WER PA SOLOMON1
1Man wer ma mwonya makato wer mukene ducu ma Solomon ocoyo.2Kono kong ikwako kora ki badi do,mar meri ma itye kwede ikoma ber ma kato kongo bwino.3Nyingi longo matek adada,dok calo moo wir i del komi;Pimeno mon ducu gimari.4Wek alub kori, iwek wawot wacit woko oyotoyot;bed rwot ma mera, ci itera wa i kicikani.Ci wabibedo ki yomcwiny;makato yomcwiny ma kongo bwino mamit kelo.Pe ibed ki wur pien mon ducu gimari!5Wun anyira Jerucalem; an acol matek, ento amwonya kwede,anen mwonya mada calo kema pa jo Kedar,anen maber calo bongi me kicika pa Solomon.6Pe myero wucik wangwu wunena ki cac pi rangi del komani,pien lyeto me ceng ocido koma woko.Kiniga omako omegina ikoma,ci guketo an abedo katic i poti olok;oweko pe abedo ki kare me yubu koma.7Tita, in ma amaro ki cwinya ducu,ibitero romini kacam tung kwene?Gibiywe kwene i dyeceng?Imito abed kayenyi ayenya pingoikin romi pa lukwat luwoti?8In pe ingeyo kakare ce, in nyako ma nen mwonya makato mon ducuni?Cit ilub kor romi,wek inong kacam pa dyeginikama cok ki kema pa lukwat.9In nyako ma amaro,aporo beri ki ber pa min aguragura ma ringo ki gadigadi pa Parao.10Iruku ruk me deyo i iti ryoryo ducu ma omiyo inen mwonya mada,iruku jami me welgu ma kirubu ki tol i nguti.11Wabiyubu ruk me deyo ki jabu piri,ma tiko ngute ducu bedo me ryal keken.12Ikare ma rwota obedo i kayweyone,ci moona ma ngwece kur ocako duny ma ngwece otyeko romo i piny woko.13En ngat ma amaroni pire tek bota calo adomo moo makur,ka obutu ikora.14En ngat ma amaroni pire teka calo pi ature me tim ma turu maber adadama turu i poti olok matye i En-gedi.15Nen, in ma amaroni inen mwonya mada;dok wangi bene ryeny aryenya ki mar macalo kom amam.16Nen, in ma amaroni, inen ber adada,ada neni yomo cwinya matek.Lum alita aye bibedo kabutuwaWabibutu iwi lum ma pud olot alota.17Jang yadi me cedar aye bibedo rii me otwa,ki bao me ciprec aye bibedo kwori me dan otwa.
Bible Society of Uganda