Tasinɛ5
Labeenɛ lini a Jamɛ̃rɛ̃
1N zɛ labeenɛ linɛ a shɔu ɔ̃li a lakpati nakɨn; shɔ bee vi au bi kaziti piti shɔ rɛunya ɗɔ maanzii.2N zɛ Ɗajashonɛlapa pɛ̃niba, au lanya a kakani a shanɛ,<<Shɔuyɛ zɛnɔɔ vinyarɛnɛm ɓɛlinɛ, u kali labeenɛ linɛmrɛ piya?>>3Ama Shɔwɔɔ ɓa a kolapa ko a kotipi ko a ɓuzɨn kotipini au yɛ ɓeli labeenɛ linɛm u kɨnnɔɔ a ɓuzɨn ni ɓa.4N sɨnrɛ fɛ̃ɛm, aru shɔ jo kpaa shɔu yɛ zɛnɔɔ labeenɛ linɛu ɓɛlinɛ u kɨnnɔɔ a ɓuzɨn ni ɓa.5Kɛɗɔn shɔzɛ gbete atette shɔpẽniwiyini gelin nɛ, <<Mɔkɔ sɨnnɛ. kɨnnɔɔ pɛ! Zɨgãng au tipi Yahuda, Dauda laduru pɛ̃niba, ɗashaariutɛ, yɛ zɛnɔɔ labeenɛ linɛ e nyarɛnɛ ɗɔ manzii ntaanɛtɔ, u ɓelirɛ.>>6Kɛɗɔn n zɛ Jamɛ̃rɛ̃ u ɗɔɔ shinɛ atette lakpatiwini, vi suru nɛ̃ɛ̃ti i kɨntiu atette a shɔpẽniwiyini. Jamɛ̃rɛ̃u tasi naa shɔ nyou tɛttɔ. U laagee maanzii, a nɔɔ maanzii, ukɔ ɔ̃rɛ Ɗalapa suru maanzii au shoyi a kotipi aɗɔ piti.7Jamɛ̃rɛ̃u yɛrɛ a tuu labeenɛu a shɔgbete ɔ̃li a lakpatiu nakɨn rɛ.8Naa pɛlitɛ nankɔ, vi suru nɛ̃ɛ̃tiwi a shɔpẽniyi mbati atu nɛ̃ɛ̃tiwi i nwesi a tipi a Jamɛ̃rɛ̃u ɗekɨn. Kopishɔpiya u a mhtani a naa, a kosi laa zɨriya sũrũ-sũrũ a pii lot, ukɔ ɔ̃rɛ shɔ sisɨn ãnɛyi Ɗalapa gakinɛ.9I ntɔɔ soo sɔɔ nɛ:<<A yɛtɛtɔ anɔgbete a tuu labeenɛ linɛmrɛa ntaunya a ɓelirɛ.Aruviya si shɔ nyɔ a vɔrɔ tɛttɔ, a nyaba vɔnɛ gbete a ntee kpaayɛ a raa Ɗalapashɔbiitɛ ko-pi laduru shɔpiya, nyakoo, tipi, a shɛ̃ɛ̃ni.10A pɔ̃tɛ i ɔ̃ shɔ lakpati shɔlansi ai shoshi u Ɗalapa vishonɛ yɛ,i kɔyi yɛ sã koorɛ.>>11N kɨnnɔɔ sɔnrɛ̃, n nta Ɗajashonɛlapayi nya, lazɔrɔ lazɔrɔ a shɔ gadɔɔ ɓa! I shilirɛ i knti lakpatiu atette a vi suru nɛ̃ɛ̃tiwi a shɔpeniwiyini,12i ntɔ soo a gãgãni nɛː<< Jamɛ̃rɛ̃ a shɔ nyou yɛ yɛtɛtɔ nɔgbeteu tɛ kaka, vinaa, sẽrẽ, a lakinɛni,banɛ, bassinɛ a bɛlinɛni!>>13N nta vishɛshinɛ piti ai a kolapa, a kotipi a nto kotipi dii, a mii wapo a vi suruyini a kotipi kpai i si a ɗɔɔ soo ntɔnɛ nɛ:<<Shɔu ɔ̃ a lakpati a Jamɛ̃rɛ̃ni,shɔu bɛliutɔ, shɔu ãu banɛ, bassinɛ a kakani u ɔ̃ u ɓɛɛdangdang!>>14Vi suru nɛ̃ɛ̃tiwi i kasinyanɛ,<<Nankɔ!>>Shɔpẽniwiyi nwesi a tipi i bassi Ɗalapa rɛ a Jamɛ̃rɛ̃ni.The Word for the World International