1 Lúrudu26
Habahüdǘnya Ísüraelina
1Lárigiñe igei gáfarahati ligía, aba lariñagun Wabureme lun Moisesi luma lun Eleasárü, le liráü fádiri Aarón:2—Abahüda humaña sun Ísüraelina hawagu haduheñu, sun ha weinti irumu hau lun iñun, ha gayaraati houdin wuriburugu.3Ábati líchugun Moisesi luma Eleasárü lúrudu houn Ísüraelina lidan fulasu mawübüriti le gíribei Moabü, lurugabu duna Hordán, ligibugiñe Herikó,4lun habürüdǘn sun ha weinti irumu hau lun iñun kei lariñaguni Wabureme lun Moisesi.Añahán buga Ísüraelina ha áfuridubaña Ehiptugiñe.5Külán burí le ladügawagun Rubén, le furumiñeti liráü Ísüraeli, Enoku, Falú.6Esürón luma Karümí;7según habahüdün ladügawagun Rubén bián-wein-ǘrüwa-milu-sedü-san-darandiñanu wügüriña.8Liráü Falú: Eliabü,9Lirahüñü Eliabü: Nemueli, Datán luma Abirámü. Datán luma Abirámü, hádanñanu meha ha úaradubaña luma Koré lun hiñuragun houngua luagun Wabureme luma luagun Moisesi luma Aarón,10gama lumoun aba lánhunrenchun múa aba láhuluchuniña biángubei hagía luma Koré hau sun ha afalarubalin. Bián-sánñanu-dimí wügüriña óunwegutiña lidan watu gemeti. Seriwiti lira kei hénpulu houn ha híbiri.11Ánhañati lirahüñü Koré móunweguntiña:12Külán burí le ladügawagun Simeón, ha lánigu Nemueli, Hamín, Hakín13Sera luma Saulu;14según abahüdǘni, wein-bián-míluñanu-bián-san wügüriña ladügawagun Simeón.15Külán burí le ladügawagun Gadü: Sefón, Agí, Suní,16Osuní, Erí,17Arodu luma Arelí;18Según abahüdǘni bián-wein-milu-seingü-sánñanu wügüriña ladügawagun Gadü.19Hádangiñe lirahüñü Hudá, hilati Erü luma Onán lidan fulasu le gíribei Kanán,20külán lubeiti ha ladügawagun Hudá: Selá, Fáresi luma Sera.21Külán le ladügawagun Fáresi: Esürón luma Amulu;22según abahüdǘni, ǘrüwa-wein-disisi-míluñanu-seingü-san wügüriña ladügawagun Hudá.23Añahán meha külán ha ladügawagun Isakárü: Tolá, Puá,24Hasubu, luma Simürón;25ǘrüwa-wein-gádürü-míluñanu wügüriña abahüdǘtiña hadan ladügawagun Isakárü.26Añahán meha külán ha ladügawagun Sabulón: Séredü, Elón luma Haleeli;27ǘrüwa-wein-míluñanu seingü-san wügüriña abahüdǘtiña hadan ladügawagun Sabulón.28Añahán meha külán ha ladügawagun Hosé, ha hádangiñetiña lani Manasési luma Éfürain türibu.29Hádangiñe lánigu Manasési, lani Makirü külán; hádangiñe lánigu Makirü, lani Galaadü külán;30hádangiñe lánigu Galaadü, lani Iéserü, lani Élekü,31lani Asüriéli, lani Sikemü,32lani Semidá hama lani Éferü külán.33Selofádü, le liráü Éferü, marahüñüti wügüriña haweidigia würiña, ha burí gíribaña Malá, Noá, Ogulá, Milüká tuma Tirüsá.34Según abahüdǘni dimí-san-bián-míluñanu-sedü-san wügüriña ladügawagun Manasési.35Añahán meha türibu ha hádangiñetiña ladügawagun Éfürain, ha hádangiñetiña lani Sutela, Békerü luma Taán külán.36Ladügawagun Sutela, ha lani Erán külán.37Según