Kaiwo Riwangsoai15
1Roa we inontarai mano kesoufoi na kaiwo fanahang ambori ne kasoufo bia,wape madu na kaiwo raisa mani dohong ne kasoufo dautai aha.2Na inontarai sewai taperengfoi, dariai kaiwo waitawangnai werorongno kia nemirorongfoi, ambori ewaitawangnaifa,wape mano wiro miaya we aunawi kahafoi, borongfo sefangna kaiwo bonggoifo.3Yahwei urengfo nayai na katainei kiai,Deitawang inontarai mano kerirafoi tuti inontarai mano dentengfoi.4Taperemi finahang mani toyario ai dohong arang,wape taperemi tatofanei dohong nemirorong pirahai.5Inontarai mano webonggoifoi deiaya tamang ne aunaufo,wape mandoni dino dohong kariri kaiwo uarafo nana mani, inontarai mano nungkamiei wewu tofong dine.6Na munu inontarai mesifoi mani ra bitoya,wape fio inontarai kerirafoi sobuafo mani kia karirafo.7Inontarai sewaifoi bororawafoi mani, medu kaiwo waitawangnai werorongfo,wape inontarai mano wiro miaya we aunawi kahafoi, wiro niari tonana kaha.8Yahwei enerireu inontarai kerirafoi ne korbani niunumifoi,wape nadi inontarai warang maifoi mani, dohong Enerorong firaise.9Inontarai eharira ene rangfoi, Yahwei enerireuwi,wape mandoni dino yurai na mambiriu we niari maifo mani, Yahwei enewawuti.10Inontarai mano da weru rang mesifoi mani, ambori sobu aiboi maraba,tuti mandoni dino enerireu kaiwo uarafo mani, ambori mireha.11Yahwei deti bau katai inontarai mararehafoi,sewa pari aha mani, Deitawangno inontarainei kiai enemirorongnei.12Inontarai mano enerireuwafoi mani, miaya we inontarai manei suari kaha,wiro miaya we da to inontarai mano sewaifoi we sobu aunau kaha.13Nemirorongno firaisenei mani, dohong uremi mararising,wape nemirorongno fituayanei mani, kiraikobu mirisingne.14Inontarai mano enetituaitai ahera we tefu kaiwo werorongfo mani, yurai pampang we sobu waitawangnai werorongfo,wape inontarai mano wiro miaya we aunawi kahafoi mani, yurai we soni borongfo na bonggoifo.15Inontarai mano sobu dadirafoi mani, wiro minohi darang na mai kaha,masino sobu dadira wape enerorong firaise pampang, toyari niari muniara.16Inontarai manei ne fianggeng fuba kaha, wape yoaso Yahwei tuti somi wei, mahikai sewa weruinontarai mano ne fianggeng bitoya, wape arokuayaifa.17Bang raung rewanggoai bei ria inontarai mano enewawu wau mani, mahikai sewa werubang andowa tarai miaing ria inontarai mano enerireu wau.18Inontarai mano kesou ahera mani, wedaya mamuna,wape mano sawaninei mani, dohong enemirorong deunanang.19Inontarai ureng mariranei ne rangfoi mani, toyari rangno sefang na ababo,wape inontarai mano warang mainei ne rangfoi mirarebanaifa.20Arikang mano sewaifoi mani, dohong tamang firaise,wape mano wiro miaya we aunawi kaha mani, enerireu inana.21Bonggoifo mani, mano wiro enetituai kariri neo mai kahafoi firaise weai,wape mano nunggamiei wewu tofongfoi mani, da na rang mimoyafoi.22Fianai aino inontarai etamafo wiro esobuai kaha, masino wiro etaramio mano etohong aunau fosa kaha,wape fi etamafo esobuai na mai, masino etaramio mano etohong aunau fosa.23Inontarai manei firaise na kutu yoa na mai we mano dutanifoi,tuti sewa aha mani, masino medufo tete ne rahidafo.24Rang inontarai mano enetituai kariri neo maifoi mani, da to arang waroifoi,ambori wairoi weru raimeri.25Inontarai mano tewa ne munufoi Yahwei sotawi,wape Deitawang wedua wiwingna ne ruareafoi.26Yahwei enerireu fio inontarai kerira samafo,wape inontarai mano medu kaiwo manangfo mani, mahikai paria.27Mandoni dino yurai we sobu fianggeng na sofa inontarai siai mani, wedaya ne munurorong sobu dadira,wape mandoni dino enerireu fikahutufo mani, ambori darang na mai.28Inontarai mano mesifoi mani, enetituai kaiwofo akawuru wori medu ki,wape inontarai kerirafoi mani, na borongfo kaiwo karirafo dariai ahera.29Yahwei niayai waroi weru inontarai mano keriranei,wape Tarao inontarai mesi ne nadinei.30Uremi kaiwewa dohong nemirorong mirising,tuti kaiwo bengfo dohong andeisei numianinu nei.31Inontarai mano tarao kaiwo uarafo mani, ambori kiari to arangno bengfo,i kontai ambori we inontarai sewai.32Mandoni dino eneaya aunaufo mani, niari dadira we mantauni,wape mandoni dino tarao uarafo mani, enetituai kariri neo maifo.33Roaso Yahwei tuti omi wei mani, aunauo kia awai fine,tuti nemirorong tewawa mani, wedaya wonongmi beng.
The Seed Company