YESAYA62
Yesaya Ɔkparamakayi I Yerusalem Iti
1Ala Zion isɛɛ iti ne loibalokanana,ala Yerusalem isɛɛ iti ne loibalo losɛ kpoo,gbɔgbɔɔgbɔ ɔ̃ sibɔlɔlɔ ɔfiɛ lɛ ɔɖesɛrã awe,gbɔgbɔɔgbɔ ɔ̃ sibɔlɔlɔ ɔfiɛ sitã ɔtɔ lɛ kaka awe.2Nɖebi to maanya fɔ sibɔlɔlɔ,fiɛ magara ɔɖuɖu aanya fɔ ikpawaĩ.Mato maarɔ-ɔ iyere ɣɛtɛnɛ i Bosate mɔmɔ aakpere-ɔ.3Ato aaɖe igaraikoto nɛ nto ilɛnyɔ i Bosate kɔrɔ̃ ame,gu igara itinyira i fɔ Ɣaa kɔrɔ̃ ame.4Maisibakpere-ɔ nwɔ masɛ̃,ɣee maakpere fɔ karɔ̃ sɔ Kakunu.Ɣɛɛ mato maakpere-ɔ sɔ Xepziba ,fiɛ maakpere fɔ karɔ̃ sɔ Beula ,alasɔ Bosate sɛ ɔna isoɣɔ i fɔ iso,fiɛ maayiri fɔ karɔ̃ lɛ ɔrɔ̃go awe.5Lɛ kumɛgɔ i ɔporoporoi sɛ ɔyiri ɔbitɛ ne,ngbɔ i fɔ mabibirɛrɛĩ aamatã-ɔ ne.Lɛ kumɛgɔ i ɔrɔ̃gokɔdze sɛ ɔna isoɣɔ i ɔ̃ ɔrɔ̃gokɔa iso ne,kumɛɔ i fɔ Ɣaa sɛ ɔna isoɣɔ i fɔ iso ne.6O Yerusalem, loɔsɛra madzuɛ̃se i fɔ abere iso.Maibalo kuiyikuiyi ku ikpɛnɛ ame ɣee ku kasɛ̃.Mi ma nsɛ mikpere Bosate ne,midaatã so iwarã kɔraa.7Midaatã Bosate iwarã gbɔgbɔɔgbɔ ɔsɛra Yerusalem,ɔtã ɔkpese ɔmagɛ̃ wɔ karɔ̃ ɔɖuɖu iso sɛ kale.8Bosate ɔkã ndamu ku ɔ̃ kuɖearɔ̃gu ku ɔ̃ kɔrɔ̃ gɔ mba ɔle sɔ,"Loisibasu fɔ geɖebu araɖea lotã fɔmatsirise sɔ maɖe kuiyikuiyi ana,fiɛ mafɔ iisibanɛ fɔ wain ɣɛtɛwɔ awe anyɛ abara karabara iti kuiyikuiyi ana.9Ɣɛɛ mma losa ɔraɖui kanya ne, ma loaɖe wũfiɛ maale Bosate ne.Ana ne mma losa wainabi kanya ne ma loanɛ waini wũ isɔrɛyo inyamɔ."10Misɛ mife! Miki i kuyogodɔ̃ ame mife mikɛlɛ!Miledza ɔri misɛ maturi.Mikpɛ̃ ɔri, miyira ɔri siare!Miɖi ata.Mikɔlɛ kameleɖukui mitã nɖebi.11Bosate ɔɔpɛ itɔ̃me imomoikɛlɛ ta karɔ̃ kawirikɔ̃ sɔ,"Miɣere Zion Ɔbibirɔ̃gomi sɔ,'Nyɔ lo, fɔ Ɖidze ka ɔba!Nyɔ, ɔsɛgu kuso gɔ ɔ̃atã,fiɛ ɔ̃ ibaraitikuso ɖe wũ katɔ̃.' "12Mato maakpere ma sɔ Maturi Sekelea,Bosate maturi ma ɔtã kuso ɔɖi;fiɛ maakpere-ɔ sɔ kakɔi ga maabie,Ɔmagɛ̃siare wɔ maisinyua masɛ.The Seed Company