Tarüa33
1Israeluüa dow siphai hawmh iawng Aigupta pren hownia uang lawt hanow arah huma kowi cham krawi uowila khai. Amatni kowi kruiah mih dow Mosi hai Arawn iüah chekhai.2Aia kowi kowh CHAKRAMANG peah ana iawng Mosi dow tiama rawng kowi kowh amatni cham krawi uowila mih arah ming maten chabowih kowi ruila khai.3Israeluüa uown lawt mih dow Rameses marow hownia chekhai. Amatni lawt mih ni dow Takat Pawi kung kowi kowh auai ni khe chekhai. Nami dow ning uown kowi kowh la uown cher mih laitanga ni khe chekhai. Nami ni khe dow Aigupta maru-uüa maten pur hownia tasen awng khe kowh iawng Israeluüa uang lawt khai.4Nami khin khe Aigupta maru-uüa dow dup amatni kowh chapa ta uak thüm chekhai. Tawngplawng kowchow panow amatni kowh chapa ta kowi dow CHAKRAMANG kowngta pe bowk chekhai, now amatni kowh thuraiuüa kowi paw peah ripra khai.5Rameses marow hownia lawt hanow Israeluüa dow Sukawt pami arah kowi kowkhup tangbung khai.6Sukawt hownia lawt büah hanow amatni dow süngrüp süngkangma ria kowi kowh Etham pami arah kowi kowkhup tangbung khai.7Etham hownia lawt büah hanow Baal-Zephawn satlawt pra kowh Pi-Hawhirawt kowi kowplan büah khai, now Mikdawl re-e kowkhup tangbung büah khai.8Pi-Hawhirawt hownia lawt büah hanow sata Rik paipra pown kowi kowh Etham pami süngrüp süngkangma kowi kowkowi büah khai, now nami süngrüp süngkangma kowi sum ni mang rawng krawi mang büah kung kowi dow Mara pami arah kowi kowkhup tangbung büah khai.9Mara hownia lawt büah hanow Elim pami arah kowi kowkhup tangbung büah khai. Elim pami arah kowi dow tuikuam uowi laipre kuam, now chekmarawng singh uowi 70 singh chekhai.10Elim hownia lawt büah hanow sata Rik re-e kowkhup tangbung büah khai.11Nami kung kowi dow sata Rik ria hownia lawt büah hanow Sin pami süngrüp süngkangma kowi kowkhup tangbung büah khai.12Sin pami süngrüp süngkangma hownia lawt büah hanow Dawpka pami arah kowi kowkhup tangbung büah khai.13Dawpka hownia lawt büah hanow Alus pami arah kowi kowkhup tangbung büah khai.14Alus hownia lawt büah hanow Refidim pami arah kowi kowkhup tangbung büah khai. Nakowi dow akham müa tui uowi dowi chekhai.15Refidim hownia lawt büah hanow Sinai pami süngrüp süngkangma kowi kowkhup tangbung büah khai.16Sinai pami süngrüp süngkangma hownia lawt büah hanow Kibrawt-Hatava kowi kowkhup tangbung khai.17Kibrawt-Hatava hownia lawt büah hanow Hazerawt kowi kowkhup tangbung khai.18Hazerawt hownia lawt büah hanow Ritma kowi kowkhup tangbung khai.19Ritma hownia lawt büah hanow Rimawn-Perez kowi kowkhup tangbung khai.20Rimawn-Perez hownia lawt büah hanow Libna kowi kowkhup tangbung khai.21Libna hownia lawt büah hanow Rissa kowi kowkhup tangbung khai.22Rissa hownia lawt büah hanow Kehelatha kowi kowkhup tangbung khai.23Kehelatha hownia lawt büah hanow Sefar hungh kowi kowkhup tangbung khai.24Sefar hungh hownia lawt büah hanow Harada kowi kowkhup tangbung khai.25Harada hownia lawt büah hanow Makhelawt kowi kowkhup tangbung khai.26Makhelawt hownia lawt büah hanow Tahat kowi kowkhup tangbung khai.27Tahat hownia lawt büah hanow Tera kowi kowkhup tangbung khai.28Tera hownia lawt büah hanow Mitka kowi kowkhup tangbung khai.29Mitka hownia lawt büah hanow Hasmawna kowi kowkhup tangbung khai.30Hasmawna hownia lawt