KATAGARDA ISHIPA85
Ma̱shi ma̱ kula̱nsa̱ kasingai adama a Isaraila
Kadanshi a kubana u vuza vu kelime vi ishipa: Vishipa vu muku n Kora.
1Vuzavaguɗu, vu yaꞋanka ta̱ iɗika i nu kasingai,vu bonoko ta̱ Yakubu n una̱singai u ni.2Vu cinukpaka ta̱ uma a̱ nu unushi u le,vu cinukpakai le unushi u le. Kuvuka3Vu ka̱sukpa̱i kuyaꞋan wupa n ele,ɗa vu takpai wupa wu usuɗukpi u nu we le.4Bonoko tsu kpamu, Ka̱shile kishi ka̱ tsu,vu ka̱sukpa̱ kupana wupa u tsu.5Vi ta̱ a kuyaꞋan wupa n a̱tsu ko wannai ɗa?Vi a ku saꞋawa kuta̱na̱ ba?6Vi o kudoku tsu utsura,vu ɗa̱ngusa̱ tsu kpamu ba?Adama a na ci cikpa wu ba?7Vuzavaguɗu vu yotsongu tsuucigi u na u tsu sabaꞋa ba,vu ɓa̱nka̱ tsu n wishi u nu.8Mi ta̱ a kuzuwa atsuvu wu ili i na,Vuzavaguɗu Ka̱shile ki a kudansa,a̱tsu na ci uma a̱ ni,u yaꞋanka tsu ta̱ uzuwakpani u ma̱ta̱na̱,tsu bono baci a ukuna u tsulau u tsu ba.9Mayun wi ta̱ ufoɓushi adama a na wu isa aza a na i e kuneke yi tsugbayin,adama a na tsugbayin ci ni tsu yongo punu a iɗika ya.10Ucigi u na u tsu sabaꞋa ba n usuɓi i ta̱ o kugasa a̱ ubuta̱ u te,ma̱riki m ma̱ta̱na̱ i ta̱ kpamu o ku oɓongbonoi11Ma̱riki ma vuma mi ta̱ a̱ ku uta̱ aduniyan a kubana gaɗi,usuɓi u Ka̱shile wi ta̱ a ku indana ɗe gaɗi.12Vuzavaguɗu wi ta̱ a ku zuwaka tsu una̱singai,iɗika i tsu yi ta̱ a kumatsa ili i kashina n a̱bunda̱i.13Usuɓi wi ta̱ a kulyaꞋa kelime ka̱ ni,u foɓusoko yi uye.