abahüdǘni, darandi-bián-míluñanu-seingü-san wügüriña ladügawagun Éfürain. Hagía ladügawagunbaña Hosé.38Külán ha ladügawagun Benhamín: Ha lani Bela külán, lani Asübéli, ha lani Airamü,39ha lani Sufamü, hama lani Ufamü külán.40Külán ha ladügawagun Bela: Ha lánigu Árüdi luma Naamán, ha lirahüñü Bela.41Según abahüdǘni bián-wein-seingü-míluñanu-sisi-san wügüriña ladügawagun Benhamín.42Ha lánigu Suamü ladügawagunbaña Dan.43Según abahüdǘni, bián-wein-gádürü-míluñanu-gádürü-san wügüriña ladügawagun Suamü.44Külán ha ladügawagun Aserü: Ha hánigu Imüná, Isüwí luma Beriá.45Külán ha ladügawagunbaña Beriá, ha lánigu Éberü luma Malükiéli.46Garaüti bugaha Aserü aban würi gíritu Sera.47Según abahüdǘni, dimí-san-ǘrüwa míluñanu-gádürü-san wügüriña ladügawagun Aserü.48Külán ha ladügawagun Nefütalí, ha hánigu Haseeli, Guní,49Heserü, luma Silemü.50Según abahüdǘni, bián-wein-seingü-míluñanu-gádürü-san wügüriña ladügawagun Nefütalí.51Sun Ísüraelina ha abahüdǘbaña, sisi-sánñanu-aban-milu-sedü-san-darandi wügüriña.
Igaburi lun lafanreinhóun múa
52Aba lariñagun Wabureme lun Moisesi:53—Hádanba gürigia ha lafanreinhóua múa, según átiriñanu lan abürüdǘtiña.54Türibu le wéiritimabei, wéiritimabei lufanran, le ñǘraütimabei, ñǘraütimabei lufanran. Lichugúba lufanran kada türibu lun según abahüdǘni.55Luáguba ubunuruni lafanreinhóua múa. Leresibirubei kada aban lufanran según türibu le ñéingiñe lubéi luéigiñe lúguchi.56Luáguba ubunuruni lafanreinhóua múa dandu hadan ha gíbebaña kei hadan ha míbebaña.Habahüdǘn Lewitagu
57Külán ha lani Lewí ha abahüdǘbaña lidan habahüdün Lewitagu: Ha lani Gerüsón, lani Keatü hama lani Merarí külán.58Külán ha hani Libünáana, hani Ebürónna, hani ladügawagun Malí, hani ladügawagun Musí hama hani ladügawagun Koré, sun hara hani Lewitagu külán.Keatü lúguchibei Amürámü.59Aba lamarieidun Amürámü tuma aban liráü Lewí gíritu Hokawédi, to águrahouboun dan meha le anihagua Lewí Ehiptu. Amürámü tuma Hokawédi, hagía hagübürigubaña Aarón, Moisesi tuma María.60Lirahüñü Aarón: Nadabü, Abiú, Eleasárü luma Itamárü.61Hilaguatiña Nadabü luma Abiú dan le hágudahanbei katei terenchati ligibugiñe Wabureme.62Hadan sun ladügawagun Lewí wügüriña ha ábanti hati hau lun iñun: Wein-ǘrüwañanu-milu. Hagía mabürüdǘntiña hama ha híbiri Ísüraelina lugundun michugúnti alagan houn.63Hagía sun ha labahüdübaña Moisesi luma fádiri Eleasárü lidan fulasu mawübüriti Moabü, lubadu duna Hordán ligibugiñe Herikó.64Hadan sun hagía úati ni aban hádangiñe ha ñéinbaña dan le labahüdünbaliña Moisesi luma Aarón gürigia lidan fulasu mageirawati Sinaí,65ladüga ariñagaali buga Wabureme luagu hóunweguba lan lidan fulasu mageirawati. Meredeti ni aban hádangiñe luéidigia Kalebü le liráü Hefuné luma Hosué le liráü Nun.
Bible Society of Honduras