Tsuɓari12
Ciɓa n vuza na u yaꞋin nu o tsu lobo-lobo a̱ nu
1Ciɓa n vuza na u yaꞋin nu,a ayin o tsuloboi tsu nu,kafu ayin atakaci a̱ ta̱wa̱,a̱ya̱ kpamu a kuyawa a na va kudana,<<Mi a kupana uyoꞋo u le ba.>>2Kafu kutashi n kannawotoi n azangata a̱ kpa̱ɗa̱ kuneke kutashi,eleshu kpamu a̱ puwa̱nka̱ o kotso baci mini,3Ana aza a na i a ku inda kpaꞋa ka e kujeꞋeke ikyamba,aza a utsura kpamu a namba utsura,ayin a na anga a̱ kuyikpa̱ okpo kenu,a̱shi a kindi i ta̱ kpamu o ko okpo rumbu-rumbu,4ayin a na a ku gbagura uye wu nwaluka̱ta̱ vu kpa̱ɗa̱ kudoku kupana izumgbi i kiya,ayin a na ma̱shi ma nnunu koci ma ku jimgbasa uma,ka̱ta̱ ishipa i le ra̱ka̱ i kotso,5Ana uma a kupana wovon n ili i na yi n kashani,nwalu uye wi ta̱ a̱ kutuka̱ wu n wovon,ayin a na nɗanga n almon n topoi pu,kakyun o kurono ikyamba i ni,a̱shi a wuya kpamu a buwa ba.Talo vuma u kubana a kpaꞋa ku ko wannaiu ka̱sukpa̱ le una̱mgbuka̱tsuma̱.6Ciɓa n a̱yi kafu kawin ka azurufa ka ka kasa,ko kafu kebelyu ka azanariya ka ko ɓoso,ko kpamu kafu ma̱diki mo ɓoso mirimiri a̱ ka̱kina̱ ka̱ mini,ko kpamu kafu kawin ko ku ronoko mini o kayinva ka kasa,7ka̱ta̱ kubuta̱ kubono a iɗika a̱ ubuta̱ u na wu uta̱i,wuma kpamu u bono u Ka̱shile ka na ke nekei u ɗa.8<<Gbani ɗa, ili dem gbani ɗa.>> Malum ma danai, ili ra̱ka̱ gbani ɗa.Ukocishi wu ukuna
9Ba malum maꞋa koci mo yongo vuza vu ugboji ba, ama u piꞋisaka uma e yeve. U la̱na̱ ka̱ta̱ u sheshe tsu na u foɓusoi asan a̱bunda̱i.10Malum ma la̱na̱ ta̱ adama a na u ciya̱ kadanshi ka na ki mejege, kpamu i na u ɗanai derere ɗa n kasingai.11Kadanshi ku ugboji ki ta̱ tsu kalangu ka kaguɓa, i ta̱ a̱ kugeshe ci ikusa i na a lapai a kalangu ka na e nekei maguɓi me te.12Maku ma̱ va̱ ka̱ta̱ vu zuwa ugboji, n ili i na o kudoku a kanampa ka.Kuɗana ka atagarda ki n uteku ba, kpamu mekecu ma̱ a̱bunda̱i mo tsu oꞋuso ta̱ ikyamba.13Gogo na a pana ta̱ ili nampa ra̱ka̱,ukoci u kadanshi u ɗa na.pana wovon u Ka̱shile ka̱ta̱ vu tono wila̱ u ni,adama a na ɗaɗa koci ulinga u vuma.14Adama a na Ka̱shile ki ta̱ a kuyaꞋan afada a ulinga dem,n u na a yaꞋin usokongi,u singai ko u gbani-gbani.