James5
1Hôm năr heq, căh sên di dân, khây tamun n'hăp jina tĭq, căh nhim rơp bây cuôl sec mvăc sinlơ lŏh sat khamay de gĕh tât.2Păch caya khamay nĕh ôm rai lĕq, hôm ao mphla khamay jêng lŭh păch sa an cŏh gatiêr.3Mơh bây bạc khamay de nĕh khlŏh nggâm sinlơ va-ăch sa nĕh de nŏq cồ du sinlơ candân tăm chŏl vlâq bây khamay, bây nĕh nhâng sa nđưt gŏng n'ham khamay dân ca ŭnh. Khamay lăq chĕq ân păch caya nơm sŭng khây năr chôch lawăch.4Căh sên tĭq, jên prơn khây tamun ôp tôl de, nŏq cồ khây tamun jwŏq vlơ ăp tamăn khamay de, jên nŏq lăq gĕh jơ vlâq tŭq khamay, nĕh gĕh cuôl măq mŭnh hao, bây ăp camvŭm nhim rơp khây tamun jwŏq nŏq lăq tât maq tôr Siđăch ăp minsŭh.5Khamay lăq rĭh n'hăp jina bây sa huch vuyh nuih vlơ ntĕh. Khamay lăq ôp lavau nuih talaq nơm an năr ôp gŏng.6Khamay lăq nhai dôih bây tachưt tamun yăh sŏng, tamun nŏq đăng tăm chŏl vlâq bây khamay.7Canŏq, ơ pôp ŏh, căh gŭq kram gajăp an tât năr Siđăch tât. Sên tĭq, tamun ôp re răm gŭq câp nggơ plây jo yăh rom a ntĕh, gŭq kram câp nggơ nĕh an tât lăm ntĕh wŏq gĕh mi vôq khay bây mi lĕq khay.8Pôp ŏh khoi gŭq kram gajăp. Căh ôp an kram nuih talaq nơm mvăc sinlơ lŭh măt Siđăch lăq mơch tât.9Ơ pôp ŏh, vâng tăm nhŭp dôih tăm chŏl ndăng ganai nơm, chĕq pôp ŏh đăng vlam sinlơ ôp dôih. Sên tĭq, Candranh Ôp Dôih Nĕh tao yăq u vôq lapông tĭq.10Ơ pôp ŏh, căh pơch bây sĭq sinlơ wŏq minlŏh bây mbêr nuih khây tiêng tri, khây tamun sŏq săq Siđăch yảng pađau.11Sên heq, vơn cuôl khây tamun mbêr nuih cồ gĕh yăh vŏq âh. Pôp ŏh lăq iêt chăng sĭq prơn wŏq vadâng Yop de, bây pôp ŏh lăq sây vrŭq yăh Siđăch de, mvăc Siđăch jina nuih talaq sinđach bây nuih talaq yăh.12Vlơ dông lĕq, ơ pôp ŏh ănh je, vâng raq săq, khoi vâng pađau trôq ha pađau ntĕh ha ăp camvŭm raq săq lây. Nŏq, “gĕh” nŏq nhai cồ “gĕh”, bây “đăng” nŏq nhai cồ “đăng”, chĕq pôp ŏh đăng tarŏh lăp sinlơ ôp dôih.13Tamun lây sŭng pôp ŏh gĕh vlam lŏh sat đăng? Tamun nŏq căh vơu ngwân. Gĕh vu lây vui hơn đăng? Tamun nŏq căh adŏh payom.14Tamun lây sŭng pôp ŏh ji côr râng dŭh đăng? Tamun nŏq căh saq panh khwây khây tamun văt vôq sŭng vatom gŭn tât bây sŭng săq Siđăch de, khây nĕh căh vơu ngwân ala an nĕh, lap daq pring an nĕh.15Camvŭm vơu ngwân don a sinlơ tôq nhâng yơt tamun ji côr nŏq bây Siđăch iơq nĕh nŏq tao. Hê tamun heq nĕh ôp bưn bap, nŏq tamun nŏq nhâng gĕh hwât chĕq.16Canŏq, căh nhai lŭh bưn bap bây ganai nggâm vơu ngwân an ganai chĕq pôp ŏh gĕh ranô an yăh. Camvŭm vơu ngwân tamun yăh sŏng lăm gĕh nhai lŭh nŏq gĕh Cô Voq iêt chăng.17Ê-li cồ du con tamun dân ca vơn, bây nĕh vơu ngwân bây nuih talaq côt cĕh wĭnh an trôq vâng mi, nŏq trôq đăng mi sŭng daq lĕq pe mva prau khây.18En nĕh vơu ngwân sĭq vlâq, nŏq trôq rŏh mi, bây ntĕh ntưl gĕh lŭh play jo.19Ơ pôp ŏh ănh je, hê vu lây sŭng pôp ŏh saq chroc trong a sinlơ dip gal, en du vu lây nŏq têch văt tamun nŏq sĭq vlâq,20nŏq căh gưt pành vu lây palâq pale tamun gĕh bưn bap lŭh ntrăch a con trong tih wil nĕh de, tamun nŏq nhâng gĕh yơt wênh nggui nĕh nŏq ntrăch a sinlơ chưt, bây gĕh khlop vưr gŏq sinlơ bưn bap.
FAR EAST BROADCASTING COMPANY