Mukanda wu Pawuli ku bisi- Loma16
Zimbote zi Pawuli
1Nalutambikidi Fwebe kibusi kyeto, wudi mpe munkengi wu mukento mu dibundu di Senkeli.2Mutambuleeno mu nkumbu Mfumu, bonso bu bakwe zitisilanga balongo, musadiseeno mu misamu mimvimba mi kabela neeno nsatu. Mu dyambu ti, wusadisi bantu babingi na meno bende mpe.3Haaneeno mbote ku Pisika na Akilase, bakundi bani bakwe salanga naani mu kisalu ki Yesu-Klisto.4Bakakihondisa mu vukisa luzingu lwani. Ka mehiika kaka ko nina bavutudila matondo, kansi mpe mabundu mamvimba ma balembolo ba Bayudayo.5Haaneeno mpe mbote ku dibundu dikwe kutakananga mu kati di nzo awu. Haaneeno mbote ku mukundi ani wuzola Epenete, muntu wuntete wukwikila mu Klisto mu kizunga ki Aziya.6Haaneeno mbote ku Maliya wutoma sala bubwingi mu dyambu dyeto.7Haaneeno mbote ku Andonikuse na Yunyase bisi-kanda dyani na bakundi bani mu boloko. Zintumwa zi buzitu zidi, mpe bateka kwikila mu Klisto na meno.8Haaneeno mbote ku Ampyatuse wu natomini tya, mukundi ani wu natomini tya mu Mfumu.9Haaneeno mbote ku Yulubani mukundi ani wu kisalu mu Klisto, na ku Sitakise, mukundi ani wu natomini tya.10Haaneeno mbote ku Apelese lonkidi bidimbu bi kiminu kyandi mu Klisto. Haaneeno mbote ku yobobo baa mu nzo yi Alisitobule.11Haaneeno mbote ku Helodyoni mwisi-kanda dyani. Haaneeno mbote ku bantu baa mu nzo yi Nalisise bakwe kwikilanga mu Mfumu.12Haaneeno mbote ku Tilifene na Tilifose bakento bana toma sala bubwingi mu dyambu di Mfumu. Haaneeno mbote ku Peliside, mukundi ani wu mukento, wutomini sala bubwingi mu Mfumu.13Haaneeno mbote ku Lufuse wusoolo mu Mfumu, na ngudi andi wudi mpe ngudi ani.14Haaneeno mbote ku Asinklite, ku Felengoni, ku Helimese, ku Patolobase, ku Helimase na ku zimpangi zii kintwadi nawu.15Haaneeno mbote ku Filolonge, na ku Yuli, ku Nele na ku kibusi kyandi, ku Olimpase na ku bamvimba balongo badi kintwadi nawu.16Haanasaneeno mbote yi longo mu fibasana yeno na yeno. Mabundu mamvimba ma Klisto mbote malutambikidi.Kukebisa kumanunu
17Mpangi zani, kebeeno kweno na yobobo bakwe kakidilanga ndongosolo yi lutambula bu bana lutwadila nkabani na bu bana soosa mu lubwisa. Beeno kitatu nawu.18Mu dyambu ti bantu babobobo, basadilanga Klisto Mfumu eto ko, kansi yawu myoyo myawu kwandi. Mu nzonzolo zawu zimbote na zi luvunu, bana huna bantu balembolo ba bakwikama mu kiminu.19Bwabu yeno, bantu bamvimba bazebi lutumumu lweno. Mpe kyese kii naani mu dyambu dyeno, kansi, ntiidi luba bantu bandwenga mu hidika misamu mimbote mpe bavedila mulembolo hidika misamu mimbi.20Mwa ntangu yifyoti kwandi yisiidi, Nzambi yi kiyenge waakosona Satana ku nsye bitambi byeno. Bika mulemvo wu Yesu-Klisto, Mfumu eto wuba neeno!21Timote, mpangi ani yi kisalu, mbote kana luhaana. Tambuleeno mpe mbote yi Lusyuse, yi Yasoni na yi Sosipatele, bisi-kanda dyani.22Mbote nina luhaana mu nkumbu yi Mfumu, meno Tetyuse wubalomba mu sonika mukanda bewuwu.23Ngayusi wuntambudi, mpe dibundu dimvimba dikwe kutakananga ku nzo andi, mbote dilutambikidi. Elasite, yandi wu kikebi ki mbongo zi mbanza na Kalituse mpangi eto, mbote balutambikidi.24[ Bika Mfumu eto Yesu-Klisto kalusakumuna yeno bamvimba! Ameni ]25Nzambi lendi lusyamisabonso budi Musamu Wumbote wu nina samuna na malongi ma nina longa mu Yesu-Klisto,yandi wudi mansweki mayenikinimaba maswama tuka mimvu ka mimvu.26Kansi bwabu makani bemomo mayenikini ku bantu ba nsi zimvimbamu nzila yi masonama ma mimbikudi,bonso budi ntumunu yi Nzambi yi mimvu ka mimvu,mwanki basa kiminu kyawu mu yandi mpe bamutumimina.27Ku Nzambi kaka wuu na ndwenga zimvimba, bika katambula nkembo yi mimvu ka mimvu, mu nzila yi Yesu-Klisto!Ameni!Wycliffe Bible Translators, Inc.