Kaiwo Riwangsoai8
Awaifoi sahu
1Metaramioae? awaifoi sahu,tuti nemitituai kariri neo maifo, sahu na rahuwafui fiabai, metaramioie?2Doa na katai dadaifo na rang deraungfo,tuti na rangfo boriruhifo.3Na bendari borongfo, na rahutu baba dereungfo,na rang uainaifoi, i sahu na rawafui fiabai deyo,4“Inontarai ne mea, we mea yau isahu,we inontarai ne mea kiai na nunei yohong rahuwafuinei.5Inontarai mano wiro meteitawang turura kahane meaine! Mesobu aunau ambori menumikamiei wewu tofong,inontarai mano wiro memaya we aunau mea kahane meaine! Metafu kaiwo werorongne na menemirorongwai.6Metaramima, weo yau ambori yeisaha kaiwo werorongno mahikai paria,tuti ambori ifai borohu kariri kaiwo wetaraine.7Weo taperehunei medu kaiwo tarai,tuti karirafo mani borohurawanei enerireuwaifa.8Kaiwo imadurane kai mani wetarai,wiro weai sayewa kaha.9Kaiwo nani kiai wetarai we mano nunggamiei wewu tofongfoi,mimoya we inontarai mano deitawangnai werorongfoi.10Taramuo nehu aunaune, weo mehikai sewa weru perakinei,tuti waitawangnai werorongfo mehikai sewa weru emasi keisorinei.11Taramuo Awaine yau weo iweharga sewa weru kamiei ne harga dedainei,fianai aino inontarai enemioafo mani, wiro weai masi kariria kaha.12Yau mani, Awaifoi di yau, inayai ruhiai ria numikamiei wewu tofongfoi,nehu waitawangnai werorongfo tuti nemitituai kariri neo maifo.13Roaso Yahwei tuti omi wei mani, enemirireu neo karirafo,yau enehurireu tewanei, nemirorong dedainei, koang keriranei,tuti boromi sefangna tatofanei.14Na yau mani wobu aunau tuti titua kariri neo bengfo,yau mani waitawangnafo di yau, tuti na yau mani wobu mambiriufo.15Yauno yohong mananu nesa eweparentane,tuti mambaiseng nesa ehutu kaiwo na etoa rahangnai.16Yauno yohong mambiriu we baba nesa eru parentane,tuti mano ewe wafonia nesa kiai tuti mano ehutu kaiwo fosa kiai, na nunei.17Yau enehuo inontarai mano eneo yau,tuti mano yurai serawe yau ambori sobu yau ki.18Imainenang fianggeng bitoya tuti omifo,kontai rao wataia papayai tuti oarahangnai.19Neo yohongnane mani mahikai sewa weru emasi keisorinei,tuti fianai aino wobuai na yau mani mahikai sewa weru perakio mehikainei.20Yau ira na rangbo da to mesifoi,yau ira na rangbo da to oarahangnafoi.21Yau yohong inontarai mano enemiwawu yaufo ene ra bitoya,tuti isoni ene munu rorongfo sefang na ra.22Yahwei niari yau kawuru ampa na reantenang na Ne fio yune,we ne fio Niari reantenang na fafongpa.23Niari yau na fafongpa kawurua,na reantenangno, wiro nunei kaharai.24Na kutu wiro rawanang kehabifoi kaharai,tuti wiro mereha ureng feai kaharai, itaubaunuhu kawurua.25Wiro Niari uaifo doatira kaharaituti wiwoifo kaharai mae, itaubaunuhu kawurua,26na kutu wiro Niari nunei tuti kahofa wiarora kaharai,ete kangganang kahofao reantenangfoi.27Na kutu Yahwei meinenang rorafaisi, yau inayai na wana,na kutu Yabang rora amawawa na rawanang kehabi nuwowongfo.28Na kutu Dohong katai we kafafe na rorafaisi,tuti mereha ureng na rawanang kehabi duwi na mambiriu, yau inayai na wana kawurua.29Na kutu Yahwei dohong mereha rawanang rausi werea nayafo,ambori wiro merehafoi dauroainai to rei kaha,tuti na kutu Kiutu nunei amangnei,30inayai kontai Riati we Ne arikang enewawuti,rahida neungne iwe mararising Wei,tuti ifaraise pampang na Arongfo.31Yau imei na Ne nunei nuwowongfotuti imirising yeti inontarai mano enayai na rorongne.32Nanai wedaya mani, arikang ne mea metaramio yau,weo mesobu maifo mano mera na nehu rangnei.33Metaramio aunaune, ambori menemitituai kariri neo maifo,dohonao wiro metohong kariria kahafe.34Inontarai mano tarao yau mani sobu neo maifo,mano na rahida neungne demang na nehu rahutunei,mano deitawang na nehu diri rahutu fiabainei.35Weo mandoni dino sobu yau mani, ambori minohi darang na mai,tuti Yahwei eneoi.36Wape mandoni dino wiro sobu yau kaha mani, mantauni sobu dadirafo,inontarai mano menemirireu yau mani, meteyo memarareha.”The Seed Company