2 Corinthians8
1हे हमर प्रिय विश्वासियन, हम तोरा ई बारे में बतावे ला चाहऽ ही कि परमेश्वर अनुग्रहकारी होके ईहाँ मकिदुनिया प्रान्त में रहे वालन विश्वासियन के कलीसिया के का करे लागी लायक बनईलन हे।2भले ही ओखनी बड़ी दुःख झेललन, जे उनकर ई बात में परीक्षा लेलन कि ऊ कईसे ओखनी कईसे जबाब देतन, बाकि ऊ बड़ी उदार रहलन। भले ही उनका पास बड़ी कम हल, बाकि अईसन करते भर में भी ऊ बड़ी खुश हलन।3सचमुच में, हम तोरा ई गवाही सकली हे कि जेतना उनकर शक्ति हल ओतना ओखनी देलन, आउर ईहाँ तक कि जेतना उनकर सामर्थ हल ऊ ओकरा भी जादे देलन। ई ओही लोग हथन जे अईसन करे ला चुनाव करलन हल।4जब ओखनी हमरा से ओकरा कबूल करे ला निवेदन करलन हल जे दे रहलन। तऽ ऊ बड़ी हठ कर रहलन हल। ऊ परमेश्वर के पवित्र लोगवन के सेवा करे में अनुग्रह के बारे में सहभागी होवे ला चाहऽ हलन।5एकर अलावे, ऊ हमनी के उम्मीद से कहीं जादे बढ़ के करलन। ओखनी खुद के मुख्य रूप से प्रभु यीशु के सेवा करे आउर ओकर बाद हमर सेवा करे लागी भी समर्पित कर देलन। येही तऽ परमेश्वर चाहऽ हथन।6ओही चलते, हम तीतुस से निवेदन करली कि तूँ जे दे रहलऽ हे ओकरा कबूल करे ला खतम करऽ, खास कर के जबकि ऊ अईसन करे ला पहिले ही शुरु कर देलन हल। ओही तरह से तोरा ला ई अनुग्रह भी पूरा करे।7जहाँ तक तोर बात हे, तूँ पहिले ही बड़ी सा काम बढ़ियाँ कर रहलऽ हे। एकरा में ई सभे भी शामिल हे कि तूँ परमेश्वर पर कईसे भरोसा करऽ हऽ, तूँ का बोलऽ हऽ, तूँ केतना जानऽ हऽ, जे सही हे ओकरा करे लागी तूँ हमेशा कईसे उत्सुक रहऽ हऽ, आउर हम तोरा से केतना प्रेम करऽ ही। येहिगुने, तोरा भी साथी विश्वासियन लागी रुपईया पईसा दान देवे में अच्छा करे के चाही, आउर अनुग्रह के काम में बहुतायत से होवे के चाही।8हम तोरा रुपईया पईसा देवे लागी परख नऽ रहली हे। एकर बदले, दोसरा लोग कईसे हमेशा रुपईया पईसा देवे लागी उत्सुक रहऽ हथन, ओकरा जौरे जे तूँ करऽ हऽ ओकर बराबरी करे के द्वारा हम ई देखावे ला चाहऽ ही कि तूँ सचमुच में साथी विश्वासियन के प्रेम करऽ हऽ।9तोरा रुपईया पईसा देवे लागी ललक येहिगुने होवे के चाही काहेकि तूँ जानऽ हऽ कि हमर प्रभु, यीशु मसीह दयालु होके तोहनी के सहायता करे लागी अपना सबकुछ त्याग देलन हल। ऊ अईसन करलन भले ही उनका भीर बड़ी सा चीज हल। जे कुछ भी उनका भीर हल ओकरा त्याग के ऊ तोरा बड़ी कुछ देवे ला चाहऽ हलन।10रुपईया पईसा देवे के बारे में जे हम सोचऽ ही, ऊ हम तोरा येहिगुने बता रहली हे, काहेकि जे हम सोचऽ ही ओकरा सुने से तोरा मदत मिलऽ हे। पिछलका साल, तोहनी दूनो रुपईया पईसा देवे ला चाहलऽ आउर रुपईया पईसा देवे ला शुरु भी करलन।11ई घड़ी, जे काम तूँ शुरु करलऽ हल ओकरा तोरा पूरा भी करे के चाही। ओईसहीं, तूँ जौन काम पूरा करऽ हऽ ऊ ई बात से मेल खा हे जेकरा तूँ खुशी होके करे ला चाहऽ हलऽ, मतलब ओकरा में से कुछ दान देलन जे कुछ तोर ही हे।12अखनी लोग जे दान दे हथन उनका परमेश्वर ओही आधार पर अपनावऽ दे हथन जे कुछ उनका भीर हे, ऊ आधार पर नऽ कि ओकरा भीर का नऽ हे। जब तक ऊ देवे लागी ललक हे तब तक ई सच हे।