IBURU1
1Mekyi Ukpo e siso mbala asɔkwu nzu izhi guruguru mu ɛgwuzɛ riba riba mu lunzu undu anukenzu,2inyete mu afyi iyi imbwama ɛlɛ ba Ukpo e siso mbala nzu mu Umɛ wu ŋa. Uwu gba Ukpo e wo ingyinangyina mbala wu le. Uwu gba Ukpo a ŋa kaa lakwu u ri ogu uwu kiya ingyinangyina le.3Uwu gba akwu ɛbɛ iyi inzumbɛku iyi Ukpo le. A ri kyakya mbala Ukpo, ekpasu iyi iso wu gba i ra la kwudu kwɔlɛ le lɛɛbi. Mizhikembo iyi umɛ wu a gba la ingbomo iyi enzu a kpamba akwɛyi a ŋɔma moshi mu kwuwo ungwungyi ungwu Ukpo Edego-ala.4Umɛ ele Ukpo e wo wu a ka alɔgbulɔ umba Ukpo ma kyamate bɔkɔ ɛnyi iyi bɔkɔ Ukpo e shi wu i ka iyamba ma awu.5Moo Ukpo a za laa ɔlɔgbulɔ wu ukpukpɛnyi tee:<<Uŋɔ ŋɔ kwu Umɛ mi;ɔnɛnɛ mi kwu Ada ŋa dɛ-ɛ mo.>> Nana Ukpo e siso mu reshi ingyi ɔlɔgbulɔ uwu Ukpo uwunawuna tee,<<Imi mii kwu Ete wu,akwɛyi uwu ba aakwu umɛ mi>> dɛ-ɛ mo.6kwuyengwu Ukpo a gyi tee la lɔ Umɛ wu ɔnzɔnu uwu kwonze mu kwudu kwɔlɛ akwɛyi a zɔ tee:Alɔgbulɔ umba Ukpo lɛɛbi o gbo wu ɔya mɛga.>>7Mu reshi ingyi alɔgbulɔ umba Ukpo ba Ukpo a zɔ tee,<<Ukpo e wo alɔgbulɔ wu kyamate ekpo tayi,ɛmɛgba wu ba kyamate ɔyi ububu tayi.>>8Mu reshi ingyi Umɛ ba, Ukpo a zɔ tee:<<Ɛsu ŋɔ, Edego-ala, ba akwiyi iyɔkpɔɔ ba ɔkpɔɔ!Ongbulolo gba ŋɔ ri ɛsu ŋɔ le.9Ŋɔ gyi ototo iyira ba ŋɔ gyi yi mo.Ɛlɛ gba i shi Ukpo, Ukpo ŋɔ, a ŋa ŋa akwɛyi e shi ŋɔ ɔnyɛ uwu inzumbɛku iyi bɔkɔ i kaa iyi e shi ɛmɛza ŋa ma bedebede le.>>10E kyo a zɔ tee:<<Uŋɔ, Ɔkwu, mu iyemo uŋɔ gba ŋɔ wo ɛzhi le,oshi ba akwu ɛduma iyi ewo ŋɔ.11Apula ɛnyi lɛɛbi itomo memowu, uŋɔ ba ŋɔ yi iyɔkpɔɔ;Lɛɛbi yi ii wuma kyamate ekpayi tayi.12Ŋɔɔ kwu yi mo kyamate origa tayi,akwɛyi o ŋanga yi ma kyamate ekpayi iyekyi tayi.Uŋɔ ba ŋɔ ŋangama mo,lɔri ŋɔ lu do te lu bomo mo.>>13Ukpo a da za laa ɔlɔgbulɔ wu ukpukpɛnyi tee:<<Ŋɔma mu kwuwo ungwungyi mi munɛkaa la mi wo agewa ŋa lo kwu kagyi unga alɛ ifulomo ŋɔ dɛɛ mo.>>14Inyete alɔgbulɔ umba Ukpo ba akwu mbɛ? Umba akwu ɛndu iyi bɔkɔ ii wo ɛduma laa Ukpo akwɛyi a lɔ yi ma kaa li mbwama laa enzu umba bɔkɔ o bo fya isama awu.
The Word for the World International