Leviticus11
1यहोवा मूसा आउर हारून से कहलन,2इस्राएल के लोगवन से कहऽ, 'धरती पर सभे जानवर में से जे जिन्दा जनावर हे तूँ खा सकलऽ हे, ऊ येहि हे। 3तूँ अईसन कोई भी जानवर के खा सकलऽ हे, जेकर खुर फटल हे आउर ऊ पागुर भी करऽ हे।4बाकि कुछ जनावर जे पागुर करऽ हे, चाहे फटल खुर होवऽ हे, तऽ तोरा ओकरा नऽ के चाही, जैसे कि ऊँट काहेकि ई तो पागुर तो करऽ हे बाकि ओकर खुर फेटल नऽ होवऽ हे येहिसे ऊँट तोरा ला अशुद्ध हे।5जौन चट्टान बिज्जू भी, काहेकि ऊ पागुर तो करऽ हे, बाकि ओकर खुर फेटल नऽ होवऽ हे, ओहू तोरा लागी अशुद्ध हे।6खरगोश येहिसे कि पागुर तऽ करऽ हे, बाकि ओकर खुर फटल नऽ होवऽ हे। येहिसे ऊ तोरा ला अशुद्ध हे।7सूअर चिरल खुर के होवे पर भी पागुर नऽ करऽ हे, ऊ तोरा ला अशुद्ध हे।8तूँ ओकर मांस जरी सा भी नऽ खईहऽ, आउर नऽ ओकर लोथ के छुईहऽ। ऊ तोरा लागी अशुद्ध हे।9पानी में रहे वाला जीव, जेकरा तूँ खा सकलऽ हे, ऊ सभे पंख आउर चमड़ा रहे, चाहे समुद्र में चाहे नदी में होवे।10बाकि समुद्र आउर नदियन के पानी में जेतना रेंगे वाला जीव हे, पंख आउर चमड़ा नऽ होवऽ हे, आउर जेतना पानी मे रेंगऽ हे, आउर जेतना पानी मे रहऽ हे ओखनी सब से तोरा घिन माने के चाही।11येहिसे ऊ घिनामन ठहरत, येहिसे तोरा ओकर मांस नऽ खाय के चाही, साथे साथ ओकर लोथ से भी घिरना करे चाही। 12जौन पानी मे रहऽ हे, आउर जेकर पंख आउर चमड़ा नऽ होवऽ हे, ऊ तोरा ला घिनामन हे।13ई सभे ऊ चिरईंयन हे जेकरा से तोरा घिरना करे के चाही, आउर तोरा ओकरा खाय के नऽ चाही काहेकि ऊ घिनामन हे, उकाब, गिद्ध, करिया गिद्ध, चाहे कोई तरह के बाज14चाहे पतंग, चाहे कोई तरह के बाज,15सब तरह के कौआ,16सींग वाला उल्लू आउर चिल्लाय वाला उल्लू, आउर सीगल, सब तरह के बाज।17तोरा छोटका उल्लू आउर बड़का उल्लू से भी घृणा करे के चाही जलकाग,18उजला उल्लू आउर खलिहान उल्लू, गिद्ध,19सारस, सभे तरह के बगुला, लकड़खोदवा, आउर चमगादड़ भी।20जेतना पंख वाला, कीड़ा-मकोड़ा, जे चार गोड़ पर चलऽ हे, ऊ सभे तोरा ला घिनामन हे।21तईयो भी तूँ ऊ उड़ेवाला कीड़ा-मकोड़ा मे से कोई के खा सकलऽ हे, जौन चार गोड़ से चलऽ हे जदि जमीन पर उछलेला ओकर गोड़ जुड़ल हे।22तूँ कोई तरह के टिड्डी, कैटटिड्डी, चाहे बड़का टिड्डा चाहे झींगुर भी खा सकलऽ हे।23बाकि जेतना चार गोड़ वाला उड़ेवाला कीड़ा हे ऊ सभे से घिरना करे के चाही।24जदि तूँ मरल जनावर मे से कोई के लोथ छूवऽ, तऽ साँझ तक अशुद्ध रहवऽ।25जौन कोई एकर लोथ मे से कुछ उठईतन ऊ अपन कपड़ा धोतन आउर साँझ तक अशुद्ध रहतन। 26आउर जौन जानवर चिरल खुर के आउर नऽ चिरल खुर के, चाहे पागुर नऽ करे वाला हे, ऊ तोरा ला अशुद्ध हे। जौन कोई ओकरा छुअत अशुद्ध ठहरत।27आउर सभे जनावर मे से जौन अपन पंजा के बल से चलऽ हे, ऊ सभे तोरा ला अशुद्ध हे। जौन कोई अईसन लोथ के छुअत ऊ साँझ तक असुद्ध रहत।28जौन कोई अईसन लोथ उठावत ऊ अपन कपड़ा धोवत साँझ तक अशुद्ध रहत। ई सभे जानवर तोरा ला अशुद्ध रहत।