James4
1Khây sinlơ tăm chih tât a tŭq lây bây ăp sinlơ tăm chŏl lŭh a tŭq lây sŭng ganai pôp ŏh? Gĕh gal nĕh lŭh a khây can'hir cơnh pôp ŏh de, cồ sinlơ gât hôm tăm chŏl sŭng ăp vau swan pôp ŏh de hẩng?2Pôp ŏh cơnh can'hir nŏq đăng gĕh, pôp ŏh tachưt vu. Pôp ŏh cơnh can'hir, nŏq đăng wŏq gĕh, pôp ŏh tăm cammlăh bây tăm păh tăm pâm. Pôp ŏh đăng wŏq gĕh mvăc pôp ŏh đăng wĭnh.3Pôp ŏh wĭnh nŏq đăng wŏq gĕh mvăc pôp ŏh wĭnh ayh păch tih wil, chĕq tarui palay an khây cơnh can'hir bây nuih nơm de.4Ơ khây tamun cồ lêng cani camăn tĭq! Pôp ŏh đăng gưt pành vrŭq tăm răp bây dưnya cồ tăm chŏl vlâq bây Siđăch Trôq hẩng? Canŏq, hê vu lây cơnh ôp ganai bây dưnya, nŏq tamun nŏq phlâq lăp gatŭq tăm chŏl vlâq bây Siđăch Trôq.5Ha pôp ŏh sinâng pành Sirăq Cô Voq nhai đăng lŭh păch lây: “Siđăch Wênh cồ Siđăch ôp an rĭh sŭng vơn, Candranh nŏq cơnh sinđach vơn tât daq tăm tanê?”6Cồ canŏq, Siđăch paq an păch yăh an ngăn măq dông, nŏq Sirăq Cô Voq nhai: “Siđăch Trôq tăm chŏl vlâq bây khây tamun iơq nơm, nŏq Siđăch paq păch yăh an ngăn an tamun gưt tănjưr nơm.”7Canŏq, căh phlâq tôq Siđăch Trôq. Nŏq căh tăm chŏl bây chaq camhôch, en nĕh nhâng saq ngai ntrăch a pôp ŏh.8Gưt tât mơch Siđăch Trôq, en Siđăch nhâng tât mơch pôp ŏh. Khây tamun ôp bưn bap, căh rao jrŏh ti nơm, khây tamun gĕh var nuih talaq, căh chhat rao nuih talaq nơm.9Căh palâq vôq, rơp nhim bây ranđih! Căh pagâl camvŭm gơm pôp ŏh de lŭh camvŭm nhim, bây pagâl vui lêng lŭh sinlơ jưl măt.10Căh tănjưr nơm u vôq măt Siđăch, en Siđăch nhâng iơq pôp ŏh hao.11Ơ pôp ŏh, vâng nhai viêm ndăng ganai nơm. Tamun nhai viêm pôp ŏh ha nhŭp dôih pôp ŏh nơm cồ nhai viêm ravwŏq bây nhŭp dôih ravwŏq. Nŏq hê pôp ŏh nhŭp dôih ravwŏq nŏq pôp đăng gal cồ tamun ôp bây ravwŏq uy, nŏq cồ tamun ôp dôih.12Candranh paq ravwŏq bây ôp dôih cồ ayh muôi, cồ Candranh gĕh prơn camhlăng chĕq yơt bây tachưt. En pôp ade vu lây, ơ tamun nhŭp dôih tamun pôp ŏh nơm?13Nŏq vrêq, căh iêt heq, khây tamun cồ gĕh nhai pành: “Năr heq ha ta-au khananh nhâng saq tât palây tĭq, en nhâng ôp vrŭq u nŏq du mva, tăch vro jêng n'hăp.”14Nŏq cồ khây tamun đăng gưt gĕh vrŭq ta-au, sinlơ rĭh pôp ŏh de cồ păch lây? Mvăc pôp ŏh cồ chamhui daq nĕh tănlŭh sŭng du măt du sôr en cambet let.15Ala lăp nŏq, pôp ŏh căh nhai: “Hê Siđăch cơnh, nŏq vơn hôm mo mrĭh bây en ôp vrŭq heq ha vrŭq tĭq.”16Nŏq, pôp ŏh năr heq iơq nơm sŭng vrŭq ôp nơm de. Ăp sinlơ iơq nơm ca nŏq nĕh viêm lŭng.17Canŏq, tamun lây gưt păch yăh căh ôp nŏq đăng ôp, nŏq tamun nŏq gĕh bưn bap.
FAR EAST BROADCASTING COMPANY