Osayi ko Oyohana11
1Adami okposhi ni lebyo okposhi ko myo oza kweyi aka dami mo, <<Ga myo ole ko Owuso kpo okpe nu kweyi yawo geyagye ni bo ole ko Owuso ni yika.2Ka ke mya akpada kese lo, ikweyi koni Owuso yi da awase ni wase ko Oyahuda lo ni, aba woteyi ko Ogya Neshi hin ko oya awene ayepa.3Nyya ta awolobene hin epa ni shoshiye ka ashisha ni oleho, aba tono kela ko Owuso ipu ka aweno okpakwu oye sogbogbo epa sawihiri mani.>>4Awolobene epa mani wefu ko ozetu epa kpi ikwomu epa ni hagye obutu ka Adole kese ni.5Owoni ashe takirikwu ko yuwo ofo, ola ya bwo okwunu wa yaya awomonyekwotu wa ayi; mani oni ase ni takirikwu ko yuwo ofo kpiri aba yuwa ngmo.6Awolobene epa mani gboshu ko ya akpa gwu, shini owuso naka wa lo ishini aba tono kela ko Owuso. Aki gboshu ikweyi ki inyo ko okpa, ko pyanu woyi; aki gboshu ko bye ebi wonyonya wese ishi kpiri ni ayimu ni.7Ishini atono kela wa kweyi ni, obekwu oye bose ipu ko ogo ni gbomeyi lo ni wa guwotu konu. Oshunu ya shakawa kweyi yuwa ngmo,8kweyi okwu ka awolobene mani ba shagye owe ipu ko ogya nyakwu, ebeni aya Adole wa poshi ni. Ase kiye ko ogya mani wo Osodom kwi Ijip.9Ase bwo okpagye, kpo ose, kpi igbenu kpiri ebebe nya bawa mo okwu wa ke eno eta kpo oshishini, kweyi aba kyogwu shini ana yuwa nyi lo.10Ase kese ba shotunehe ikweyi kikwu ka awolobene epa mani. Aba shotunehe kweyi keshi diyiwa, ikweyi koni awobane epa mani byo owe wa dase kese kpiri.11Itikpi ke eno eta kpo oshishini olayi niya dase olayi bwebe ko Owuso wa gipu wa kweyi, atakpa nyiso; kpiri kase ni muwa ni oshi yuwa kwu kotata.12Awobane epa mani pwoko nwa bwi iso ya ka dawa mo, <<Webe ni!>> Ishini awomonyekwotu wa ba muwa ni abwipu ka akpa gi iso.13Ebebeni okpagye ja kotata; ikpo oye ipu ko okwu igwo ko ogya nyakwu ni wogya nyakwu mani kya, kweyi ngmase okpakwu ahapa. Oshi ya ashini kase kwu kweyi asho Owuso nyakwu ki iso iye.14Ebi ko omwepa shigbo, oke ya gbeji lo ebi ko omweta ki yawa!15Ebeni oyoleho ko omwahapa ta ajigwo nu, kweyi apwawoko nwa bwi iso ba kamo, <<Anani oshu ko kpogwu kese waka Adole ka kpo Omezaya nu, oya kpogwu ko gbogbo-gbogbo!>>16Ebeni awanyakwase awepa ayene ni bagye obe wa ni kwagye obutu ko Owuso ba geyagye danu,17aba kamo:<<Adole Owuso Ine koshu kpiri, ase ni we ki kwobonu we ni!Ashotunehe dawo ni oyo oshu nyakwu wo bize nioki kwotu ko okpogwu!18Awase ni gyo Owuso lo ni ba wotu,ikweyi koni ishi ka anya kyokye wo gye wa,ishi ko kepwo kawase ni gekwu ni.Ishi gye ko da ayole wo kawo bane abola wa,kpawase sere wo kpiri, ni ba yoshi wo ni,bwa anyakwu wo oleke.Ishi gye wa koni oya yawase ni yese yishi ni yi ngmo!>>19Ole ko Owuso gwogwa iso, amo Odudu ko Okoyi ipu ko Ole ko Owuso. Owusotasha, kpe eya ka akpula, akpula gbo, agyeja kweyi owuso yiwo ka akyo nyakwu-nyakwu.
The Word for the World International