29जमीन पर रेंगे वाला में से ई सभे जनावर जौन तोरा ला अशुद्ध होत नेवला, चूहा, सब तरह के बड़का बिछौती।30छोटका छिपकली, बड़का छिपकली, गोह, लोहटनी, आउर, गिरगिट।31आउर सब रेंगे वाला जीव मे से येही जीव-जन्तु तोरा ला अशुद्ध होत। ओकरा मर गेला पर जे कोई ओकरा छूअत ऊ साँझ तक अशुद्ध रहत।32यदि ओकरा मे से कोई मर के कोई वस्तु पर गिर जाए तऽ ऊ वस्तु अशुद्ध ठहरत। चाहे ऊ लकड़ी के बनल होत, चाहे कपड़ा के होत, चाहे बोरा, चाहे चमड़ा के, चाहे टाट के। चाहे ऊ कुछ भी होत आउर जेकरा भीर काम मे लावल जात चाहे पानी मे गिर जात साँझ तक अशुद्ध रहत। ओकरा पानी मे डालल जात तबे ऊ शुद्ध हो जायेत।33काहेकि जे कोई मिट्टी के बरतन मे जे कोई अशुद्ध जीव गिरत चाहे छुआत, ऊ बरतन मे जे कुछ हे ऊ अशुद्ध ठहरत, आउर तोरा ऊ बरतन नहस करे के चाही।34जौन भोजन खायल जा सकल हे, बाकि ओकरा में अईसन बरतन के पानी हे ऊ अशुद्ध हे। अईसन बरतन से पानी ला जौन भी पानी जईसन चीज हे, ऊ अशुद्ध हे।35ओकर लहास मे से जे कोई भी ओकरा पर गिरऽ हे ऊ अशुद्ध हो जा हे; जदी ई एगो भट्ठी चाहे चूल्हा हे, तऽ एकरा टुकड़ा में तोड़ देवल जाइ के चाही। ऊ अशुद्ध हे आउर ऊ तोहनी लागी अशुद्ध ही रतहत।36पानी जमा करे लागी झरना चाहे हौदा शुद्ध रहऽ हे, बाकि जे कोई ओकर लहास के छुअ हे ऊ अशुद्ध हो जायेत।37जदि ओकर लोथ के कुछ भाग छिटक कर के बीज पर पड़त तऽ ऊ बीज शुद्ध ठहरत।38बाकि बीजवन पर पानी डालल जायेत, आउर ओकरा लोथ मे से कुछ ओकरा पर लग जाइ तऽ ऊ तोरा लागी अशुद्ध ठहरत।39यदि कोई जानवर के मांस खाय के आज्ञा हे यदि ऊ मर जाय जौन कोई ओकर लोथ छुए ऊ साँझ तक अशुद्ध ठहरत।40जे कोई ऊ लोथ मे से कुछ खाय ऊ अपन कपड़ा धोवत आउर साँझ तक अशुद्ध रहत। जौन कोई अईसन लोथ उठावत ऊ अपन कपड़ा धोवत आउर साँझ तक अशुद्ध रहत।41जमीन पर रेंगे वाला जानवर घिनामन हे, एकरा नऽ खाय के चाही।42जे पेट के बल सरकऽ हे ऊ चार गोड़ के बल पर चलऽ हे, चाहे जेकर ढेर गोड़ होवऽ हे, जेतना जमीन पर रेंगे वाला जंतु हे ओकरा तोरा नऽ खाय के चाही काहेकि ऊ घिनामन हे।43आउर कोई रेंगे वाला जीव-जंतु के कारण खुद के अशुद्ध नऽ करे के चाही, ओकरा से खुद के अशुद्ध नऽ करे के चाही, जेकरा से तूँ ओकर कारण अशुद्ध हो जईबऽ44काहेकि हम तोर परमेश्वर यहोवा ही, येहिसे तूँ अपने आप के पवित्र रखिहऽ आउर पवित्र बनल रहिहऽ, काहेकि हम पवित्र ही। तोरा भूमि पर रेंगे वाला कोई जानवर के साथ खुद के अशुद्ध नऽ करे के चाही। 45काहेकि हम यहोवा ही, जौन तोरा मिस्र देश से येहिसे निकाल ले अईली हे, कि तोर परमेश्वर ठहरम, एहिगुने तूँ पवित्र बनिहऽ, काहेकि हम पवित्र ही।46जानवरवन, चिरईंयन, आउर पानी मे सरके वाला सभे जीव-जंतु, आउर जमीन पर सरके वाला सभे जीव-जन्तु के बारे मे येही विधि-विधान हे,47येहिगुने कि शुद्ध आउर अशुद्ध, आउर न खाय के लायक जिन्दा जीव-जन्तु बीच में फरक करल जाय जेकरा खायल नऽ जा हे।
Bridge Connectivity Solutions Pvt. Ltd.