اِستِثنا29
1یِم ٲسؠ یہُوواہؔ سنٛدِ عہدٕکؠ احکام یمن ہنٛز تعمیل بنی اسرائیل ین لٲزمی کرٕنؠ ٲس۔ ییٚلہ تِم یردن دریاوس مشرقہٕ انٛدٕ موآبؔ علاقس منٛز ٲسؠ تہٕ موسیٰؔ ہن کوٚر تِمن حکم زِ تِم رٹن یِم ضٲبطٕ۔ یمہ ضٲبطٕ بنیاے تمہٕ عہدٕکؠ حصہٕ یمہٕ یہُوواہنؔ تِمن سٟتؠ سیناؔ بالس پٮ۪ٹھ کٔرمٕتؠ ٲسؠ۔2موسیٰؔ ہن أنؠ سٲری اسرائیلی لوٗکھ سومبرٲوِتھ تہٕ ووٚننکھ، "توٚہہ وچُھو پانہٕ زِ یہُوواہنؔ کیاہ کوٚر مِصرٕ کِس بادشاہ تمسنٛدین عہدٕدارن تہٕ تمسنٛدٕس ملکس سٟتؠ۔3توٚہہ وُچھو تِمہ سارے آفژٕ یمہٕ یہُوواہنؔ تِمن پٮ۪ٹھ سوزٕ تہٕ تِم تمام معجزات یمہ تٔمؠ ہٲوؠ۔4مگر از تام بنٲوؠ نو نہٕ یہُوواہنؔ توٚہؠ اتھ قٲبل زِ یہ کینٛژھا توٚہہ وُچھو یا بوزو تمیُک مطلب ترِہو فکرِ۔ 5ییٚلہ توٚہؠ بیابانو منٛزؠ سفر کران ٲسیٚو تہٕ یہُوواہنؔ کٔر توٚہہ ژتجہَن ورؠ ین رہنمٲئی۔ تتھ وقتس دوران پرانیاے نہٕ تُہنٛدؠ پلو تہٕ کھۅربانہٕ۔6توٚہہ نِش اوسنہٕ کھیٚنہٕ خٲطرٕ ژۅٹ، مےَ یا چیٚنہٕ باپتھ بیٚیہِ کانٛہہ بنوومُت مشروب، مگر یہُوواہنؔ تھوو تُہنٛد خیال تاکہ توٚہؠ زٲنیٚو زِ سُے چُھ تُہنٛد خدا۔7تہٕ ییٚلہِ أسؠ یتھ جایہ وٲتؠ تہٕ حسبون شہرس پٮ۪ٹھ حکومت کرن وول بادشاہ سیحون تہٕ بسن علاقس پٮ۪ٹھ حکومت کرن وول بادشاہ عوجؔ دراے پنُن فوج ہیٚتھ اسہِ پٮ۪ٹھ حملہٕ کرنہِ، مگر اسہِ دیُت تِمن شِکس۔8اسہِ نیٚیہ تِہنٛز زمین تہٕ باگرٲو روبن، جد تہٕ منسیؔ سنٛدین نیصف قبیلن منٛز۔9لہٰذا کٔریٚو امہ سارے عہدٕچ عبادت وفادٲری سان یُتھ زن توٚہؠ تتھ منٛز کامیٲبی پرٲیو یہ کینٛژھا توٚہؠ کٔریٚو۔10از چھِ أسؠ سٲری پننِس خدا یہُوواہسؔ برُونٛہہ کنہِ کھڑا، بہٕ، تُہنٛدین سارنی قبیلن ہنٛدؠ سردار، تُہنٛدؠ بزرگ، تُہنٛدؠ افسر، توٚہؠ تمام اسرائیل لٕکؠ مرٕد،11تُہنٛزٕ زنہِ، تُہنٛدؠ شُرؠ تہٕ غٲر ملکی یمہ اسہِ سٟتؠ روزان چھِ، انن سانہِ باپتھ لکٕر ژٔٹِتھ تہٕ بیٚیہِ انن سانہِ خٲطرٕ آب۔