13येहिगुने, अईसन नऽ हे कि हम चाहऽ ही कि जब दोसरा विश्वासी बढ़ियाँ से रहऽ हथन तऽ तूँ दुःख सहऽ। बलुक, हम चाहऽ ही कि विश्वासियन के पास जे कुछ हे ऊ ओकरा बराबरी से साझा करऽ।14ई घड़ी, जेतना तोहनी भीर हे ऊ, ऊ लोगवन के मदत कर सकल हे जिनका भीर थोड़ा हे। फिन, जब ऊ लोगवन के पास बड़ी होत आउर तोहनी भीर थोड़ा होत, तऽ ऊ तोहनी के सहायता कर सकलन हे। ओईसहीं, विश्वास करे वाला लोग के पास जे हे ऊ ओकरा बराबर रूप से साझा हथन।15हम चाहऽ ही कि ई ओईसहीं हे जईसन कोई ऊ घड़ी किताबवन में लिखलन हल जब सामर्थी होके परमेश्वर इस्राएलियन के भोजन देवऽ हलन:“जिनका भीर बड़ी हल उनका भीर जरुरत से जादे नऽ हल।जिनका भीर थोड़ा हल उनका भीर जरुरत से कम नऽ हल।” 16हम परमेश्वर के मन से धन्यवाद दे ही कि ऊ तीतुस के हमनी जईसन तोर फिकिर करे लागी उत्सुक बनईलन।17सचमुच में, तीतुस आंशिक रूप से तोरा भीर येहिगुने अईलन हे, काहेकि ऊ अईसन करे लागी हमर विनती के सुन लेलन हे। जबकि, खास कर के ऊ तोरा से मिले लागी येहिगुने आ रहलन हे काहेकि ऊ तोर देख भाल करे लागी एतना उत्साहित हथन कि ऊ खुद ही तोहनी भीर आवेला चुन लेलन हे।18हम तीतुस जौरे जाय लागी एगो साथी विश्वासी के चुनली हे। शुभ संदेश के प्रचार लागी जे ऊ करऽ हथन ओकरा चलते कलीसिया में विश्वासियन के बड़ी उनकर बड़ाई करऽ हथन।19आउर खाली एतना ही नऽ, बाकि उनका कलीसिया हमरा सहयात्री के रूप में चुनलन, आउर ई अनुग्रह के साथे कि हम प्रभु के महिमा लागी सेवा करऽ ही, आउर अपन तत्परता के देखावे लागी हमरा द्वारा परकट होवऽ हे;।20येहिगुने, हम ऊ सभे कुछ कर रहली हे जेकरा से हम दोसरा के ऊ बात लागी अपन शिकायत करे से रोक सकम, जे हमरा उदारता से काम देवल गेल हे रुपईया पईसा के जौरे सेवा करऽ ही। कि कोई हमरा दोष नऽ लगावे।21जईसन कि तूँ देख सकलऽ हे कि जखनी हम ई रुपईया पईसा जमा करे ला शुरु करली हल तऽ ओकरा से पहिले हमनी ई योजना बनईली हल कि ई काम के बढ़ियाँ से कईसे करल जाय हम एकरा पर विचार करली हल कि प्रभु परमेश्वर का सोचऽ हथन, बाकि हमनी ई बात पर भी विचार करली हल कि दोसरा लोग का सोचऽ हथन।22हमनी तीतुस आउर ऊ दोसर अादमी जीनकर बारे में बता रहली हल कि जौरे जाय लागी एगो आउर साथी विश्वासी के चुन लेली हे। हम ओकरा परख के पक्का ई जान लेली हे कि ऊ परमेश्वर के सेवा करे लागी उत्सुक हथन। सचमुच में, काहेकि ऊ पूरा आश्वस्त हथन कि तूँ ओही करवऽ जे सही हे येहिगुने ई घड़ी ऊ खास रूप से तोहनी के सेवा करे लागी उत्सुक हे।23हम ई लोगवन के सिफारिश करऽ ही। जे हम करऽ ही ओकरा में तीतुस हमर साथी हथन, आउर तोरा सहायता करे लागी हमर सहकर्मी के काम करऽ हथन। विश्वासियन के कलीसिया के दूत आउर दोसर दूगो साथी विश्वासियन के भेजऽ हथन, आउर ओखनी मसीह के महिमा करऽ हथन।24येहिगुने, फिन ई तीनो आदमी के आउर सहयोगी विश्वासियन के कलीसिया के देखावऽ कि तूँ सच में प्रेम साथी विश्वासियन के फिकिर करऽ हऽ आउर ई कि हम तोहनी के बारे में जे बड़का-बड़का बात करऽ ही ऊ सच में हे सिद्ध कर के देखावऽ।
Bridge Connectivity Solutions Pvt. Ltd.