احبار5
1ہرگاہ توٚہہِ منٛز کٲنسہِ اکِس دِیہ عدالتس منٛز اکھ جج گوٲہی دِنُک حکم زِ ژےٚ وُن یہِ ژےٚ وُچھمُت یا بوزمُت چُھتھ کانٛہہ اکھ ونُن، پوٚز ہرگاہ ژےٚ پوٚز وننس انکار کۅرتھ، تیلہِ چُھ ژےٚ انکار کرنس پؠٹھ اکھ ہرجانہٕ ادا کرُن۔2ہرگاہ کانٛہہ اچانک تتھ چیزس اتھٕ لاگہِ یوس خداین ناپاک قرار دِتُمُت چُھ مِثالہِ پٲٹھؠ مودمُت وحشی جانور یا مودمتین چارواین ہنٛزٕ لاشہِ، یا زمیٖنس پؠٹھ یٔڈ کھکھرِ پکن وٲلؠ جانور، تمس چُھ ہرجانہٕ ادا کرُن۔3ہرگاہ کانٛہہ اکھ کُنہِ چیزس اتھٕ لاگہِ یوس بیٚیہِ کٲنسہِ خدایس نامنظور بنوومُت آسہ، ہرگاہ تمس اوس نہٕ تتھ اتھٕ لاگنُک ارادۓ، ییٚلہِ تمس تتھ پؠٹھ احساس سپدِ یہِ تمؠ کوٚرمُت آسہ، تمس چُھ ہرجانہٕ ادا کرُن۔4ہرگاہ کانٛہہ لاپروٲییٔ سان رٔژ یا خراب کانٛہہ تہِ کٲم کر نچؠ وعدہ دِیہ، ییٚلہِ تس مولوم سپدِ زِ سُہ ہیٚکہ نہٕ تہِ کرِتھ، تمس چُھ ہرجانہٕ ادا کرُن۔5ہرگاہ کانٛہہ اکھ یِمو گناہو منٛز کانٛہہ گناہ کرِتھ مجرم سپد، تمس چُھ مانُن تہِ یہِ تمؠ کوٚرمُت چُھ۔6ہرجانہٕ ادا کرنہٕ خٲطرٕ چھِ تمس اکھ گٔب یا ژھاوٕج یہُوواہسؔ اکھ نذرانہٕ تمہِ گناہ بدلہٕ پیش کرُن یوس تمؠ کوٚرمُت چُھ پتہٕ کرِ تمؠ کاہن قربان تہٕ سُہ روزِ نہٕ تمہِ پتہٕ گناہُک قصوروار۔7ہرگاہ کانٛہہ غریب چُھ تہٕ سُہ ہیٚکہ نہٕ اکھ چھرٕ انِتھ تیلہِ چھِ تمس زٕ قمرؠ یا زٕ کوتر یہُوواہسؔ نیاز کرنؠ یمو منٛزٕ اکھ آسہ تُہنٛد نیاز تہٕ بیاکھ اکھ آسہ سُہ نیاز یوس قربان گاہس پؠٹھ ییہِ پوٚرٕ پٲٹھؠ زالنہٕ۔8تمس چُھ سُہ کاہنس نِشہ أننُ۔ گۅڈٕ کرِ سُہ اکِس تمؠ سٕنٛدِ گناہ خٲطرٕ نیاز تہٕ سُہ ؤٹھِ تمس گردن تہٕ مارِس مگر سُہ گژھِ نہٕ تمؠ سُنٛد کٔلہٕ پوٚرٕ پٲٹھؠ نیٚبر کٔڈنُ۔9پتہٕ چھکہِ سُہ کینٛہہ خوٗن قربان گاہ کؠن طرفن کُن، باقی خوٗن کٔڈِ قربان گاہ کِس پٲیِس کُن۔ سُہ آسہ چانہٕ گناہُک اکھ نذرانہٕ۔10کاہن زالہِ بییٚس جاناوارس میانہِ حکمہٕ مطٲبق قربان گاہس پؠٹھ پوٚرٕ پٲٹھؠ پتہٕ آسکھ نہٕ ژےٚ تمہِ گناہُک قصوروار یوس ژےٚ کوٚرمُت چُھتھ تہٕ یہُوواہؔ دِیہِ ژےٚ معٲفی۔