YESAYA4

1Iyi nɛmɔ ne, marɔ̃go ikɔdzɛaamɔɛ̃ ɔrɛrɛ̃ ɔwɛ̃maɣɛ sɔ, "Boaɖe bo mɔmɔ araɖeabobie bo mɔmɔ arapia;tã makpere bo kere sɔ fɔ mare boɖesi aɖi bo kunuarɛ i anɔ!"

Bosate To Ɔ̃akpesera Yerusalem Ɔsɛra

2Iyi nɛmɔ ne, Bosate aatã ɔraɖui sɛɛ wɔ nto ɔlɛnyɔ ɔre, fiɛ Israel mabi ɔɖuɖu ma lokuti aapa so ala kumɛgɔ i ɔraɖui aalɛ ɔso.3Mma lokuti i Zion, mma lokpese mawe i Yerusalem fiɛ matsɛrɛ ma ayere i magbanadze ndɛ̃ i Yerusalem ne, maakpere ma sɔ masekele.4Bosate aafore Yerusalem marɔ̃go anyini ɔɖi i ma iso, ɔfore kaɖe ima nɛ maɔfere i karɔ̃ anyini ɔɖi i ma iso iki i atɔ̃me iɣɛgu gu ɔtɔ siwarã ame.5Iyɔ i Zion kube iso gu mma ɔɖuɖu losikanya i mmɔ ne, Bosate aatã idɔdɔ ɔfu i ma iso ku anɔwã, ɔtã kuyɔ gu ɔtɔ wɔ lokpawaĩ ɔdzuɛ̃ ma ku kasɛ̃ ame.6Iaɖe igbɔdɔ gu ɔyu itã ma i ikpɛnɛ ame, fiɛ iaɖe katarikɔ̃ gu kawɛrɛkɔ̃ itã ma i kado gu awɛ ame.

The Seed Company

https://app.library.bible/content/86f4bd306e059174