1 Timoteo1
1Pablo, Cristo Jesús aín apóstol ꞌikë Diosan xukëxun an nukë iëmikë Jesucristo a nu kainkë a,2Timoteo, asérabi ꞌën bëchikësa amíira sinánkë. Nuibakin biti ꞌixumabi bikë anun tsóti nukën Papa Dios ꞌimainun Cristo Jesús nun ꞌIbu an mi ꞌinanti ꞌikën.3ꞌË Macedonia menu kuankin kana mixmi Éfeso ëmanu tikinun mi ka, anuxua bëtsi unikama këmëi banakë an ꞌakësokin axuma anun kamina kati ꞌain,4kamina kuatima ai nun rarakama ꞌía ënkima abi ñuikë bana a kamina kuatima ꞌain. Ënë ñukaman ka ñúkanankë, kuëbikanankë, ënë kaman ka bëtsi ꞌakinima, Diosan ñu më́ëti ꞌai ami katamëti sinanun.5Ënë bana kikë ꞌati kuë́ëni kana bëtsibë bëtsibë nuibanani nun nuitu mëu mëniokakë ꞌaish upí sinañu ꞌiti ꞌikën, ax ka achúshi upí sinañu ꞌimainun amíira sinanti a ꞌikën.6Rairi kaman ka ënë bana ëni amo kiaxa, ꞌimainun ka bëtsi ñu ꞌaki nishananti ꞌaia.7A kaman ka Diosa bana ꞌunánkë uni ꞌiti kuë́ënia, ꞌaibi ka atunbi ꞌunanima, ka kia ꞌixubi ka uisai kikë kara ꞌunanima.8Kananuna unan a tanti kuënëo bana ka upí ꞌikën, anua ꞌikë a kananuna an kikësabiokin ꞌati ꞌain.9Kananuna sinanti ꞌain kuënëo bana a tanti ax ka, uin kara ñu upí ꞌaia ainama ꞌikën. A tanti bana ax ka aisama uninan ꞌianan bana kuakëma, unina ꞌikë, ꞌimainun ka ꞌatima, ꞌuchañukama, ꞌimainun ax Diosmi kuaianan, an bëtsi ñu rabikë ꞌimainun ax rëtëanana, aín papa, aín tita rëtëkë akamax ka akanankë,10aín xanuma xanubë ꞌiana aín bënëma unibë ꞌikë, xanuxmabi uni itsibë ꞌikë, an bëtsi uni marukë, këmëntapun ꞌaish këmëi banakin asérabi ꞌakëma, upí bana a asérabima ka kixun ꞌatimakin ñuia.11Ënë bana upí pënëíira ꞌunamikë ñuiti ka, nukën Papa Diosan ꞌë xuakëxa.12Kana asabi ka nukën ꞌIbu Cristo Jesús kain, an ka ꞌë kushionan, ënkima ami upiti sinania ꞌë aín ñumëti ꞌinanxa.13Bërama kana ꞌën ꞌatimati Jesucristoñui, banakën a ichakin ꞌaisama okën. Usa ꞌaibi ka Diosan ꞌë nuibakin ꞌën ꞌuchakama tërëanxa, ꞌaibi kana ꞌën ami sinama ꞌain, usa ꞌixun kana añu karana ꞌai kixun ꞌunama ꞌain14Nukën ꞌIbun ka ꞌitsaíira ami sinania nuibakin ꞌë ꞌinanxa, a kupin kananuna Cristo Jesusnan ꞌiti ꞌain, an nu ꞌinankë kupin.15Ënëx ka asérabi ꞌikën, kamaxubi ka ꞌunanti ꞌikë: Cristo Jesús ka ënë menu ubakëxa, uni ꞌuchañukama tëmërama ꞌinun iëmi, a kupin kana ꞌëx ira pain a ꞌain.16ꞌAibi ka Diosan ꞌë nuibatia, Jesucristonën ka bënëkima ñu ꞌanun ꞌë ismiti ꞌikën. Usa ꞌain kana ꞌësaribi ꞌia ami katamëti bamatima oi tsonun ꞌunami.17¡Aira rabiti ꞌianan pënëiira ꞌaish ꞌApu nëtëtima bamatima oi tsókë, istima achúshi Dios tsokë! Ashi.18Timoteo, ꞌën bëchikësa ꞌikë kana, ënë mi ꞌinanin upioki sinani ax kikësabi oi ꞌinun, ënë ñukama ꞌai kamina upiti mëananu mëniokakë ꞌiti ꞌain, mia kasabi oi ꞌiti ꞌain. Rairinëx ka usai ꞌima an kuë́ënkësa oi ꞌi, a bana timai ami sinanima.20Ësai ka Himeneo ꞌimainun Alejandro inuaxa, a kana ñunshin ꞌatimanën ꞌapu ꞌinan, an ka ꞌunanti ꞌikën, ꞌaisamai Dios ñui banatima kupí.
The Seed Company