BaGalatiya6
1Banakwaina, unhu angabhatwa muluchinyo, imwi bompepo, undulamiseni nolupepo lobunyolonyolo. Muchenjelebo imwi mwomene kuti musikwejwe.2Nyamulisanani mitolo, nokuta alo muzhajise mulawo waKristo.3Nokuti kana umwe eyeya kuti ulokosha iye pesina zwaali, unozwichengeja.4Koga unhu wose ngeelingisise ungalilo uwe, nokudalo chisoko chiche chokuzwikuja chinobeli mwaali chete, chisi mukuzwikwelanisa nombakijani uwe.5Nokuti unhu nonhu unokwelela kunyamula untolo uwe.6Iye unolayijwa iwhi lyaMwali ngeekobelane zwinhu zwose zwibuya nondayiji uwe.7Musichengwe, Mwali aatosekwa. Nokuti unhu zwaanobyala ndizwo zwaanovuna.8Nokuti iye unobyalila kumbili iye uchavuna kubola kuva kumbili iye, koga yoyo unobyala kuMpepo uchavuna bupenyu businopela kuva kuMpepo.9Tisinyale pakuta zwibuya, nokuti kana tisinonyala tinoovuna nonshaji ulokwelela.10Nokudalo patinoba tili nechibaka ngatitileni banhu bose zwibuya, kasakasa kuna ibo bemhuli yabanodimbwa.11Bonani bukulwana bwamabala andikumumukwalila noluboko lwangu.12Yabo banoda kuzwitondejela mumbili banomumanikija kuti mumhalajwe, kutila kuti besiyangatisilwe unchinjikwa waKristo.13Nokuti yabo bakamhalajwa nokwabo abatolondota mulawo, koga banoda kuti imwi mumhalajwe kutila kuti bezwikuje nokumhalajwa kwenu kombili.14Koga kana ndilimi, ndisizwikuje kuzhe konchinjikwa waTezi wedu Jesu Kristo, pezhulu nomunaiyo inyika yakakahamililwa imi akale imi kunyika.15Nokuti kumhalaja kana kusomhalajwa akutoleba chinhu, koga chinokosha unhu ngebe chibumbwa chipya.16Lunyalalo neshe ngazwibe kuna ibo bose banokwenda nomulawo yoyu, akale nabanhu beIzilayeli beli banhu baMwali.17Kuvila feno kusibe nonhu uchandinyaja, nokuti ndinamabanga aJesu pambili pangu.1818 Banakwaina bangu Chipiwo chaShe wedu Jesu Kristo ngachibe nompepo wenu. Ameni.
The Word for the World International