Nunei Reantenangfo39
1Na rabuang bo nani, inontarai Ismaeli fosa eha Yusupi to Mesiri kawurua nanai. Tuti etawayangni we Potifari, inontarai mano wenunggamiei we mano ewaitawang wedua mananu ne munufoi.2Wape Yahwei weriria Yusupi pampang, donio fianai aino niari fo mani beng paria. Ampefe niayai na Potifari inontarai Mesiri foi ne munufoi.3Potifari detioai weo Yahwei weriria Yusupi tuti Mioangni na fio yu fo,4ampefe Potifari firaise we Yusupi. Donio yuasi we ne mangfata we mantauni tuti we deitawang wedua ne fianggeng munurorongfoi kiai.5Na siario yuai Yusupi we deitawang ne munurorongfo tuti ne fianggengfo kiai nanai, Yahwei mioang inontarai Mesiri foi ne munurorongfo, weo Yusupi fefe. Tuti Yahwei mioang ne fianggengfoi kiai, na munufoi ete na romifo.6Potifari ne fianggengfoi kiai dohongni we Yusupi we deitawani, tuti na ne tonanane Potifari wiro urewa we ne fianggengfoi ahang kaha, mae manta ne fio dang fo aino bereri ne.
Yusupi mani netaraifoi denteng tuti ureng bohi paria.7Mayeaia mani Potifari ne wiwingfoi enerorong sau we Yusupi paria, ampefe medu wei deyo, “Ro ma bena ria yau.”8Wape Yusupi deiayari tuti medu wei deyo, “Dai Potifari yoaso yau we yeitawang ne fianggengnei kiai na ne mununei.9Na mununei nehu mambiriu fuba kariri i we yeitawang wedua ne fianggengnei kiai, manta ai wauno bereri ne. Todoni fino inari fio kerira nini tuti inari sasari we Allai?”10Rahida neungne wiwingfoi wewori Yusupi pampang, wape Yusupi wiro miaya we dena riati kaha.11Na rahida beia mani, Yusupi da to munufoi afui we yufi nayai, tuti wiro inontarai manei na munufoi kaha.12Ainanaya wiwingfoi yu na Yusupi ne ansungfo tuti yabiti na mamboni, mae medu wei deyo, “Ro ma bena ria yau.” Wape Yusupi merira, ampefe mito arora to boriei weru wiwingfoi, mae ne ansungfo wiwingfoi yutawanai.13Na kutu Potifari ne wiwingfoi detioai we Yusupi mito to boriei weru ne ansungfo tuti ansungfo yutawanai na warangfo nanai,14sahu mangfata fosa ma, medu wesa deyo, “Mewati, inontarai Iberanio nehu mangnei kiari ma nini, meikanggani tata. Inontarai nini suayai afui de dena ria yau, manamo ibibe isahu tutiri.15Tuti na kutu taraoai we ibibe isahu tutiri tonana fo, mitai mito to boriei weru ne ansungne.”16Potifari ne wiwingfoi yutawang ansungfo paria ne mangfoi daraberahi to munufoi ma.17Na kutu Potifari daraberahi ma nanafo, ne wiwingfoi deiriri finanai wei, deyo, “Woming inontarai Iberanio kari ma nini, antanafa da ma we niari kanggani yau.18Wape na kutu ibibe isahu tutiri nanai, mitai mito to boriei, ampefe ne ansungne watai ria yau.”19Potifari tarao kaiwo ne wiwingfoi medurai kariri fio Yusupi niari weifo nanai, Potifari kesou paria.20Ainanaya Potifari demi ne inontarai fosa etafu Yusupi tuti ehari to munu aitamu rorongfo, kataio mananufoi yu aitamu inontarai etohong sarawai. Ampefe Yusupi eru aitamuoi na nana.21Wape Yahwei weriria Yusupi tuti Deinawi ne enewawufo pampang, ampefe mano wenunggamiei we munu aitamufoi eneo Yusupi paria.22Nanai wedaya mani, mano wenunggamiei we munu aitamufoi yuai Yusupi wenunggamiei we mano ewatai na aitamu rorongfosa, tuti fio eru na munu aitamufoi.23Tuti mano wenunggamiei we munu aitamufoi wiro niari fieai ahang kaha, yoaso Yusupi paria. Weo Yahwei weriria Yusupi donio fianai aino niari fo mani na mai paria.
Yusupi mani netaraifoi denteng tuti ureng bohi paria.7Mayeaia mani Potifari ne wiwingfoi enerorong sau we Yusupi paria, ampefe medu wei deyo, “Ro ma bena ria yau.”8Wape Yusupi deiayari tuti medu wei deyo, “Dai Potifari yoaso yau we yeitawang ne fianggengnei kiai na ne mununei.9Na mununei nehu mambiriu fuba kariri i we yeitawang wedua ne fianggengnei kiai, manta ai wauno bereri ne. Todoni fino inari fio kerira nini tuti inari sasari we Allai?”10Rahida neungne wiwingfoi wewori Yusupi pampang, wape Yusupi wiro miaya we dena riati kaha.11Na rahida beia mani, Yusupi da to munufoi afui we yufi nayai, tuti wiro inontarai manei na munufoi kaha.12Ainanaya wiwingfoi yu na Yusupi ne ansungfo tuti yabiti na mamboni, mae medu wei deyo, “Ro ma bena ria yau.” Wape Yusupi merira, ampefe mito arora to boriei weru wiwingfoi, mae ne ansungfo wiwingfoi yutawanai.13Na kutu Potifari ne wiwingfoi detioai we Yusupi mito to boriei weru ne ansungfo tuti ansungfo yutawanai na warangfo nanai,14sahu mangfata fosa ma, medu wesa deyo, “Mewati, inontarai Iberanio nehu mangnei kiari ma nini, meikanggani tata. Inontarai nini suayai afui de dena ria yau, manamo ibibe isahu tutiri.15Tuti na kutu taraoai we ibibe isahu tutiri tonana fo, mitai mito to boriei weru ne ansungne.”16Potifari ne wiwingfoi yutawang ansungfo paria ne mangfoi daraberahi to munufoi ma.17Na kutu Potifari daraberahi ma nanafo, ne wiwingfoi deiriri finanai wei, deyo, “Woming inontarai Iberanio kari ma nini, antanafa da ma we niari kanggani yau.18Wape na kutu ibibe isahu tutiri nanai, mitai mito to boriei, ampefe ne ansungne watai ria yau.”19Potifari tarao kaiwo ne wiwingfoi medurai kariri fio Yusupi niari weifo nanai, Potifari kesou paria.20Ainanaya Potifari demi ne inontarai fosa etafu Yusupi tuti ehari to munu aitamu rorongfo, kataio mananufoi yu aitamu inontarai etohong sarawai. Ampefe Yusupi eru aitamuoi na nana.21Wape Yahwei weriria Yusupi tuti Deinawi ne enewawufo pampang, ampefe mano wenunggamiei we munu aitamufoi eneo Yusupi paria.22Nanai wedaya mani, mano wenunggamiei we munu aitamufoi yuai Yusupi wenunggamiei we mano ewatai na aitamu rorongfosa, tuti fio eru na munu aitamufoi.23Tuti mano wenunggamiei we munu aitamufoi wiro niari fieai ahang kaha, yoaso Yusupi paria. Weo Yahwei weriria Yusupi donio fianai aino niari fo mani na mai paria.
The Seed Company