Kaiwo Riwangsoai27
1Wiro boi aromu we fio nari na rahida fui fanai,weo wiro boitawang fio ambori dariai na rahida da ahamafoi kaha.2Wiro boromuwa fiai bera mantaung wau fanai, kadono inontarai siai efiai wau,kontaio kadono inontarai manei deiriri kariri nemu bengfo mani, wiro boromurawanei deiriria fanai.3Kamieinei mani miraba tuti ninuaingnei kontaio ne maraba,wape neo maraba sewa fi beru nina mani, nemirorong pirahai we fio inontarai webonggoi niarifo.4Inontarai mano enerorong meninggapoi tuti minsangsoang mani wiro enewawu kaha,wape mang mano enerorong pirahafoi mani ureng mamang sewa, mandoni dino yutawangni?5Uari parai mani mahikai sewa weruenemuwawuti wape nemuborututu ne sarawafo.6Maniwowiri manei bioi wau we neo bengfo,wape inontarai mano enerireu waufoi, tetofa wau na niuna wau bitoya paria.7Inontarai mano memosinei, wiro miaya we dang aniwa ne maingnei kaha,wape inontarai mano wewisinei mani, fi kiaio pirandimanei niruainsoi memisi.8Inontarai mano dontai waroi weru ne munufoi tuti serawawera da to doni,i mani netarai toyari romu sifo weru ne aisanggingfoi.9Maning saituni tuti fi nunsai mamporifo niari nemirorong firaise,tonanai kontai maniwowiri dentengfoi ne kaiwo aunauo bengfo.10Wiro aromuporo nemu maniwowirinei tuti nemu dai ne maniwowirifoi fanai.Na kutu wobu dadirafo mani, wiro ro to nemu doroi ne munufoi fanai.Ro we nemu munu wararengfosa mani, mahikai sewa weruro we nemu doroi niayai waroifoi.11Nehu kaisungne wau, kadono wowai, nari enehurorongnei firaise,ambori imadu we inontarai mano eteiwe yau fosa aha.12Masino inontarai mano nungkamiei wewu tofongfoi deti karirafo mani, dediwa netarai,wape inontarai mano wiro deitawangna turura kahafoi da pari, donio sobu karirafo.13Masino inontarai mano dererai we biai kutu inontarai siai manei ne fi kiafo mani, ka inontarai mano dohong kaiwo arerai nani ne fio harga dadaifo,tuti rutawangnaifa, paria biaitai kai.14Mandoni dino kamiai kutung dohong mahikai we ne munu warareng fosa na rawafui fiabai mani,inontarai mano etaramioa fosa enumiruainso fi nanai we aikangganiai wiro moang kaha.15Wiwing mano memuna biriufoi mani,netarai toyario mereha deda pampang na antaraung miti na kutu wemetangfo.16Dadira we wua wiwingno memuna biriufoi we fiotourai, nana mani netarai toyario rutawangno wanangba,tuti toyario rukanggung maning.17Besi kika besinei reisa,tonanai kontai inontarai nesa etaunau wawerasa ambori esawai.18Mandoni dino derara ai urungnei mani, ambori dang bongnei,tuti mandoni dino deitawang ne mano yu fi weifoi mani, ambori detori.19Toyari inontarai manei deti to merehafoi, tuti merehafoi deinawi urengfo,tonanai kontai inontarai enerorongnei deinawi bera mantauni.20Raimeri wiro fiotou song inontarai marareha kaha,tonanai kontai toyari inontarai nesa, fio enemioafo mani wiro efotou we etawi wea kaha.21Emasi tuti perakinei rang suru na adiafoi ambori aroang suru na ukaisorifo,tonanai kontai inontaraifoi ambori tataroangni weo i mani inontarai netarai toyari fiani na kutu tafiaifo.22Masino boi inontarai webonggoifoi toyario tuta pa nei,ne webonggoifo wiro nai werui kaha.23Boitawang nemu kambing tuti domba nesa, ebeng ete bererie,bohung sua nemu fiahung nesa.24Weo ranei mani wiro wiatai we fitawafa kaha,tuti sapewi mananunei wiro pepayai we ne riria bia we riria kaha.25Ferang kahutu ninoinei we fiahung fosa ene fiang, ambori rerori weworufoi dariai aha,tuti ninoi na wiwoi wetarareifo fanduhi tuti ararati,26ambori nemu domba antung nesa enumiwawurufo we nemu ansung,tuti kambing mang fosa bowayangsa, ambori doifo we wori kahofa.27Ambori nemu ui na kambing wiwing fosa, we wau tuti nemu munurorongfo ene fiang kontai,tuti nemu mangfata wiwing fosa ambori etarang na mai.
The Seed Company