Ɛfishiya6
Ɛmɛ Mbala Umba Ada Mbala Umba Ɛnɛ
1Ɛmɛ, la lu lo umba eteyi mbala umba anyi yi ma kwuwongu lu kwu umba Ukpo, moo ɛlɛ gba akwu kiya ingyi esheshi te kaa lu wo le.2Kyamate bɔkɔ Ukpo e so mu kwokpo wu te, <<Lo la ada ŋa mbala ɛnɛ ŋɔ ma>> ɛlɛ gba akwu ɛrama iyi kwonze, iyi kenzu igyirima unga Ukpo le.3Gba lu wo ɛlɛ, <<ishoshi i shi yi akwɛyi lu yi kwunyɔ ungwu wɔzhi mu kwudu kwɔlɛ.>>4Lunyi umba ada, la lu shi ɛmɛ yi amba mo, lunyi ba la lu zɔ mba luzɛ undu ɛzɔ iyi Ɔkwu i zɔ awu.Enye Mbala Ada Umba Agba Mba
5Enye, la lu wo kiya ingyi bɔkɔ ada umbagba yi o so yi te la lu wo, la lu lo mbo mo, la lu mbwalu iso mbo mu egbo ikpɛnyi kyamate lu lomo la Okrasi tayi.6La lu lo ada umbagba yi ma mu kwuyengwu o ye yi mu eyi ibɔma kaa lu fya kwupwɔ bi mo. Lunyi ba la lu lo mbo mo kyamate enye umba Okrasi tayi, la lu wo kiya ingyi Ukpo a gyite lu wo mu egbo yi lɛɛbi.7La lu gbo mbo rinye mu egbo ikpɛnyi kyamate Ɔkwu gba lu gbo wu le tayi, moo akwu onzu gba lu gbo wu le mo.8Lunyi la lu yitu te Ukpo ee shi uwewe rigbɛ ingyi ɛduma iyesheshi iyi bɔkɔ e wo, laa enye, laa umba bɔkɔ akwu enye mo.9Tatayi lunyi Ada umbagba la lu wo iyeshi la enye yi. La lu lo mbo inyashi mo. Lunyi la lu lolo te lunyi mbala mba lu yi adakwogba ukpɛnyi uwu e yi moshi, uwu ba a zɔ kusɛ mo.Ewulo Iyi Ɛwa Itomo Iyi Enzu Wambwalu Ukpo
10Imbwambwa iyi iso mi gba i yi te, la lu wo ekpasu, la lu rima kpakiri mu ekpasu iyɛku iyi Ɔkwu.11Ewulo iyi ewa iyi bɔkɔ Ukpo e shi yi awu, la lu lo yi mɛnwu kaa la lu kiri ewa mbala onzu uwoyi.12Moo ewa nzu akwu mbala enzu mo, ewa nzu akwu mbala ɛndu iyira mbala asu umba bɔkɔ o yi idomo mbala ekpasu iyi ipwu mu kwudu kwɔlɛ mbala ɛndu iyira moshi.13Kwuwongwu ɔlɛ, la lu lo ewulo iyi ewa iyi bɔkɔ Ukpo e shi yi awu mɛnwu, akwɛyi kwuyengwu onzu uwoyi e bo munyi yi, lu rima lu shi wu eyi mɛnwu. kwuyengwu lu mbwa ewa ɛlɛ lomo, la lu rima ngiri kpɔ.14Kwuwongwu ɔlɛ, la lu rima ngiri. La lu ma ongbulolo muzhi yi kyamate kwɔbɛlu tayi. La lu lo ototo uwu Ukpo mɛnwu kyamate kwokpata ungwu ewa tayi,15la lu yi ɛnwu ma kaa la lu tanu iyi iyesheshi iyi idigbomo kyamate bɔkɔ onzu e lo ekpoyata malɛ tayi.16Kekelele lunyi la lu to ikwu idu fulo kyamate kwundu tayi; kwuwongu mbala yi gba lu nyi ɔyi uwu ogwu uwu onzu uwoyi uwu bɔkɔ e towu awu ma le.17La lu bɔ kipu unga kwoso kaa la kwu isama yi mbala iso iyi Ukpo, iyi bɔkɔ i yi mate ukpandɛrɛ tayi uwu bɔkɔ Kwundu ee shi le.18Kwuye ungwunanguna ungwu bɔkɔ Kwundu uwu Ukpo e yi yimo, la lu lɛ Ukpo. La lu ngbɛndu iyɔkpɔɔ, la lu koko lu lɛ Ukpo kwuwongu enzu wu.19La lu lɛ Ukpo kwuwo mi tete kaa kwuye ngwunangwuna ungwu bɔkɔ mi ya kenzu mo kaa la mi siso wu, la mi so la iyi mo. Akwɛyi iso iyi nvyemo iyi Ukpo, mi wa yi kwudu gedegede.20A kwu kwuwongu ilɔ iyesheshi ɛlɛ gba Imi, onzu uwu ɛduma iyi Ɔzhizɔsi, o ta mi mugu ugyi le. La lu lɛ Ukpo ka la mi siso ɛlɛ kaa la mi riyi mo.Ɛnyi Igbɛlɛma Iyi Ɔpɔlu Imbwambwa
21Umɛnɛ mi uwu idɛnyi Otakiku Umɛgba uwu Ɔkwu uwu bɔkɔ o fulo idu ma wu e so yi lɛɛbi onzu uwu bɔkɔ mi kwu mbala iyi bɔkɔ mi yi mu iwomo.22Kwuwongwu ɔlɛ gba mi lɔ wu kaa le so munyi yi kaa la lu yitu iyi kiya ingyi bɔkɔ ki ye nzu mu iwomo, kaa le kyo la ka yi ɛnwu mo.23Mi lɛ Ukpo te le shi ɛmɛnɛ mi idigbomo, idɛnyi mbala ikwu idu fulo mu Ukpo ete nzu mbala Ɔkwu nzu Ɔzhizɔsi Okrasi.24Mi lɛ Ukpo te esheshi wu li yi mbala enzu lɛɛbi umba bɔkɔ o pwu idɛnyi iyi Ɔkwu nzu Ɔzhizɔsi Okrasi mbala idɛnyi iyɔkpɔɔ.The Word for the World International