خروج15
1پتہٕ گؠو موسیٰؔ ہن تہٕ بیٚیہِ ساروٕے اسرائیلیٚو یہُوواہؔ سٕنٛدِ خٲطرٕ یہِ بٲتھ۔ تِمن منٛزٕ گؠو پریتھ اکؠ، "بہٕ گیوٕ یہُوواہسؔ یہِ بٲتھ تکیازِ تٔمؠ کٔرؠ جلالہٕ سان اکھ بٔڈ فتح حٲصل؛ تٔمؠ چھِ گُرؠ تہٕ رتھ دِیتمٕتؠ سمندرس منٛز دٲرِتھ!2یہُوواہنؔ چُھ مےٚ بناوان طاقتہٕ وول تہٕ بہٕ گؠوٕ تمِس متعلق۔ تٔمؠ دِیُت مےٚ نجات۔ سُہ چُھ میون خدا تہٕ مناوٕ جشن تمہِ بٲپتھ یہِ تٔمؠ میانہِ بٲپتھ کوٚر۔ سُہ اوس میٲنس ببہٕ سُنٛد خدا تہٕ بہٕ ونہٕ لوٗکن زِ سُہ کۅٚتاہ عظیٖم چُھ۔3یہُوواہؔ چُھ اکھ صاحبہِ جنگ؛ یہُوواہؔ چُھ تٔمؠ سُنٛد ناو۔4بادشاہ سنٛدؠ رتھ تہٕ فوج دِتن سمندرس منٛز دٲرتھ؛ بادشاہ سنٛدؠ ژٲرؠ مٕتؠ افسر پھاٹوٕنؠ بحرِ قُلزمسؔ منٛز۔5تِم آیہِ آولٕنس منٛز ہینہٕ؛ تِم وتھؠ کنہِ ہنٛدؠ پٲٹھؠ سَنرس منٛز۔6یہُوواہؔ ژےٚ چُھکھ بوٗڈ طاقت؛ یہُوواہؔ ژےٚ کۅرتھ پننہِ طاقتہٕ سٟتؠ دشمنن لُرٕپار۔7ژےٚ کٔرِتھ پننہِ بڈِ عظمتہٕ سٟتؠ پننٕؠ دشمن نیست نابود۔ ییٚلہِ ژےٚ ژکھ چُھے آسان، ژٕ چُھکھ تِمن تِتھٕ پٲٹھؠ بُرباد کران یتھٕ پٲٹھؠ نار گاسس زالان چھِ۔8آبس چھِ تٔھزٕ گۅنہِ سپدان ییٚلہِ ژےٚ وٹان چُھکھ؛ تتھ آبس چھِ مَلکؠ ڈیر کھسان؛ سمندرکس سَنرس منٛز چُھ آبس یخ لگان۔9سانیو دشمنو ووٚن، "أسؠ لارو تِمن پتہٕ تہٕ کرہوکھ بنٛد۔ أسؠ کرو تِمن سٟتؠ تہِ یہِ أسؠ یژھو! أسؠ تُلو تلوارٕ تہٕ دِمو تِمن شِکس؛ پتہٕ کرو تتھ مالس حصہٕ یُس أسؠ تِمن نِشہ حٲصل کرو۔10ژےٚ سوٗزتھ واو، تہٕ تِم ؤلؠ سمندرن۔ تِم پھٹؠ سیسکؠ پٲٹھؠ بجن لہرن منٛز۔11یہُوواہؔ، ژےٚ ہیوٗ چُھنہٕ بیاکھ کانٛہہ خدا! ژےٚ ہیوٗ چُھنہٕ کانٛہہ اکھ! ژےٚ چُھکھ پاک۔ پریتھ اکھ چھےٚ ژےٚ کھوژان تہٕ چٲنؠن معجزن چُھ تعریف کران یِم ژےٚ ہاوان چُھکھ!12ژےٚ ہاوتھؠ پننٕؠ قدرت زمین گییہِ یلہٕ تہٕ سٲنؠ دشمن گییہِ تتھ منٛز!13ژےٚ چُھکھ تِمن لوٗکن رہبری کران یِم ژےٚ کڈتھ انتھ تکیازِ ژےٚ چُھکھ تِمن ہمیشہ لول بران؛ ژےٚ چُھکھ سٲنہِ بجٲیی خٲطرٕ پننؠ قدرت استعمال کران، ژےٚ چُھکھ اسہِ تتھ گرس کن رہبری کران یُس ژےٚ مقدس بنوومُت چُھتھ۔14باقی قومن ہنٛدؠ لوٗکھ بوزن تہِ یہِ ژےٚ کوٚرمُت چُھتھ، تہٕ تِمن اژِ تھر۔ فلسطینس منٛز بہیہِ لوٗکن ٲہرٕ۔15عدوم کین سردارن بہیہِ ٲہرٕ۔ موآبٕکؠ سردار بہیہِ تیوٚت ٲہرٕ زِ تِمن وُتھٕ تھر۔ کنعانس منٛز روٗزن والیٚن لوٗکن ڈلہِ ہوش۔