11ہرگاہ زیادٕ غریب آسنہٕ کِنؠ چھنہٕ تمس زٕ قمرؠ یا زٕ کوتر أنچؠ گنجٲیش تیلہِ چھِ تمس زٕ کلو مٲدٕ پننہِ گناہ خٲطرٕ نذرانہٕ پیش کرُن یتھ منٛز سُہ زیتون تیٖل تراوِ یا تتھ پؠٹھ مُشِک تھوِ تکیازِ یہِ چھِ تمؠ سٕنٛدِ گناہ خٲطرٕ اکھ نذرانہٕ۔12تمس چُھ سُہ کاہنس نِشہ اننُ یوس ہاونہٕ خٲطرٕ تمہِ منٛز اکھ موٚٹھ تُلہِ زِ یہِ سورےٕ نذرانہٕ چُھ یہُوواہؔ سٕنٛدِ خٲطرٕ تہٕ زالِس قربان گاہس پؠٹھ باقی قربانن پٹھٕ کنہِ۔13ییٚلہِ سُہ یہِ کرِ کاہن بناوِ تمس تتھ قٲبل زِ سُہ سپدِ تمہِ گناہ نِشہ آزاد یُس تمؠ کوٚرمُت چُھ، تہٕ خدا دِیہ تمس معٲفی۔ نذرانُک یُس حصہٕ زالنہٕ آو نہٕ تمیٛک مٲلکھ چُھ کاہن یتھٕ پٲٹھؠ باقی نذرانن ہنٛدٕس ماملس منٛز سُپد یِم ٲٹِس بناونہٕ آمٕتؠ ٲسؠ۔"14یہُوواہنؔ ووٚن موسیٰؔ ہس لوٗکن بیٚیہِ ونہٕ خٲطرٕ:15ہرگاہ کانٛہہ اکھ غفلتن یہُوواہسؔ دِیہ نہٕ سُہ چیز یُس تمس دِین ضروری اوس، یہِ چُھ تقصیر۔ تمس چُھ جرمانہٕ رنگؠ کنہِ نۅقصہٕ ورٲے اکھ کٹھ مےٚ نِشہ أننُ۔ توٚہہِ چُھ مقدس خٟمس منٛز سرکٲری پیمانہٕ لٲگتھ طے کرُن زِ چٲندِ حسابہٕ کوتاہ قٟمت سپدِس مقرر۔ یہِ آسہ سُہ اکھ نذرانہٕ یمؠ سٟتؠ توٚہؠ جُرمہٕ نِشہ آزاد سپدیو۔16توٚہہِ چُھ سُہ تمس واپس کرُن یوس صرف تمؠ سٕنٛدِ خٲطرٕ الگ چُھ اوٚمُت کرنہٕ مگر توٚہؠ گؠوٕ سُہ دِنس منٛز ناکام۔ بیٚیہِ، چُھ توٚہہِ تمیٛکہِ قٟمتُک پٲنژم حصہٕ ہوراون۔ سُہ کرِ اکھ کٹھ قربان کِس صورتس منٛز پیش تمہِ گناہ خٲطرٕ یُس تمؠ کوٚرمُت چُھ تہٕ سپدٕ تمہِ جُرمہٕ نِشہ بٔری تہٕ بہٕ کرس معاف۔17ہرگاہ کانٛہہ نفر تیژھ کانٛہہ کٲم کرِ یوس میانین حکمن منٛزٕ کُنہِ حکمہٕ مطابق منع چھِ، سُہ چُھ گناہ، ہرگاہ تمس آسہ نہٕ پتاہ زِ تمؠ کٔرؠ میانین حکمن منٛز کُنہِ حکمچؠ خلاف ورزی، سُہ چُھ تمہِ پتہٕ تہٕ قصوروار؛ تمس چُھ مےٚ کُن جرُمانہٕ ادا کرُن۔18ییٚلہِ تمس تمیٛکُ احساس سپدِ یہِ تمؠ کوٚرمُت چُھ، تمس چُھ کاہنس نِشہ نۅقصہٕ ورٲے اکھ کٹھ نیاز أننُ یُتھ سُہ قصوٗرٕ نِشہ بٔری سپدِ۔ کاہن کرِ تمس کٹھس میانہٕ خٲطرٕ قربان ادٕ سپدِ سُہ تمہِ گناہکہِ قصورٕ نِشہ بٔری یُس تمؠ کوٚرمُت اوس، پتہٕ کرٕ بہٕ تمس معاف۔19یہِ چُھ اکھ سُہ نذرانہٕ یمؠ سٟتؠ برونٛہہ کُن کانٛہہ سُہ گناہ کرِ نہٕ یمؠ سٟتؠ مےٚ نِشہ قصوروار سپدِ۔
Bridge Connectivity Solutions Pvt. Ltd.