Karatamuai 10 पढ़ें

Karatamuai10

Noa mere peteibi neibi aramio merebusere nou e

¹Noa ro edi mere peteibi ro na-girasomai-ibi Sem ie Iapeti ie Ham ie, neibi ro abata saro gabo ato dubu mere sirio girasomo-birimo.

Iapeti aramio merebusere

²Ina Iapeti ro na-girasomo dubu mere sirio, neio masiro nou e, Goma, Magoga, Madai, Iabeni, Tubara, Meseki, saro mere Tirasi.³Iapeti keba mere Goma, nou ro girasomai-ibi dubu mere peteibi, neibi masiro Asakenasi, Ripa, ina Togama.⁴Ina Iabeni ro girasomai-bi 4 dubu mere peteibi, neibi masiro nou e, Erisa, Tarasisi, Kitimi, saro mere Rodanimi.⁵Neio Mediterenien oromo bara ato irowomidirotiti. Erere gu simara owera to na-iremowautiti-mo, erere goto kere to ibo gororoburutai-rimo, sipu neio ro auna nato gowai-rimo.

Ham aramio merebusere

⁶Ina nou Ham dubu mere neibi masiro ie Kusa, Misiraim, Putu, Keineni.⁷Ina ibose Kusa dubu mere neibi masiro ie Seba, Habira, Sabata, Rama, Sabateka. Ina Rama netewa teibo mere teibo ie, Seba ra Dedani ra.

⁸Kusa ata mere masiro Nimorodi, nou auna boso eputa dubu e,⁹ibose nedi sopu duriomoro ro nato auna ometa koroho dubu e Iawe sosoro gabo ato. Ina noudo ie, urubia ro ibo karo, ‘Urubia dubu Iawe sosoro gabo ato nou auna ometa koroho dubu e, Nimorodi beda sosoro irohotiti.’

¹⁰Ina Nimorodi ro awawo sabowa iaurititi Babironia duriomoro ato, sabowa masiro neio ie, Babironi, Ereki, Akada, ata Karene.¹¹Ina Nimorodi Babironia duriomoro na-gemeserai, taie nou imese gou ata duriomoro to, masiro Asiria. Nou ro iato awawo sabowa gisioidiro, sabowa masiro neio ie Niniba, Rehobotiri, Karaha mutu.¹²Ina nou ro auna negere sabowa, Reseni, iato gosioidiro, Niniba ra Karaha ra turituri ato.

¹³Isipi, nou ata masiro Misiraim, nou nasaio ibo ie, Ruda urubia, Anam urubia, Rehaba urubia, Naputu urubia,¹⁴Paturusi urubia, Kasuru urubia, ina Kiriti urubia. Pirisitia urubia neio Kasuru urubia aboudo orobu-die.

¹⁵Keineni ro netewa teibo dubu mere teibo girasomai-ma, keba mere Sidoni, saro mere Hiti.¹⁶Ina nou nasaio ie Iebusi urubia, Amore urubia, Girigase urubia,¹⁷Hiwi urubia, Aki urubia, Sini urubia,¹⁸Awadi urubia, Demari urubia, Hamati urubia. Keineni urubia gu gabogabo aise gororoburutai-rimo¹⁹womu tato Keineni duriomoro gebari ti-girobai-rimo. Neio ro nedi duriomoro gebari ro nou gorobai-rimo, Iodeni oromo bara rido womu tato koriri duriomoro ti-gorobai-rimo. Sidoni sabowa koriri duriomoro ato ata sapuwo ato na-owamo, womu tato Gasa sabowa, Gera sabowa mutu, imese neio ro ta-gorobai-rimo. Ina Iodeni oromo bara iedi duriomoro ro Keineni urubia ro imese ta-gorobai-rimo. Iato nedi sabowa ro neio ro giamo, Sodom, Gomora, Adima, Seboimi, Rasa mutu. Ina iedi duriomoro gebari ro koriri ra Iodeni oromo ra turituri ato na-gowamo, Keineni urubia ro aise gorobai-rimo.²⁰Nedi urubia ro imese Ham urubia ie. Neio erere gu, erere owera, duriomoro gabogabo gorowomidiro.

Sem aramio merebusere

²¹Sem Iapeti naramu e, nou nasa Eberu, Hiburu urubia abera ie.²²Sem ro dubu mere girasomai, nu neio masiro ie Erama, Asura, Apakisadi, Rudi, ina Arama.²³Arama ro dubu mere girasomai Usa, Huri, Getere, Meseki.²⁴Apakisadi ro Sera garasomai, ina Sera ro garasomai Eberu.²⁵Eberu ro girasomai-ma Perege Iokatani mutu. Perege na-gomidiro, urubia iato duriomoro gabogabo aise gorohodowa-rimo. Ina noudo ie nou abera ro masiro a-gapoi Perege, maumo owamo ibo Korohodowa.²⁶Iokatani sirio dubu mere girasomai nu neio masiro ie, Aromodati, Serepe, Hasamaweti, Dera,²⁷Hadorama, Usara, Dikara,²⁸Obara, Abimaeri, Seba,²⁹Opiri, Habira ina Dobabi. Neio imese Iokatani dubu mere ie,³⁰neio ta-gorowomidiro podo duriomoro ato saiki boido idiawado-die Mesa ra Sepa ra turituri ato.³¹Nedi urubia ro imese Sem urubia ie. Neio erere gu, erere owera, duriomoro gabogabo gorowomidiro.

³²Nedi sipu ro Noa edi mere peteibi ro neibi aboudo orobu-die, ina nato gororoburutai-rimo imese duriomoro gabogabo to.