16چٲنہِ بڈِ قدرتہٕ سٟتؠ بہیہِ تِمن ٲہرٕ بیٚیہِ کھوژُن۔ تِم سپدن کنین ہنٛدؠ پٲٹھؠ خموش۔ یوٚت تام أسؠ چٲنؠ لوٗکھ تِمن نِشہ نیرو، تِم لوٗکھ یِم ژےٚ مِصرٕ منٛزٕ غلامی نِشہ آزاد کٔرِتھ۔17ژےٚ واتناوکھ اسہِ وعدہ کٔرِمتِس ملکہ کنعانس منٛز۔ ژےٚ بساوکھ اسہِ پننؠن بالن پؠٹھ، تتھ جایہِ یۅسہ ژےٚ یہُوواہنؔ پننُ گرٕ ژورمُت چُھتھ، سانہِ خداوندٕ تتھ پاک جایہِ، یِس ژےٚ پانہٕ تعمیر کرکھ۔18اے یہُوواہؔ، چٲنؠ بادشٲہی روٗزِن تا ابد!"19ییٚلہِ بادشاہ سنٛدؠ گُرؠ، رتھ بیٚیہِ رسالہٕ دار سمندرس منٛز ووٚتھ، یہُوواہنؔ پھیٚور سمندرک آب تِمن پؠٹھ واپس تہِ کٔرِن غرق۔ پوٚز اسرائیلی پٔکؠ سمندرٕ منٛزؠ خشک زمیٖنہِ پٹؠھ۔20ہارونؔنہِ بجہِ بیٚنہِ مریمؔ نبیایہِ تُل پننُ دف تہٕ باقی سٲری زنانہٕ درایہِ تمِس پتہٕ پتہٕ دف ہٮ۪تھ نوٚژان۔21مریمؔن گؠو یہُوواہؔ سٕنٛدِ خٲطرٕ یہِ بٲتھ" کریو تعریف یہُوواہسؔ یِمؠ دشمنن پؠٹھ جلالہٕ سان فتح حٲصل کٔرمٕژ چھےٚ۔ گُرؠ تہٕ تِمن پؠٹھ سوار دِتنِ سمندرس منٛز دٲرتھ۔"22پتہٕ نیہ موسیٰؔ ہن اسرائیلی لوٗکھ بحرِ قلزمہٕؔ نِشہ دوٗر۔ تِم گییہِ شورؔ وجارس کُن۔ تِم روٗدؠ ترٛین دوٚہُن پکان مگر کُنہِ لوٚبکھ نہٕ آب۔23ٲتی وٲتؠ تِم أکِس جایہِ یتھ مارہؔ ناو اوس۔ تتہِ اوس آب یُس تِمو ہیوٚکھ نہٕ چیٚتھ، تکیازِ سُہ اوس ٹؠوٹھ توے اوس تتھ جایہِ مارہؔ ناو آمُت دِنہٕ۔ مارہؔ چُھ اکھ عِبرٲنؠ لفظ یمیٛک مطلب ٹؠوٹھ چُھ۔24تِمو لوٗکو کٔر موسیٰؔ نِشہ شِکایت، یہِ ونان، "أسؠ کیا چؠمو؟"25لہٰذا موسیٰؔ کوٚر یہُوواہسؔ فریاد۔ پتہٕ ہووٚ یہُوواہنؔ تمِس اکھ کُل یُس تٔمؠ نیٚو تہٕ تراون تتھ آبس منٛز تہٕ آب میٹھیو۔ مارہسؔ منٛزٕ بنٲوؠ یہُوواہنؔ تہنٛدِ زندٕ روزنہٕ باپتھ اکھ قانون۔ تٔمؠ کوٚر تِمن تٔتی امتحان یہِ زانہٕ خٲطرٕ زِ تِم کرِنا مےٚ وفادٲری۔26تٔمؠ ووٚن، "بہٕ چُھس یہُوواہؔ تُہنٛد خدا۔ ہرگاہ توٚہؠ مےٚ وفادٲری کریو ییٚلہِ بہٕ توٚہہِ تِمہٕ کامہِ کرنہِ ونہٕ یمہٕ صحی چھِ تہٕ تمہٕ سٲری کتھٕ بوٗزو یمہٕ بہٕ توٚہہِ ونہٕ، بہٕ سوزٕ نہٕ توٚہہِ پؠٹھ تمہٕ بیمارِ یمہٕ مےٚ مِصرین پؠٹھ سوزِ۔ مٕہ مشرٲویو زِ بہٕ چُھس یہُوواہؔ، یُس توٚہہِ صحت بخشان چُھ۔"27مارہؔ پؠٹھٕ نیرتھ وٲتؠ تِم ایلیمؔ ناوٕچہ أکِس جایہِ۔ تتہِ ٲسؠ آبٕکؠ باہ 12 ناگ بیٚیہِ ستتھ 70 کھزرٕ کُلؠ۔ لہٰذا ترٛوو تِمو پننُ ڈیرٕ تٔتی۔
Bridge Connectivity Solutions Pvt. Ltd.