1 পিতর5
1নৗংছৗরনি গেজেরাও জাইফ্রা মণ্ডলীনি প্রাচীনফৗর দং, বিছৗরখৌ আঙৗ একই মাওফাজাবগ্রা প্রাচীন, খ্রীষ্টনি সৈনাংনায়নি সাক্ষী, আরৗ বিনি মহিমা নুজাহৗজানায়মানিখৌ নাইনৗ ভাগীদার, বি হিসাবৈ আঙৗ নৗংছৗরখৌ খাওলায়ৗ,2নৗংছৗরৗ ঈশ্বৗরনি লাওখার জানানৈ নৗংছৗরনি জৗথৗন সিঙাও থানায় মেন্ডাখৌ মৗজাঙৈ দৈদেনদৗ, বাধ্য জানানৈ অৗঙা, নাথায় গৗসৗ ইচ্ছাজৗং, ঈশ্বৗরা জেরৈ লুবৈয়ৗ বিবাদিনৗ, গাজ্রিয়ৈ খামায়নৗ অৗঙা, নাথায় আগ্রহজৗং সেবাখৌ মাওদৗ।3যে দায়িত্বখৌ নৗংনৗ হৗবায় বিনিছায়াও অধিকার খৗলামনৗ অৗঙা, নাথায় মেন্ডানি উদাহরণ জা।4আরৗ জেব্লা গাহায় লাওখারা নুজাফৈনায়, অব্লা নৗংছৗরৗ মহিমানি মুকুটখৌ মৗননায়, জেয়া মাব্লাবাবৗ গৗমৗৎলাংনায় অৗঙা।5জৗহৗলাওফৗর, নৗংছৗরৗ প্রাচীনফৗরনি সিঙাও থা আরৗ গাওজৗং গাও নৗংছৗরৗ বয়বৗ নম্র জাজ্লাই; মানৗনা “ঈশ্বৗরা ডুগাফৗরনি বিরুদ্ধ গছংঙৗ, নাথায় নম্রফৗরখৌ অন্নায় দিন্ঠিয়ৗ।”6বিনিখাইনৗ নৗংছৗরৗ ঈশ্বৗরনি বৗলৗগ্রা আখাইনি সিঙাও থা, নাংগৌ সমাও বিয়ৗ নৗংছৗরখৌ ফৗজৌনায়।7নৗংছৗরনি গাছেন ভাবনাচিন্তানি বিবানখৌ বিনি ছায়াও হৗ, মানৗনা বিয়ৗ নৗংছৗরনি থাখৈ চিন্তা খৗলামৗ।8সাবধান জা সিরি মৗন্নানৈ থা মানৗনা নৗংছৗরনি বিসারু শয়তানা মাছে হুদুমনায় সিংহ বাদি, সৗরগিদিং গিদিংবায়নানৈ ছৗরখৌ গ্লবনৗ মলৗংনৗ হানায় বিখৌ নাগিৎনৗ।9ফৗথাইনায়াও বৗলৗগ্রা জা, আরৗ শয়তাননি বিরুদ্ধ গছং, মানৗনা নৗংছৗরৗ মিথিগৌ, বে সংসারাও জেরাওবৗ বিশ্বাসী ন্ব'খরফ্রা নৗংছৗর বাদিনৗ সৈনাংদৗং।10আরৗ গাছৈ অনুগ্রহনি ঈশ্বৗরা, নৗংছৗর দান্দৈছে সৈনাংনায়নি উনাও বিনি জৗবনৗ গৈয়ি মহিমায়াও যীশু খ্রীষ্টনিয়াও নৗংছৗরখৌ লিংহৎদৗং। ঈশ্বৗরা গাওনৗ নৗংছৗরখৌ বৗখাংফিননায়, আরৗ বৗলৗগ্রা খৗলামনায়, আরৗ বিনৗ নৗংছৗরখৌ গৗরা খৗলামনায় আরৗ গায়সননায়।11জেব্লাইবৗ বিনি বৗলৗয়া যুগ যুগ থাথৗং। আমেন।12জাইখৌ আঙৗ সাছে ফৗথাই জাথাও ফংবায় হৗন্নানৈ সাননৗ, বে সীলাসনি হেফাজাবজৗং আঙৗ বে গুছুং লাইজামখৌ নৗংছৗরনৗ লিৎহৎবায়। আঙৗ নৗংছৗরনি গৗসৗয়াও উৎসাহ হৗনৗ আরৗ বে ঈশ্বৗরনি নংথারগৌ অনুগ্রহ হৗন্নানৈ আঙৗ সাক্ষী হৗয়ৗ। নৗংছৗর বেয়াওনৗ স্থির থাদৗ।13নৗংছৗরজৗং লৗগৗছে সাইখজানায় ব্যাবিল মণ্ডলীনি সাফ্রৗমবৗ আরৗ আংনি বিসাজ্লা মার্কআ নৗংছৗরনৗ গৗজৗন্নায় হৎদৗং।14অনজ্লাইনায়জৗং গাওজৗং গাও গৗজৗন্নায় লাজ্লাইদৗ খ্রীষ্টনিয়াও থানায় বয়নিবৗ ছায়াও শান্তি থাথৗং।
The Seed Company