1 যোহন1
1জেয়া জাজেন্নায়নিফ্রায় দংখায়ৗ, জেখৌ জৗঙৗ খৗনাবায়, জেখৌ জৗঙৗ জৗংনি মগনজৗং নুবায়, জেখৌ জৗঙৗ নৗজৗর হৗবায় আরৗ আখাইজৗং দাংবায়-বিখৌ জৗঙৗ গৗঠাং সৗদৗবনি বিষয়ৈ প্রচার খৗলামৗ।2বে গৗঠাংনি বাক্য জেয়া নুজাবায়, জৗঙৗ বিখৌ নুবায় আরৗ বেনি সাক্ষী হৗয়ৗ, আরৗ জৗঙৗ জৗবনৗ গৈয়ি গৗঠাংনি প্রচারখৌ নৗংছৗরনৗ প্রচার খৗলামৗ, জাইয়া বিফাজৗং লৗগৗছে দংমৗন, আরৗ জৗংজৗং নুজাবায়।3জৗঙৗ জাইখৌ নুবায় আরৗ খৗনাবায়, বেখৌনৗ নৗংছৗরনৗ প্রাচার খৗলামৗ, জাহাথে নৗংছৗরবৗ জৗংজৗং সহভাগিতা লাজ্লাইনৗ হায়ৗ আরৗ জৗংনি সহভাগিতা লাজ্লাইনাইয়া বিফাজৗং আরৗ বিনি বিসাহৌয়া যীশু খ্রীষ্টজৗং।4বেফৗর গাছেনখৌবৗ লিৎদৗং জাহাথে জৗংনি রংজানায়া ফুরা জানায় বাদি।5জৗং বিনিফ্রায় খৗনানায় বে বাথ্রাখৌনৗ নৗংছৗরনৗ মিথিসাৎহৗয়ৗ; ঈশ্বৗরা স্রাং, বিনিয়াও খৗমসিয়া গৈথারা।6যদি জৗঙৗ ঈশ্বৗরজৗং সহভাগিতাও দং হৗন্নানৈ দাবি খৗলামনানৈবৗ খৗমসিয়াও থাবায়ৗব্লা, জৗঙৗ ছৗলৈয়ৗ, আরৗ নংগৌখৌ মাওয়া।7নাথায় জেরৈ বিয়ৗ স্রাঙাও দং, বেবাদিনৗ জৗংবৗ স্রাঙাও থাবায়ৗ, জৗংহা গাওজৗং গাও সহভাগিতা লাজ্লাইনাইয়া দং, আরৗ যীশুনি থৈ, বিনি বিসাহৌয়া, জৗংখৌ গাছেন পাপনিফ্রায় গৗগৗ খৗলামৗ।8জৗঙৗ যদি পাপ গৈয়া হৗন্নানৈ দাবি খৗলামৗব্লা, জৗং গাওখৌনৗ গাও ঠগাইয়ৗ আরৗ সত্যয়া জৗংনি গেজেরাও গৈয়া।9নাথায় জৗঙৗ জৗংনি পাপফৗরখৌ ঈশ্বৗরনিয়াও সিমান লাব্লা, ঠিক আরৗ বিয়ৗ বিশ্বস্ত, আরৗ বিয়ৗ জৗংনি পাপফৗরখৌ ক্ষমা হৗনায় আরৗ জৗংখৌ গাছেন অন্যায় খামানিফৗরনিফ্রায় ফৗথারনায়।10যদি জৗঙৗ পাপ মাওয়াখৈ হৗন্নানৈ দাবি খৗলামৗব্লা, জৗঙৗ ঈশ্বৗরখৌ ঠগায়সুলা খৗলামৗ আরৗ বিনি বাক্যয়া জৗংনিয়াও গৈয়া।
The Seed Company