12توٚہؠ سٲری چُھو از یتؠ یہُوواہسؔ سٟتؠ یہ عہد قبول کرنہٕ باپتھ تہٕ پنُن پان امچہِ پابنٛدی پٮ۪ٹھ رضامنٛد ہاونہٕ باپتھ۔13سُہ چُھ توٚہہ سٟتؠ یہ مہادہ اوٕ مۅکھ کران یُتھ یہ یقین سپدِ زِ توٚہؠ چُھو تمسنٛدؠ لوٗکھ، تہٕ سُہ چُھ تُہنٛد خدا۔ یوٚہے چُھ تہِ یہ تٔمؠ تُہنٛدِ باپتھ کرنُک وعدہ کوٚرمُت چُھ، تہٕ یُس وعدہ تٔمؠ تہُنٛدین جدٕاجدادن ابرہامسؔ، اضحاقسؔ تہٕ یعقوبس سٟتؠ کوٚرمُت چُھ، یتھ سُہ پوٗرٕ کرِ۔14یہ عہد چُھنہٕ صرف توٚہہِ سٟتؠ۔15خدا چُھ یہ مہادٕ اسہِ سٟتؠ یمہٕ از یتہِ چھِ تہٕ سانٮ۪ن اولادن سٟتؠ تہٕ یمہٕ نہٕ وُنہِ زامٕتؠ چھِ۔16توٚہہ آسن تمہ کتھٕ یاد یمہ سانیٚو جدٕاجدادو مِصرس منٛز برداش کرِ تہٕ مِصرٕ منٛزٕ نیرنہٕ پتہٕ گےَ تِم تتھ ملکس کُن روانہٕ یُس باقی قومن ہُنٛد اوس۔17تتھ ملکس منٛز وُچھ تِمو تمہٕ ووکھٕ پۅتٕلؠ یمہٕ لکٕرِ تہٕ کنٮ۪ن ہنٛدؠ بنٲوِتھ ٲسؠ تہٕ چانٛدِ تہٕ سۅنہٕ سٟتؠ ٲسؠ جٔرِتھ۔18لہٰذا روزیٚو حیٚسہٕ زِ از یتہِ موجود کانٛہہ تہ مرد یا زٔنؠ تا کانٛہہ تہِ کُمبہٕ یا قبیلہٕ گژھِ نہٕ سٲنِس خدا یہُوواہؔ سنٛز روگردٲنی کٔرِتھ تِمن لوٗکن ہنٛدین دیوتاہو منٛزٕ کٲنٛسہِ ہنٛز عبادت کرٕنؠ۔ اگر توٚہؠ تہِ کریٚو تمہِ سٟتؠ أنیٚو توٚہؠ پانس زوال۔ 19پژھ تھٲوؠ زیٚو از چُھنہٕ یتِنس کانٛہہ تہِ شخص یُس نہٕ امہِ عہدٕچ کتھ بوزِتھ پانس یہ ونان آسہ، "مےٚ سٟتؠ سپدِ پرٮ۪تھ کینٛہہ رُتےٕ، چاہے بہٕ ضدٕ سٟتؠ کینٛہہ تہِ کرُن یژھٕ، اگر توٚہؠ تہِ کٔریٚو تہٕ نتیجہ نیرِ یہ زِ یہُوواہؔ کرِ ٲخٕرکار توٚہہ سارنی تباہ، دوٚنونی رٕتٮ۪ن تہِ تہٕ بُرٕ لوٗکن تہِ۔20یہُوواہؔ کرِنہٕ یُتھ ضِد تھاون وٲلِس کٲنٛسہِ اکِس معاف۔ امہ بجایہ آسہ سُہ تس شخصس واریاہ ناراض تہٕ تِم تمام لعنتہٕ یمن متعلق مےٚ توٚہہ ووٚن کرِ سُہ تس شخصس پٮ۪ٹھ تۅتام نٲزل، یۅتام نہٕ یہُوواہؔ تس شخصس تہٕ تمسنٛدِس خاندانس ہمیشہٕ باپتھ تباہ کرِ۔ 