবু যীশুআ জৗংখৌ নৗংছৗরনিসিম দৈদেনলাংথৗং।12আরৗ জেরৈ বাদি জৗং নৗংছৗরখৌ অন্নৗ, বিবাদিনৗ ফৗরবুআ নৗংছৗরনি গাওজৗং গাও আরৗ গুবুনফৗরজৗংবৗ অনজ্লাই নাইয়াও বাংলাঙহৗথৗং আরৗ উসিফাওহৗথৗং।13নংগৌ, বেবাদিয়ৈ ফৗরবু যীশুআ জেব্লা গাওনি গৗথার মানসিফৗরখৌ লানানৈ ফৈফিন্নায় বি সমাও, জৗংনি ঈশ্বৗর জাইয়া জৗংনি বিফা, বিনি সিগাঙাও নৗংছৗরখৌ গৗথার আরৗ দায় গৈয়ি মৗনফৈনায়বাদি নৗংছৗরনি গৗসৗফৗরখৌ বৗলৗগ্রা খৗলামথৗং।
The Seed Company