YESAYA32
Igara Wɔ Lobɔlɔlɔ
1Nyɔ Igara to ɔ̃aɖeiso i sibɔlɔlɔ amefiɛ mma nto maɖeiso aaɖeiso i ɔri iso2Ɔrɛrɛ̃ biara aaɖe lɛ ikpayo nɛ ame aawɛrɛ si ɔwiri to ɔkpɛ̃gu kawɛrɛkɔ̃ si awɛ to akpɛ̃,lɛ ndu mɛ nto mibore ɔkore i fafuĩ ameana lɛ itasiare kusɔ i karɔ̃ korea iso.3Iyɔ mma nto manya anɔ iisibama,fiɛ mma nto manɔ atsue aanɔ.4Mma nse dzegedzege aadzuni aatsue ara manɔ ara karɔ̃,fiɛ mma nto matoto siɖe ɔnyagɛmi aata, ma ikaɖe ame ɔkpa.5Maisibarɔ kadzunisɛĩ sɔ ɔturi nyaaɣee mawarɛ katurisasoi kukaakɔ.6Alasɔ kadzunisɛĩ sɛ ɔɣɛ adzunisɛ̃ra,ɔto ɔbu aranyanyariã iti ame:Ɣaa idaanigã ara ɔsɛ ɔbaraara wa loiɖe ɔnukuare ɔsɛ ɔkararã i Bosate iso;ɔ̃isɛ ɔtã mma i kukã to araɖeafiɛ ɔ̃isɛ ɔtã mma i kutukã to ndu.7Ɔtile siri iso i kadzunisɛĩ sɛ ɔbara ɔ̃ ara,ɔsɛ ɔbara adzuni lalaasɔ ɔ̃awɔra wɛrɛba ala ɔ̃ mila,si nwɔ nna kuira itɔ̃me ɔya kɔraa.8Ɣɛɛ ɔturi nyaa sɛ ɔbara adzuni nyaa,fiɛ ɔsɛ ɔya ala ara nyaa ibara ɔso.Atɔ̃meiɣɛ Gu Ikpeseisɛra
9Mi marɔ̃go ma lofɔ so maɖe,mita si mikã me atsue;mi mabibirɔ̃gomi ma nsɛ minyɔ sɔ ku ikpi iibabɔrɛ mi iso,mikã atsue si minɔ nnɛ loaɣɛ!10Ikɔ gu kama kɛkɛĩ kere ne,mi ma nsɛ minyɔ sɔ ikpi kuiwɛ̃ iibawo mi ɔbɔrɛ iso aati;mi akutu iibaɣɔ̃,adziribi ɔsɔrɛ̃wi iibaba.11Marɔ̃go, mi ma lofɔ so miɖe, miti;miti mikpakpa mi mabibirɔ̃gomi ma lofɔ so miɖe!Mibɛ so arapia iso,misu ipundukoto minyɔme.12Misia nrɔɔ̃ i mi agbegbe ala mi kukpɛkɔ̃ sɛɛ ɔso,ala mi akutu wa nsɛ aɣɔ̃ kukaakɔ ɔso13gu wũ maturi karɔ̃ ɔso,karɔ̃ ga iso i akora gu miyu ɔɔɣa akã -aĩ, mibiɛ mitã ayo wa ame mala maɔna isoɣɔgu ɔmagɛ̃ wɔgbe, nwɔ loyigu isoɣɔ lalaa ina.14Matere maɣɛ ɔmagɛ̃ wɔ ibere ɔki ilɔ,ɔmagɛ̃ wɔ ame i kulu iisɛ kulo aakpese ɔkunu;igara ɔmagɛ̃siare gu kadzuɛkɔ̃ kɔlɛa aakpese aputuku kayi daaro,iakpese mafirimu isoɣɔ kanakɔ̃ gu mabɔi akuri aɖera kaɖekɔ̃,15gbɔgbɔɔgbɔ mafedza Siwarã mafere bo iso mabɔrɛgu i kato,fiɛ fafuĩ ame aakpese karɔ̃ ga mba iɖa,fiɛ karɔ̃ ga mba iɖa aakpese ipo.16Atɔ̃meiɣɛ i ɔri iso aawe i fafuĩ amefiɛ sibɔlɔlɔ aasɛ i karɔ̃ ga mba iɖa iso.17Nnɛ loabɔrɛ i sibɔlɔlɔ ame loaɖe isobuɛ;fiɛ nnɛ i sibɔlɔlɔ aabɔ nɖe isobuɛ gu miafɔ so miɖe kayi daaro.18Wũ maturi aasɛ i ngbegɔ i isobuɛ pia,i kaɣɔ ayo ame kuwɛ̃ iibabo ɔbara ma kuira,ngbegɔ i iɖaa kuiwɛ̃ na fiɛ iwarã pia.19Atoasɔ atumagirĩ ɔrara ipo i karɔ̃fiɛ ɔmagɛ̃ ɔbibiɛ wɔsɔwɔsɔ ne,20miaɖe kusɛkusɛ maturi,mipia mi ɔraɖui i kaworei biara sikpokpo,mitã mi manantsuĩ gu mafirimu ɔɖe aɖera i kakɔi biara.The Seed Company