KATAGARDA ISHIPA84
Uzuwi u ka̱ɗu u Ka̱shile
Kadanshi a kubana u vuza vu kelime vi ishipa: A yaꞋan vu ɗa n ka̱la̱ka̱tsu ka <<Gititi.>>Vishipa vu muku n Kora.
1Yiɗa̱i a kugisangu ku ugaꞋin wa̱ A̱Ꞌisa̱ a gbayin a̱ nu,Ka̱shile MalaꞋimili?2Wuma u va̱ wi ta̱ a malima ulanga wa̱ A̱Ꞌisa̱ a gbayin a Vuzavaguɗu.Ka̱ɗu ka̱ va̱ n wuma u va̱ ra̱ka̱ a kucanana ishipau Ka̱shile ka wuma.3Ali ojironjiron feu a̱ ciya̱ ta̱ ɗe kpaꞋa,mbeɗukule n yaꞋan ta̱ ɗe cikinda,ɗevu n katalikalyuka a tsu guɓa muku n le,Vuzavaguɗu MalaꞋimili, mogono ma̱ va̱ Ka̱shile ka̱ va̱.4Aza a una̱singai a ɗa aza a na i a ida̱shi a kpaꞋa ku nu,makyan dem i ta̱ a kucanana ishipa i kucikpa wu. Kuvuka5Aza a̱ ma̱za̱nga̱ a ɗa aza a na a̱ ciya̱i utsura wa̱ nu,aza a na i a mali a bana a kusan ku Sihiyona.6Aza a̱ ma̱za̱nga̱ a ɗa a na o tonoi n ka̱ra̱Ꞌa̱ ke ɗekpu,ɗa ko bonoi tsu a̱shi a̱ mini,tsu na mini ma̱ ugiti ma̱ Ka̱shile ma tsu shatangu ayivan dem.7A̱ tsu ka̱na̱ ta̱ kutsurukpa a̱ ka̱tsuma̱ ka nwalu n le,i ta̱ tana e kene Ka̱shile ka̱ a̱ma̱li a Sihiyona.8Pana avasa a̱ va̱, Vuzavaguɗu Ka̱shile MalaꞋimili,panaka mu, Ka̱shile ka Yakubu. Kuvuka9La̱na̱ Ka̱shile, avu ɗa ubuta̱ u kusheɗeku u tsu,sa̱Ꞌa̱ mazagbi ma̱ nu.10Kanna kete ka na a kuyaꞋan A̱Ꞌisa̱ a gbayin a̱ nuu laꞋa ta̱ ayin ka̱kpa̱n a na a kuyaꞋan a̱ ubuta̱ u yoku kau.n laꞋa ta̱ n kuciga m shamgba utsutsu u kpaꞋa ku Ka̱shile ka̱ va̱,a na ma̱ kuda̱sa̱ngu a iꞋuwa i uma a gbani-gbani.11Vuzavaguɗu Ka̱shile,a̱yi ɗa kutashi ku tsu m ma̱ra̱ga̱ ma̱ tsu,u tsu zuwaka tsu ta̱ una̱singain kasingai n tsugbayin,u sa̱nka̱ aza a na i a kuyaꞋan ili i mejegeili singai ba.12Aza a una̱singai a ɗa aza a na e nekei a̱ɗu ele wa̱ nu,Ka̱shile MalaꞋimili.