BaGalatiya5
1Kristo wakatisungunula kuti tibe nolusungunuko. Nokudalo mume mwakasima, musivume akale ijogwe lyobulanda.2Ngweno imi, Paulu ndinoti kwamuli, kana muvumila kumhalajwa, Kristo aana lubhancha kwamuli.3Akale ndinosumikija kunhulume wose unovuma kumhalajwa, kuti ulosungilwa kulondota mulawo wose.4Mulopambulanywa naKristo, imwi munolulamiswa nomulawo, mwabhuda muchipiwo.5Nokuti noMpepo, nokudimbwa tilomilila lubimbo lobululami.6Nokuti munaKristo Jesu kumhalajwa kana kusomhalajwa akutobhancha chinhu, asi chinhu chinodikana kudimbwa kushinga muludo.7Mwakaba mulabuka zwibuyanana, mwakachingilijwa nani kuti musiwhilile ichokomende na?8Yoku kubweteja akutova kuna iye unomushoba.9Imbiliso inshomanana inobilisa ivingwa lyose.10Ndinobimba munaShe kuti amutooba nendangalilo jakasiyana nejangu, koga unomunyaja, unouwana untongo uwe, kojoba akaba ani.11Koga imi, banakwaina, kana ndichinobhaunula imhalajo, ndosheteselwani na? Saali chigubhuliso chonchinjikwa chabhiswa.12Yabo banomunyaja, bezwisunyule bomene.13Banakwaina, mwakoshobelwa lusungunuko, koga chete lusungunuko yolwo lusitiwe kuba inzila yokushantisa mbili, koga mushingilane muludo.14Nokuti mulawo wose ulozhulijwa mubala limwempela, “Ida umbakijani uwo sobuunozwida iwi.”15Koga kana mulumana, mulyana, muchenjele kuti musipejane.16Nokudalo ndinoti, mukwende noMpepo, musishantise zwilakamilo zwombili.17Nokuti zwilakamilo zwombili zwinopesana noMpepo, nezwilakamilo zwoMpepo zwinopesana nombili, nokuti yezwi zwinonyenyejana, kutila kuti zwimutabilije kuta zwamunoda.18Kana mutungamililwa noMpepo amuchipo pasi pomulawu.19Mishingo yombili ipo pachena, Kupombola, bushambwa, busangu20kukomba zwimwali, bulowi, lubengano, kukakabajana, ifupa, kunyema, lulyo, kusowhililana, kupambukana,21kuchiba, kukolwa, kushantisa mbili, nezwimwe zwakadalo. Ndinomuchenjeja, sezwandakamuchenjeja kale, kuti banota zwakadai abangalye ifuma yobushe bwaMwali.22Koga unchelo woMpepo, Ludo, lushanto, lunyalalo, moyo ndefu, ishe, bubuya, kubimbika,23bunyolo, kuzwibhata, kunezwi akuna mulawo unolambija yozwi.24Yabo baKristo Jesu bakakahamila mibili yabo panchinjikwa nezwilakamilo nezwido zwabo.25Kana tilalama noMpepo, ngatikwendeni takatungamililwa noMpepo.26Ngatileke kuzwida, kutangana, nefupa umwe kunoumwe.
The Word for the World International