Read Katagarda ka ISHAYA 47

Katagarda ka ISHAYA47

Uyikpi u Babila

¹<<Cipa̱ ka̱ta̱ vu da̱sa̱ngu a iɗikaavu Babila,da̱sa̱ngu a kayala babu kakuba,avu Babila.O kudoku e ɗeke wumeleshushe ko vuza babu utsura ba.²Ɗika kutalikukiya ka̱ta̱ vi yaꞋan kiya,foɗo ka̱ka̱la̱bi ka̱ nu.Va̱ga̱lukpa̱ fatari vu nu, vu ka̱sukpa̱ ene pulai,ka̱ta̱ vu wala vu pasamgbanai o nɗolu.³Ciyanpu tsu nu ci ta̱ a̱ kuta̱ pulai,ka̱ta̱ wono u nu wo okpo e keteshe.Mpa n kutsupa ta̱,mi kpamu a kubuwaka vuza n wuma ba.>>⁴Ka̱shibi ka̱ tsu, Vuzavaguɗu MalaꞋimili ɗa kula ku ni,a̱yi ɗa vuza ciɗa vi Isaraila.

⁵<<Desa̱ngu ɗe n ka̱bini a̱ ka̱yimbi,avu Babila,a buwa e kuɗeke wumogono ma vuka mo tsugono ba.⁶N yaꞋan ta̱ wupa n uma a̱ va̱ aza a Isaraila,m bonokoi le ukuna u gbani,n nekei le e ekiye a̱ nu,ɗa vu kpa̱ɗa̱i kupana asuvayali e le.Ko a tsukutsa ci le,ɗa vu ka̱na̱i kuneke le atakaci.⁷Ɗa vu danai, <Mpa mi ta̱ a kulyaꞋa kelimen kulyaꞋa tsugono tsa̱ a̱ma̱ci ali a kubana uteku n uteku.Ama vu kpa̱ɗa̱i kindana ili i nampa ya,ko vi ciɓa n ili i na i ɗa i kutuka̱.

⁸<<Gogo na, pana kakuna ka nampa,avu na vi ci ciga kupana ku uyoꞋo, avu na vu tsu yongo ukanji mayin,avu na vu tsu dana n ka̱ci ka̱ nu,<Mpa ɗa biꞋi, babu kpamu vuza yoku sai mpa.Mpa mo kokpo kagapa bako n namba maku a̱ ka̱tsuma̱ ka̱ muku n va̱ ba.>⁹Ukuna u re u nampa dem wi ta̱ a kucina wu babu megeshe,a kanna ke te,unambi u muku n tsugapaci ta̱ a̱ kuta̱wa̱ wa̱ nu m makara,ko n ukuna u ka̱bunda̱iko oboci a̱ nu koɓolo n tsuboci le dem.¹⁰Vi neke ta̱ katsura n kawuya ka̱ nuali ɗa vu danai, <Babu vuza na we enei mu.>Ugboji u nu n kuyeve ku nu ku nu ku vakangi nuana vu danai ka̱ci ka̱ nu,<Mpa ɗa, babu kpamu vuza yoku tsu va̱.>¹¹Mayu atakaci a̱ kuta̱wa̱ ta̱ wa̱ nu,va kufuɗa kutere a ɗa n alaꞋwin ta na ba.Kawuya ki ta̱ a̱ kuta̱wa̱ wa̱ nu,vi ta na a kufuɗa kisa ka̱ci ka̱ nu ba,ili i wuya i na vi uyevi n i ɗa ba,yi ta̱ a kucinaka wu.

¹²<<Gogo na yaꞋan ulinga n alaꞋwin o tsuboci a̱ nu,yaꞋan ulinga n uye u na vu tonoi ali n ayin a ɗe.U gaꞋan ba u ɗa wi ta̱ a kuyaꞋanka wu kasingai,ko u ɗa u zuwa vuza yoku kupana wovon u nu.¹³Kadanshi ko odoki ka na vi isai dem ko oꞋuso wu ta̱Te ɗai aza a tsusaki ku ukuna a̱ nu i ra̱ka̱,eyevi a azangata a ele na a tsu dana i na yi lo a̱ kuta̱wa̱ o wotoi dem,yaꞋan a isa wu a̱ ubuta̱ wi ili i na yi lo a̱ kuta̱wa̱ wu.¹⁴Mayu i ta̱ tsu mita̱ ma̱ ciꞋiwa̱, ma na mi a kukula̱ akina.A kina i ta̱ o kusongu le ra̱ka̱. A kufuɗa ki isa ka̱ci ke le, a̱ ubuta̱ wu utsura wa akina ba.Cikina ci lo tsu na vuza u kunyashika ba,babu kpamu akina a na vuza u kutasuku.¹⁵I nampa i ɗa koci a kufuɗa kuyaꞋanka ɗa̱ele vu na vu soꞋi atakaci adama e le, ele vu na i yongoi koɓolo ali n ayin a na yi muku.Yaba dem u tsu tono ta̱ uye u ni,babu vuza te vu na wa kisa wu.