Ɛfishiya5
1Kwuwongwu lunyi lu kwu ɛmɛ umba bɔkɔ Ukpo e pwu idɛnyi mba awu, la lu mondo luzɛ wu.2Mu iwomo yi kwɔfyi kwɔfyi la lu koko lu pwu idɛnyi iyi enzu kyamate Okrasi e pwu idɛnyi nzu akwɛyi ra lakwunyɔ wu e shi Kyamate kiya ingyi umbwɔ ferere ingyi isabɔ laa Ukpo tayi.3kwuwongu lu kwu ɛmɛ umba Ukpo awu, kwɔkyɛ la la lo pwa ngwu te lu yama naa lu wo rara mo, moo ɛlɛ ishoshi te ɛmɛ umba Ukpo lo wo mo.4Iso iyi ira mbala iso iyi erendo mbala ɛnɛ iyi ira tete li wɔ mu kenzu yi mo. Ukpo iduma gba i fate la lu wo le.5Lunyi la lu yitu te, u to kaya, naa onzu uwu bɔkɔ a wuluma mo naa u wo ekweyi, mo onzu awu tayi, e yi kyamate u byi eshi eshi ayi, e fye mu kwogba ungwu Ukpo mo.6La lu shi onzu uwunawuna le kyoro yi mo mbala iso iyi umbwa mo, kwuwongu meka iyi iso ɛlɛ te gba amba umba Ukpo o fu mu enzu umba bɔkɔ o lomo mo le.7Kwuwo kwɔlɛ lunyi la lu kyomesu mbala mba mo.8Moo mekyi, lu yi mu ipwu, kekelele ba lu yi mu ɛbɛ iyi Ɔkwu ŋa le. La lu zɛ luzɛ undu ɛbɛ.9La lu lolo te ɛbɛ i bo la kiya ingyi esheshi mbala ototo mbala ongbulolo.10Lunyi la lu gyakpɔɔ kaa la lu wo kiya ingyi ki she la Ukpo.11Lunyi la lu kyo mu apula iyi umbwa iyi ipwu mo. Lunyi ba la lu ta mba undu kwudu.12Moo akwu kiya ingyi lovya kaa enzu umba Ukpo lo ba eza mbala esu wɛrɛrɛ meka iyira iyi bɔkɔ enzu umbira o wo.13Kiya ingyinangyina ingyi bɔkɔ o bo ngyi kwudu o ma ngyi.14Moo ɛbɛ gba i shi o ma kiya ingyinangyina le. A kwu kwuwo ngwɔlɛ gba o ka te:<<Nyeyimo mu ondo, uŋɔ uwu bɔkɔ ŋɔ yi mu ondo awu,La lu nyeyimo lunyi umba bɔkɔ lu kpomoakwɛyi Okrasi e shi yi ɛbɛ wu.>>15Kwuwongwu ɔlɛ, la lu gbɛndu kaa la lu yi kyamate erendo mo, la lu yi kyamate enzu umba amasa tayi.16kwuyengwu lu fya, la lu wo ɛduma mangwu, moo kwuye kwɔlɛ akwu kwuyengwura.17kwuwo ngwɔlɛ la lu wo kyamate erendo mo, lunyi ba la lu kyakpɔ kaa lu yitu iyi kiya ingyi bɔkɔ Ukpo a gyi.18La lu wo embyi umba bɔkɔ o tutu yi mo mo. Lunyi ba la lu shi Kwundu kaa lakwu u zɔ yi ɔgwuzɛ.19Lunyi la lu shi esu egbo mɛzhi mu amu iyi Ukpo isomo. La lu so amu la Ɔkwu nzu la iduma mu egbo yi lɛɛbi.20La lu koko lu gbɛlɛ Ada ɔsu Ukpo ɛnyi kwuwo ungwu kiya ingyi bɔkɔ e wo lɛɛbi mu ɛnyi iyi Ɔkwu nzu Ɔzhizɔsi Okrasi.21kwuwongu inzumbɛku iyi ki shi Okrasi, la lu lomo laa esu.
Iŋɔma Iyi Oko Mbala Ɔnu
22Eko lunyi la lo anu yi ma kyamate Ɔkwu tayi.23Moo ɔnu gba akwu u to keyi uwu oko wu le, kyamate bɔkɔ Okrasi gba akwu u to keyi uwu ɔshɔshi le awu. Okrasi mafyi wu gba akwu usama uwu ɔshɔshi le, uwu bɔkɔ akwu ɛnwu wu.24Tayi gba i yi le eko akwu mɛga kaa la lu lomo laa umba anu yi kyamate bɔkɔ ɔshɔshi mafyi wu e lomo laa Okrasi tayi.25Anu, la lu pwu idɛnyi iyi eko yi kyamate bɔkɔ Okrasi e pwu idɛnyi iyi ɔshɔshi wu akwɛyi a nyama kaa le kpomo kwuwo mbo.26Okrasi e wo ɛlɛ kaa le to ɔshɔshi wu le shi Ukpo i zɛ mu iso wu, iyi bɔkɔ akwu igbɔma sɛsɛ mu embyi,27kaa le to ɔshɔshi uwu bɔkɔ e yi kwuto mo, e yi ɛnyinyi mo, ba e yi kɛrikɛri kaa le shi la ɛnwu wu.28Anu tete la lu pwu idɛnyi iyi eko yi kyamate lu pwu idɛnyi iyi ɛnwu yi tayi. Ɔnu uwu bɔkɔ e pwu idɛnyi iyi oko wu e pwu idɛnyi iyi ɛnwu wu.29Moo onzu uwu bɔkɔ e wo anya iyi ɛnwu wu, e yi mo. Onzu uwunawuna e ri kiya, a gba a bɔ eyi mɛnwu kyamate Okrasi e yese mbaa ɔshɔshi tayi,30moo lɛɛbi nzu ki kwu ɛnwu ikpɛnyi.)31<<Kwuwongwu ɔlɛ ɔzɔnu a lafya la ete wu mbala anyi wu kaa le kyomesu mbala oko wu, akwɛyi wepepo mbo o kwu wakpɛnyi.>>32Iso ɛlɛ i kɔ mu izɔngɔma. Imi ba mi zɔngɔma yi ma te ɛlɛ akwu iso iyi Okrasi mbala ɔshɔshi wu.33Ɛlɛ ba ikyo yi tete tee: akwu mega kaa ɔnu uwunawuna la pwu idɛnyi iyi oko wu kyamate ɛnwu wu tayi. Tatayi oko uwunawuna ba akwu mega kaa le lomo la ɔnu wu.The Word for the World International