Evangelium Markus13
1Un aus Hee ut däm Tempel jinkj, säd eena von siene Jinja to Am: Meista, kjikj, waut fa Steena un waut fa Jebieda!2Jesus auntwuad un säd to am: Sitst du dise groote Jebieda? Doa woat kjeen Steen opp däm aundren jeloten woaren, dee nich woat raufjebroaken woaren.3Un aus Hee opp däm Oliewen-Boajch jäajenäwa von däm Tempel saut, fruagen Am oppoat Petrus, Jakobus, Johanes un Andreas: Mat 17:14Saj ons, wanea woat daut passieren? Un woont woat daut Tieekjen sennen, wan dise Dinja aula sellen vollbrocht woaren?5Un Jesus auntwuad äant un funk aun to sajen: Seet doano, daut junt kjeena veleit!6Wiels väle woaren en mienem Nomen komen un sajen: Ekj sie Christus un woaren väle veleiden. Joh 5:437Oba wan jie von Kjriej un Kjriejes-Jeschrechs hieren woaren, dan veschrakjt nich; wiels daut mott soo passieren; oba daut es noch nich daut Enj.8Wiels Nazion woat jäajen Nazion oppstonen un Kjennichrikj jäajen Kjennichrikj; doa woat opp veschiedne Städen Ieedbäben sennen; un doa woaren Hungasch-Nooten un Orru sennen. Dit sent de Aunfanks von de Weedoag. Jes 19:29Oba jie, heet junt, wiels see woaren junt dän Rot äwajäwen, un en de Synagogen woa jie jeschloagen woaren, un junt woat ver Gowernieren un Kjennichs jebrocht woaren om mient-haulwen, fa een Zeichnis to äant.10Un aul de Velkja mott ieescht daut Evangelium jeprädicht woaren. Mrk 16:1511Wan see junt oba wajchfieren un junt äwajäwen, dan sorcht nich, waut jie räden sellen, uk nich doaräwa besennen; oba waut junt to dee Stund jejäft woat, daut rät. Wiels daut sent nich jie, dee doa räden, oba de Heilja Jeist.12Doa woat oba de Brooda dän Brooda toom Doot äwajäwen, un de Voda daut Kjint; un de Kjinja woaren jäajen de Elren oppstonen un dee toom Doot brinjen.13Un jie woaren von aulem jehaust woaren om mien Nomens haulwen. Wäa oba bat aum Enj uthelt, dee woat jerat woaren. Joh 15:18,2114Oba wan jie daut Jreiel vom Vedoawen doa stonen seenen, wua daut nich saul, wuavon jerät es derch dän Profeet Daniel, (wäa dit last, dee saul doaropp moakjen) dan sellen dee, dee en Judäa sent, en de Boaj flichten. Dan 9:27; 11:3115Un wäa oppem Husdak es, saul nich raufstieen en daut Hus nenn, uk nich nengonen, waut ut sien Hus to holen.16Un wäa oppe Stap es, saul nich trigjgonen, sien Kjleet to holen.17Wee oba de Schwangere un dee, waut de Brost jäwen, en dee Doag!18Bät doarom, daut june Flucht nich em Winta passieet.19Wiels en dee Doag woat Triebsaul sennen, soone aus nich jewast es von Aunfank de Schepfunk, dee Gott jeschaufen haft, bat nu, un niemols mea sennen woat. Dan 12:120Un wan de Har de Doag nich vekjartat haud, dan wudd kjeen Fleesch jerat woaren; oba om de Uterwälde äat-haulwen, dee Hee jewält haft, haft Hee de Doag vekjartat.21Un wan dan irjentwäa to junt sajcht: Kjikjt, hia es de Christus! ooda: Kjikjt, doa! dan jleeft daut nich.22Wiels doa woaren faulsche Christussen un faulsche Profeeten oppstonen un woaren Tieekjens un Wunda doonen, wan mäajlich, uk de Uterwälde to veleiden.23Jie oba, heet junt. Kjikj, Ekj hab junt aules verhäa jesajcht.24Oba en jane Doag no de Triebsaul, woat de Sonn vedunkelt woaren, un de Mon woat äaren Schien nich jäwen.25De Stierns woaren vom Himmel faulen, un de Himmels-Kjraften woaren jescheddat woaren. Heb 12:2626Un dan woaren see dän Menschensän komen seenen en de Wolkjen met groote Krauft un Harlichkjeit. Dan 7:1327Un dan woat Hee siene Enjel schekjen un siene Uterwälde vesaumlen ut de vea Wintrechtungen, vom Enj von de Ieed batem Enj vom Himmel. Mat 13:4128Oba von däm Fiejenboom lieet een Jlikjnis: Wan siene Asta ieescht sauftich woaren un de Bläda rutkomen, weet jie, daut de Somma dichtbie es.29Jrod soo uk jie, wan jie seenen, daut dit passieet, dan weet, daut et dicht ver de Däaren es.30Ekj saj junt woarhauftich: Dise Jennerazion woat nich vegonen, bat dit aula passieet es.31Himmel un Ieed woaren vegonen; oba miene Wieed woaren nich vegonen.32Von däm Dach oba un de Stund weet kjeena, nich mol de Enjel em Himmel, uk nich de Sän, oba mau de Voda.33Heet junt, woakt un bät, wiels jie weeten nich, wanea de Tiet es. Luk 12:35-40; 21:3634Soo aus een Mensch, dee utem Launt reisd, sien Hus veleet un siene Kjnajchts Vollmacht jeef, eenem jiedren sien Woakj, un jeboot dän Däawajchta, daut hee sull woaken.35Soo woakt nu, wiels jie weeten nich, wanea de Hushar kjemt: Aum Owent, ooda medden enne Nacht, ooda wan de Hon kjreit, ooda Zemorjes, Luk 12:3836daut Hee nich onverhofs kjemt un finjt junt schlopen.37Waut Ekj to junt saj, saj Ekj to aulem: Woakt!
Lebenswasser