يعقوب5
شَّرّْ ن تْوَاجَر يضدْجْمن يوْذَان
1يَلَّاهث آ تْوَاجَر، صنّْطث مْلِيح! تْرُوْث، سْغُوْيث خ لْمُصِيبَاث إِي خَاوم د غَا يهْوَان.2أَݣْڒَا نْوم يخْسَر، أَرُّوْض نْوم شِّين-ث ثْكشَّاوِين.3دّْهب نْوم ذ نُّقَارْث نْوم اَرْشَانْت، ثَرْشِيث نِّي اَذ تشْهذ ضد نْوم اَذ تشّ اَيْسُوْم نْوم اَم ثْمسِّي. كنِّيو ثْخزّْنم اَݣْڒَا س وَاطَّاس إِ يِيخف نْوم ذِي ڒْعَهذ-أَ اَنݣَّارُو.4إِيوَا، كنِّيو وَار تْخدْجِيسم شَا يشوَّارن إِي ذَاوم يمجَّارن ذݣ يمَرْجعِيون نْوم، تخْڒِيسث نْسن ثسْغُوْيِو-د تْشثْشَا زَّايْوم. ثْغُوْيّث نِّي ن يشوَّارن يتسْڒَا-يَاس سِيذِي أَربِّـي لْعَلَمِين.5كنِّيو تْعِيشم ذِي دُّنشْت-أَ س وفلّس ذ شّهْوث نْوم. ثْذوْڒم ثْصَاحّم ثْوجْذم اَم يينْدُوْزن ذِي نْهَار نِّي إِي ذِي ذَاسن غَا غَرْصن.6ثْحكْمم خ يِنِّي يدْجَان نِيشَان، ثنْغِيم-ثن بْڒَا مَا ذَاوم عَارّْضن.لَابُد صّْبَار ذݣ وعدّب
7آي أَيثْمَا، صْبَارث اَڒ د غَا يَاس سِيذِيثْنغ. خْزَرث غَار وفدْجَاح مَامّش يتْرَاجَا ثَفدْجَاحْث ن ثْمُوْرْث نّس، ئِتْرَاجَا-ت س يِجّن ن صّْبَار اَڒ غَا يُوْوث ونْࢲَار اَمزْوَارُو ذ ونِّي اَنݣَّارُو.8ؤُڒَا ذ كنِّيو صْبَارث شجّْعث يخف نْوم مِينْزِي سِيذِيثْنغ عْڒَاين اَذ د يعْقب.9آي أَيثْمَا، وَار سَّاوَاڒث شَا ذݣ وَايَاوْيَا حمَا وَار تْوَاعِيقِيبم شَا؛ قَا ونِّي يتحْكَامن يبدّ-د غَار ثوَّارْث.10آي أَيثْمَا، ذْفَارث اَبْرِيذ ن لْأَنْبِيَا يِنِّي إِݣ يسِّيوْڒن س يِيسم ن سِيذِي أَربِّـي نِثْنِي تْوَاعدّْبن صبَّارن.11أَقَا ثسّْنم يِنِّي يصْبَارن نْتحْسَاب-يثن غَارْسن سَّعْذ. كنِّيو ثسْڒِيم خ صّْبَار نِّي ن نَّبِي أَيُوْب، ثسّْنم مَامّش ث يبَرك سِيذِي أَربِّـي ذݣ ونݣَّارُو مِينْزِي سِيذِي أَربِّـي نتَّا ذ اَحْنِين ذ اَرَحِيم.12آي أَيثْمَا، أَقَا مِين يدْجَان مُهِم. وَار تْجَادْجَام شَا س وجنَّا نِغ س ثْمُوْرْث نِغ س شَان ثْمسْڒَايْث نّغْنِي. إِيوَا، خْمِي غَا ثِينِيم وَاه، ئِنِيث وَاه. خْمِي غَا ثِينِيم لَّا، ئِنِيث لَّا. حمَا وَار خَاوم د يهوِّي شَا لْعِقَاب.جّْهذ ن ثْࢲَادْجِيث
13مڒَا ذِين شَان يجّن جَارَاوم يتْوَاعدَّاب، ئِتْخصَّا-يَاس اَذ يࢲَّادْج. مڒَا ذِين شَان يِجّن جَارَاوم يفَرّح، ئِتْخصَّا-يَاس اَذ يغنّج إِ أَربِّـي.14مڒَا ذِين شَان يِجّن جَارَاوم يتْنزْبَار، ئِتخصَّا-يَاس اَذ د يڒَاغَا خ يمقّْرَانن ن جْمَاعْث ن ڒْمُوْمِنِين اَخَاس ࢲَّادْجن اَث دهْنن س زّشْت س يِيسم ن سِيذِيثْنغ.15أُو ثْࢲَادْجِيث نِّي ثنِّي يتْقدَّامن س لْإِيمَان اَذ تسْݣنْفَا ونِّي يدْجَان عِيَّان. سّنِّي سِيذِيثْنغ اَث يسْبدّ. مڒَا يݣَّا ڒْمُعْصِيّث، أَذَاس يغْفَر.16عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس.17تُوْغَا نَّبِي إِلْيَاس نتَّا ذ بْنَاذم اَم نشِّين، ئِتْࢲَادْجَا اَطَّاس حمَا وَار يشِّيث بُو ونْࢲَار. ئِكَّا ثڒْت سْنِين ذ وزْين وَار يُوْوْثِي بُو ونْࢲَار خ ثْمُوْرْث.18منْبَعْد عَاوذ يࢲُّوْدْج، يُوْوْثَا ونْࢲَار خ ثْمُوْرْث ثصْڒَاح ثْفدْجَاحْث نّس.19آي أَيثْمَا، شَان يِجّن زَّايْوم يفّغ اَبْرِيذ ن لْحَقِيقَا. مڒَا يَارِّي-ث-يد شَان يِجّن نّغْنِي، ئِتْخصَّا-كنِّيو ٱذ تسّْنم بلِّي ونِّي إِي ثِيذ يَارِّين زݣ وبْرِيذ نّس ن ڒْبَاطڒ اَتَاف يسنْجم-يث زِي ڒفْنَا نّس اَتَاف اَذ تْوَاغْفَرنْت اَطَّاس ن ڒْمُعْصِيَاث.Wycliffe Bible Translators, Inc.