YESAYA13
Boaste To Ɔ̃akpadzɛ̃ Babilonia Kutsue
1Itɔ̃me nɛ i Yesaya wɔ nɖe Amoz ɔbi ɔɣɛ ɔsegu i Babilon ɔmagɛ̃siare iso i ngbe ne:2Kɔlɛ kameleɖukui kato i kabemi ga iso i kuira na,la kulu kpere ma,kpa ma kɔrɔ̃sɔ mabo i makpakpaturi ayo ame.3Loɔɖi silɔ lokpere mma loledza lotã kakpã;loɔpia wũ makpãrɛrɛĩ sɔ maɖi wũ sikpã teterea mate -makpãrɛrɛĩ ma i so sɛ siɣɔ si loɖeiso.4Kã atsue, kulu to i abe iso,lɛ maturi kposu kulu!Kã atsue, iwɔdzɔ gu kulu to i sigarakuɖekɔ̃,lɛ nɖebi nto masira so kanya!Bosate Ɔlesate to ɔsamakpakpɛ̃dze kanya ɔtã kakpã!5Mabɔrɛ i nrɔ̃ dzoroa iso,ta kayiiso kawirikɔ̃ -Bosate gu ɔ̃ sikpã akpakpɛ̃ra -sɔ ɔ̃awɔra karɔ̃ ɔɖuɖu.6Mibiɛ, alasɔ Bosate iyi nɛmɔ ɔɔbore ibo;iyi nɛmɔ nɖe iwɔrayi itã Ɔlesate ne.7Nnɛgbe ɔso ne, nrɔɔ̃ ɔɖuɖu to miafɛ̃,fiɛ ɔtu biara aabiɛ.8Ifɔ̃ aamɔɛ̃ ma,ibo gu ibɛbɛrɛ aamɔɛ̃ ma;mawãna lɛ ɔrɔ̃go i kuɣe to kuɖoɖo.Maawa nnya mala maɔnyɔ so i katɔ̃,ma ntɔ̃ ɔbara foee.9Nyɔ, Bosate iyi to iba- amumuɣɔ iyi, sikpã teterea gu siɣɛrɛ itsuedza iyi -nɛ loakpesera karɔ̃ ikpakpi,iwɔra makpibaradze i kã ame.10Awãmi gu arafiɛa i katoiisibafiɛ.Kuɣɛ̃ gɔ loabɔrɛ to kuanyɔ guduufiɛ ɔgbaleti iisibafiɛ.11Loakpadzɛ̃ kayiiso kutsue ala kã akpi iti,matilese ala ma akpi ɔso.Loatuĩdza mma nto makɔlɛ so kato sitatawelelobɔ mma nsɛ manyɔ so iteso karɔ̃ fiɛ loatuĩdza matilese ɔtile.12Maturi aabo kusa lɛ sikãrɛtɛa,mabo kusa gbaã lɛ Ofir sikãrɛtɛa.13Ne ɔso loatã kuɖokpo ɔti;fiɛ loatã karɔ̃ ɔsɛnɛkɛ̃ i kã kasɛkɔ̃i Bosate Ɔlesate sikpã,ku iyi nɛ ɔ̃ate ɔ̃ sikpã.1Lɛ kuɔ wɔ mato magbere,lɛ masɛrɛrerɔ̃ ma nna kɔdze,ɔbiara to ɔ̃akpese ɔkɛlɛ ɔ̃ maturi kɔrɛ,ɔbiara aatere ɔkɛlɛ ɔ̃ aɖe karɔ̃ iso.15Maasɔ̃ ɔbiara wɔ mana mamɔɛ̃ i ɔdziri iso;maaɖoe ɔbiara wɔ i kɔrɔ̃ ɔpɛgu ala ipɛmi.16Maasu ma mabi mawuĩ i ata iso i ma anɔmi ame;masore ma karana, marɛgu ma mare ku ɔɣiɛ.17Nyɔ, loto loatara ma Mediase lopia i ma iso,mma i sikãfudza iinya,fiɛ sikãrɛtɛa iisɛ sitã ma isoɣɔ.18Maasu ma kuta maɖoe maporoporoi;maibanyɔ mabiɛtɛ nnya,fiɛ kayiri iibaɖo ma i mabiɛtɛ wiriwiria iso.19Babilon, sigarakaɖekɔ̃ dzɛ nse lɛ inyi i sigarakuɖekɔ̃ ndɛ̃,fiɛ ma Babiloniase sɛ mapa so i sɛ̃ iso ne,Ɣaa to ɔ̃aturi sɛ̃ ɔfere i karɔ̃lɛ ɔbara Sodom gu Gomora awe.20Maturi iisibasɛ i mmɔɣee matsue ayo i mmɔ ɖa.Ma Arabse kuwɛ̃ iibapɛ ɔ̃ ikpayo i mmɔ,masɛrɛkɔdze kuwɛ̃ iibatã ɔ̃ masɛrɛ ɔwarã i mmɔ.21Ɣɛɛ fafuĩ ame kubɔibi aasɛ i mmɔ,aboroi aayi ma ayo;kutikuku aawe i mmɔfiɛ ipo ame masɛrɛ aaɣa kaɣa i mmɔ.22Masea aawe i ma ayo wa matsue abere maki malɔ ame mawũti,aboroi ɔwe i ma ayo siare ame.Ɔ̃ ɔwi ɔɔɣo,fiɛ maisibatã wũ ayi mabua.The Seed Company