21اسرائیل کیٚو تمام قبیلو منٛزٕ کرِ یہُوواہؔ تس شخصس تِمو تمام آفژو باپتھ مقرر یمہٕ مےٚ عہد نامس منٛز درٕج کرِ۔ تِم سارے بُراییہِ آسن تس شخصس سٟتؠ یمِس یہُوواہؔ تِمن قانونن ہنٛز نافرمٲنی کرنس پٮ۪ٹھ لعنت کرِ یمہ مےٚ اتھ دستاویزس پٮ۪ٹھ لیٚچھِ۔22ینہٕ والیٚن ورؠ ین دوران وچُھن تُہنٛدؠ اولاد تہٕ باقی ملکن ہنٛدؠ لوٗکھ یِمن آفژن تہٕ بیمارین یمہ یہُوواہنؔ توٚہہ پٮ۪ٹھ نٲزِل کرِ۔23تمہٕ وچُھن زِ تُہنٛز سٲرے زمین آسہ شورٕ تہٕ نوٗنہٕ سٟتؠ دٔزِتھ پیمٕژ۔ کِہین تہِ آسہ نہٕ لاگنہٕ آمُت۔ حطاکہِ گاسہٕ تہِ آسہ نہٕ۔ تُہنٛز زمین آسہ سدومؔ، عمورہؔ، ادمہؔ تہٕ زبوئیم شہرٕچہِ زمینہِ ہِش، یمہ یہُوواہنؔ تباہ کٔرؠ ییٚلہ سُہ تِمن لوٗکن پٮ۪ٹھ ناراض سپُد۔ 24تہٕ باقی قومن ہنٛدؠ لوٗکھ پرِژھن، زِ یہُوواہنؔ کیازِ کوٚر اتھ ملکس سٟتؠ یہ؟ سُہ کیازِ اوس یتہِ کٮ۪ن روزن والٮ۪ن یوٗت ناراض؟25پتہٕ ونن یورٕ باقی لوٗکھ، یہ سپُد اوٕموٚکھٕ تکیازِ تِمو کوٚر سُہ عہد ماننہٕ نشہٕ انکار یُس تِمو یہُوواہؔ خدایس سٟتؠ کوٚرمُت اوس، یمسنٛز عبادت تِہنٛدؠ جدٕاجداد کران ٲسؠ ییٚلہ تٔمؠ تمہٕ مِصرٕ منٛزٕ کٔڈِتھ أنؠ۔26تمہِ بجایہ کٔر تِمو باقی معبودن ہنٛز عبادت یِمن ہنٛز عبادت تِمو امہِ برونٛہہ زانٛہہ تہِ کرمٕژ ٲس نہٕ، تِمن دیوتاہن ہنٛز یِمن ہنٛز عبادت کرٕنؠ یہُوواہنؔ تِمن ونمُت اوسنہٕ۔27اوٕ کِنؠ سپُد یہُوواہؔ تمہِ ملکہٕ کٮ۪ن لوٗکن پٮ۪ٹھ سٮ۪ٹھاہ ناراض تہٕ تمؠ کرِ تِمن پٮ۪ٹھ تمہ تمام آفژٕ نٲزِل یمن متعلق تِہنٛدؠ قٲیِدن تمہ خبردار کٔرؠ مٕتؠ ٲسؠ۔28یہُوواہؔ سپُد تِمن پٮ۪ٹھ سٮ۪ٹھاہ غضبناک تہٕ تِمہ ملکہٕ منٛزٕ کڈِتھ ژھنِتھ چھکِن تِم بییِس ملکس منٛز، تہٕ ونیُک تام چھِ تِم تٔتؠ۔ 29کینٛہہ کتھٕ چھےٚ تمہٕ یمہٕ سٲنؠ خدا یہُوواہنؔ پوشیدٕ تھاوِ، مگر تٔمؠ کٔرؠ اسہِ پٮ۪ٹھ پنٕنؠ قانون نٲزِل، تہٕ سُہ چُھ اسہِ تہٕ سانٮ۪ن اولادن نِش ہمیشہٕ باپتھ تِمن ہنٛز تعمیل کرنُک توقع کران۔
Bridge Connectivity Solutions Pvt. Ltd.