OL SAM142
1Olgeta.Mi mi krae i go long Hae Godblong hem i givhan long mi.Mi stap askem long hemblong hem i sore long mi.2Mi talemaot olgeta samting long hemwe i mekem mi mi harem nogud,mi talemaot olgeta trabol blong mi long hem.3Taem mi mi harem nogud tumas,we tingting blong mi i foldaon from,be hem i save wanem samtingwe bambae mi mas mekem.Long rod ya we mi stap wokbaot long hem,ol enemi blong mi oli putum wan trap finisblong kasem mi.4Be taem mi luk biaen long mi,mi no luk wan man we i save givhan long mi,i no gat man we i save blokemgud mi,i no gat wan man nating we i save lukaot gud long mi.5Hae God, mi stap krae long yublong yu givhan long mi.Mi talem se,“Yu nomo yu stap lukaot long mi.Olgeta laef blong mi long wol ya,yu nao.”6Tingting blong mi i foldaon olgeta.Plis yu lesin long miwe mi stap krae long yublong yu givhan long mi.Ol enemi ya blong mioli strong tumas winim mi,plis yu tekemaot mi long han blong olgeta.7Mi mi stap long trabol yaolsem we mi stap long kalabus.Plis yu mekem mi mi fri,nao bambae mi presem yulong fes blong ol man blong yu,from we yu yu mekem i gud tumas long mi.
Bible Society of the South Pacific