YESAYA12
Sibaipɛ Kuka
1Ɔwi wɔmɔ ame ne, aɣɛ sɔ,"Loale-ɔ lo Bosate,atoasɔ anagu me sikpã ne,fɔ sikpã ɔɔɣɔ-ɔfiɛ ɔɔpia me kɔrɔ̃ i kayiri.2Gbaã ne, Ɣaa nɖe wũ iɖi;loasiaiti i ɔ̃ iso fiɛ loibanigã.Bosate, Bosate nɖe wũ ɔle gu wũ kuka,ɔ̃ɔkpese wũ iɖi."3Isoɣɔ ame aaɖu nduabɔrɛgu i iɖi atubiɔ ame.4Ɔwi wɔmɔ ame ne, aaɣɛ sɔ,"Mile Bosate, mirɔ ɔ̃ iyere;mitã nɖebi si matsue nwa ɔbara,si miɖi miɣɛ sɔ ɔ̃ iyere ne, maakɔlɛ ne kato.5Mika kuka mitã Bosate alasɔ ara siare ɔbara;mitã kayiiso ɔɖuɖu si katsue nwa ɔbara.6Zion maturi, mila kulu si mika isoɣɔ akaalasɔ Israel Ɔsekelea ɔmɔ i mi ndɛ̃."The Seed Company