2 Corinthians9
1सचमुच में, जबकि, हमरा ई बारे में तोरा से भी कहे के जरुरत नऽ हे कि हम यरूशलेम में यहूदी मसीह के बीच में गरीब रहे वाला परमेश्वर के पवित्र लोगवन के सेवा कईसे कर रहली हे।2मतलब काहेकि हम जानऽ ही कि तूँ दान देवे लागी केतना ललायित हऽ। सचमुच में, हम मकिदुनिया प्रान्त में रहे वाला विश्वासियन से तोर बारे में बड़ा-बड़ा बात करऽ ही। हम ओकरा बतावऽ ही कि अखाया प्रान्त में रहे वाला तूँ विश्वासियन लोग पहिले से ही पिछलका साल से जादे देवे के तईयारी कर रहलऽ हल दान देवे लागी तोहनी केतना ललायित हलऽ, ई बात ओखनी में से बड़ी लोग के देवे लागी प्रोत्साहित करलन।3जबकि, हम जानऽ ही कि तूँ ललायित हऽ येहिगुने हम ई तीन साथी विश्वासियन तीतुस आउर दूगो विश्वासियन तोरा भीर आवे लागी चुनली हे ताकि ई बात सुनिश्चित करल जा सकत कि दान देवे लागी तूँ केतना ललायित हऽ, एकर बारे में हम जे बड़ा-बड़ा बात कहली हे, ऊ सच साबित होवे। ओखनी तोहनी भीर येहिगुने आ रहलन हे जेकरा से तूँ दान देवे के तईयारी पूरा कर सकऽ आउर ई रीति से हम जे बात मकिदुनिया के लोगवन के तोहनी के बारे में बतईली हे, ऊ मेल खा हे।4दोसरका तरफ, एकरा बारे में सोचऽ कि का घटित होत जदि मकिदुनिया प्रान्त के कुछ विश्वासी हमरा जौरे तोहनी भीर आ जईतन आउर देखतन कि तोहनी दान देवे के तईयारी पूरा नऽ करलऽ। जईसन तूँ बर्ताव करलऽ हे, ऊ भरोसा के चलते ओकरा से हमहूँ लज्जित होयेम, आउर एकरा से तोरा भी, जरुर लज्जित होवे पड़त।5ई चलते, हम ई फईसला लेली हे कि हमरा ई तीनो साथी विश्वासियन तीतुस आउर दूगो साथी विश्वासी से ई विनती करे के जरुरत पड़ल कि एकरा पहिले से कि हम आयेम ऊ तोरा पास अईतन आउर ओखनी तोरा भीर अईतन, आउर जे तूँ कहलऽ हल, कि दान तूँ देवऽ ऊ तोहनी के मदत करतन। ऊ रीति से, जे तूँ दान दे रहलऽ हे ओकरा तूँ पहिले ही से तईयारी कर चुकलऽ होत, आउर काहेकि तूँ दान देवे ला चाहऽ हऽ येहिगुने हम तोहनी से अईसन करवा रहली हे।6ईहाँ एगो उदाहरण हे जे ई बात देखावऽ हे कि तोरा कईसे देवे के चाही जखनी किसान खाली थोड़ा बिच्चा बुनऽ हे, तऽ ऊ खाली थोड़ा सा ही भोजन मिल पावऽ हे। जखनी किसान बड़ी सा बिच्चा बुनऽ हे तऽ ओकरा बड़ी सा भोजन मिलऽ हे। ठीक ओही तरह से, जखनी तोहनी दोसर आदमियन के मदत करऽ हऽ, तऽ ओकरा बदले में कोई तोरो भी मदत करतन। 7तोहनी में से सभे अादमी अपना लागी ई चुनाव कर लेतन कि केतना दान देवे के हे। एकर चुनाव येहिगुने नऽ करिहऽ, काहेकि तूँ निराश महसूस करऽ हऽ चाहे तोरा देवे ला ही हे। हम अईसन येहिगुने कहऽ ही काहेकि परमेश्वर ऊ अादमी के प्रेम करऽ हथन जे मन के हर्ष से दान देवऽ हथन। 8परमेश्वर के अनुग्रह तोहनी के जरुरत से जादे तोरा दे सकलन हे। ओही रीति से, काहेकि तोहनी भीर हमेशा सबकुछ रहऽ हे जेकरा तोरा हर हालत में जरुरत पड़ हे, येहिगुने तूँ हमेशा दोसरा के मदत आउर सभे अच्छा काम ऊ सबकुछ कर सकऽ हऽ जे सही हे।9ई सच हे अईसन तूँ येहिगुने कह सकलऽ हे काहेकि कोई पवित्रशास्त्र में अईसन अादमी के बारे में लिखलन हे,“ऊ ढेरमनी लोगवन के दान दे हथन।हाँ, ओखनी के मदत करऽ हथन जे बड़ी गरीब हे।ऊ हमेशा धार्मिकता से ओही करतन जे सही हे।” 10परमेश्वर बुने वाला के बिच्चा दे हथन, आउर लोगवन के खाय लागी खाना भी ओही दे हथन। येहिगुने, परमेश्वर तोर धार्मिकता से ऊ चीज भी इन्तजाम करवईतन जेकर तोरा जरुरत हे आउर ऊ तोरा ओकरा से भी जादे देतन। एकर अलावे, जखनी तूँ सही काम करऽ हऽ, तऽ ऊ उनकर इस्तेमाल बढ़ियाँ कामवन के पूरा करे लागी करतन। 11परमेश्वर हमेशा तोरा तोर जरुरत से जादे दे हथन ताकि तूँ हमेशा खुल के दोसरा के दे सकऽ। जब तूँ खुल दे हऽ आउर हम तोर दान साथी विश्वासियन के भेजऽ ही, तऽ ओखनी परमेश्वर के धन्यवाद करऽ हथन।12सचमुच में जब तूँ यरूशलेम में रहे वाला परमेश्वर के पवित्र लोगवन के सेवा ओखनी के दान देवे के द्वारा करऽ हऽ, तऽ एकरा से उनका ऊ चीज के इन्तजाम हो जा हे जेकरा ओखनी के जरुरत हे। जबकि, एकरा से भी जादे, ई बात उनका बड़ी जादे परमेश्वर के धन्यवाद करे लागी प्रेरित करऽ हे।13तूँ यरूशलेम में रहे वाला परमेश्वर के लोगवन के सेवा कर के अपने आप के साबित करऽ हऽ। तऽ फिन, ओखनी परमेश्वर के आदर येहिगुने करतन काहेकि तूँ सचमुच में, ओही करऽ हऽ जे मसीह के बारे में शुभ संदेश के माँगऽ हे, जे ओही शुभ संदेश हे जेकरा बारे में तूँ कहऽ हऽ कि तूँ विश्वास करऽ हऽ। ओखनी परमेश्वर के इज्जत येहिगुने भी करतन काहेकि तूँ निस्वार्थ भाव से जे कुछ तोरा भीर हे ओकरा आउर भी विश्वासियन के जौरे साझा करऽ हऽ।14आउर ऊ तोर ला प्रार्थना करऽ हथन, आउर परमेश्वर के ऊ महान अनुग्रह के चलते जौन तोरा पर हे, तोरा ला तरसऽ हथन।15हम परमेश्वर के धन्यवाद करऽ ही कि ऊ हमरा ई चिजवन देलन हे जे हमरा कहे से बढ़ के कहीं जादे अनोखा हे!
Bridge Connectivity Solutions Pvt. Ltd.