büah hanow Mawserawt kowi kowkhup tangbung khai.31Mawserawt hownia lawt büah hanow Bene-Jakan kowi kowkhup tangbung khai.32Bene-Jakan hownia lawt büah hanow Hawr-Hagidgad kowi kowkhup tangbung khai.33Hawr-Hagidgad hownia lawt büah hanow Jawbatha kowi kowkhup tangbung khai.34Jawbatha hownia lawt büah hanow Abrawna kowi kowkhup tangbung khai.35Abrawna hownia lawt büah hanow Eziawn-Geber kowi kowkhup tangbung khai.36Eziawn-Geber hownia lawt büah hanow Zin pami süngrüp süngkangma kowi kowh Kades marow kowi kowkhup tangbung khai.37Nami kung kowi dow Edawm pren sünghi re-e kowh Hawr hungh kowi kowkhup tangbung büah khai.38Aigupta pren hownia Israeluüa uang lawt mih 40 ning kowi kowh tanga la kowi lacher pani khe CHAKRAMANG peah ana rakowi Hawr hungh luk kowi Arawn dow kowpün khai, now nami hungh kowi aia dow kowng khai.39Hawr hungh kowi Arawn kowng khe aia kowh ning dow 123 ning chekhai.40Nami hungh kowi Israeluüa uowi mih khin khe Arad marow kowi kowh Kananuüa mang dow Israeluüa uaimang mih satang ta khai. Nami mang uowi rah dow Kanan pren mrawkphak prakowi kowh Negeb süng kowi chekhai.41Hawr hungh hownia lawt büah hanow Israeluüa cham krawi uowila mih dow auown khe Zalmawna kowi, nami kung kowi dow Punawn kowi, nami kung kowi dow Awbawt kowi, nami kung kowi dow Moab pren sünghi kowi kowh Ie-Abarim kowi, nami kung kowi dow Dibawn-Gad, nami kung kowi dow Almawn-Diblathaim kowi, now nami kung kowi dow Abarim hungma mawngma kowi kowh Nebu marow re-e chekhai.48Nami kung kowi dow Abarim kowi kowh hungh hownia lawt büah hanow Moab pren kowi kowh dowm nai kowi kowkhup tangbung büah khai. Nami dowm nai dow Jawrdan aw paipra pown kowi kowh Jeriko marow hown tatang klowk chekhai.49Nami khin khe Israeluüa khup tangbung mih dow Jawrdan aw pang kowi kowh Moab pren dowm nai Bet-Jesimawt pami hownia Abel-Sitim pami mowr chekhai.50Jeriko marow hown kowh tatang klowk mih Jawrdan aw pang kowi kowh Moab pren dowm nai kowi Israeluüa uowi khe CHAKRAMANG tek pe Mosi mih, “Mami laiklow Israeluüa kowi kowtek pe diah: Jawrdan aw haipown hanow Kanan pren kowi enni kowkup mih khin khe nakowi kowh maru maten kowi enni naprütta kown. Hua kowi kowh amatni herah mih arup maten hai sawnah mih arup maten enni napiakta pe kown. Nami klen kowi arah kroma mih kowi kowh chupiiara maten paw enni napiakta pe kown.53“Nami kung kowi dow nami pren mih enni napowngta pe hanow nakowi enni nauowi kown. Tawngplawng kowchow panow enni napowngah kownkow nami pren dow ang pe enni mih chekhai.54Nami pren kowi kowh süng maten mih krungchak ahuma mih kowi dow süng paw ahuma enni napeah kown, now krungchak a-echow mih kowi dow süng paw a-echow enni napeah kown. Now chowlowkkow krungchak kowi kowh kimchakuüa uowi rah dow kuak pe plang khe kowh tatawng mih süng kowi nauowi kown takla. Now chowlowkkow krungchakuüa uowi rah süng kowi krungchakuüa naka uowi bowk kown.55“Nachenganchepaw enni che nami pren kowi kowh maru-uüa kowi prütta bowk dowi hanow amatni dow natowk enni ngare kown. Amatni dow enni vüi hut hown taowng khe kowh iawng hai mikpüi khe kowh iawng naown kown.56Nakhowk khe dow amatni kowi ang napiakah kownkow ang kamrütta hüah mih enni luk kowi ang nauang pawla enni kown,” pakhai.
The Seed Company