Uown Thawp11
1Auown khe dow palusama maru-uüa kowh lai pachapchow taih, now laiklow paw katsang chekhai.2Nami maru-uüa mih satlawt prakowi cham süt cham süt hanow Sinar pren kowi kowh anaima mih süng kowi kowtowm büah khai, now nakowi mih chang kret büah khai.3Nakowi uowi büah mih khin khe lowkkowlowk tatek mih, “Chu, i thawp ipbawn lah; maih kowi i awpah hanow akhawtma i changah lah,” pakhai. Now hua takcha dow ipbawn, now thundi hown sakka kam takcha dow alkattra tawngah büah khai.4Nami kung kowi plan tatek büah iawk mih, “Chu, i thawp marow lowk lah, now akro krang kuang kowi tawk pat mih kimkrowng i thawp lowk lah. Nahanow a-i kowh aming anang naiung kown towbowt, now palusama kowi a-i nacham taset tauet kown nadowi bowt,” pakhai.5Now CHAKRAMANG dow maru-uüa thawpah mih marow hai kimkrowng uang mü kownkow uang dowm khai.6CHAKRAMANG tek mih, “Amatni dow achap sang mih maru, now lai paw akat sang chekhai. Naiawng rakowi naiawng mih lup uown chang büah mih chekhai. Nami kung kowi dow amatni nowng changah dowi pami lup tawngpaw nauowi kown nadowi bowt tham lownow.7Naiawng rakowi chu madiah, i kowsam kowi madiah sik. Lowkkowlowk lai natuktala büah dowi bowt kownkow i kowlangta pe lai bowk lah,” pakhai.8Now naiawng CHAKRAMANG changta pe hanow naiawngün maru-uüa dow palusama kowi cham taset plawt khai, now amatni kowh marow hai kimkrowng thawp dow towla büah hüah khai.9Palusama maru kowh laiklow CHAKRAMANG langta pe mih dow nami re-e chekhai. Naiawng rakowi nami re-e kowh arah ming dow Babel pahai rük pe khai. Maru-uüa kowi palusama kowi CHAKRAMANG cham uetah mih dow nami hownia chekhai.10Mami dow Sem krungchakuüa lawnguan chekhai. Tuikling mangma uang mih pre ning kung kowi Sem dow ka chah khai. Achapa ming dow Arpasad chekhai. Nami khin khe aia dow ning 100 chi khai bowt.11Arpasad uang dia kung kowi paw Sem mih singla 500 ning tak chekhai. Nami takra kowi paw aia dow kala chah küng tak chekhai.12Arpasad dow 35 ning chi khe ka chah khai. Achapa ming dow Sela chekhai.13Sela uang dia kung kowi paw Arpasad dow singla 403 ning tak. Nami takra kowi paw aia dow kala chah küng tak chekhai.14Sela dow 30 ning chi khe ka chah khai. Achapa ming dow Eber chekhai.15Eber uang dia kung kowi paw Sela dow singla 403 ning tak. Nami takra kowi paw aia dow kala chah küng tak chekhai.16Eber dow 34 ning chi khe ka chah khai. Achapa ming dow Pelek chekhai.17Pelek uang dia kung kowi paw Eber dow singla 430 ning tak. Nami takra kowi paw aia dow kala chah küng tak chekhai.18Pelek dow 30 ning chi khe ka chah khai. Achapa ming dow Reu chekhai.19Reu uang dia kung kowi paw Pelek dow singla 209 ning tak. Nami takra kowi paw aia dow kala chah küng tak chekhai.20Reu dow 32 ning chi khe ka chah khai. Achapa ming dow Serug chekhai.21Serug uang dia kung kowi paw Reu dow singla 207 ning tak. Nami takra kowi paw aia dow kala chah küng tak chekhai.22Serug dow 30 ning chi khe ka chah khai. Achapa ming dow Nahawr chekhai.23Nahawr uang dia kung kowi paw Serug dow singla 200 ning tak. Nami takra kowi paw aia dow kala chah küng tak chekhai.24Nahawr dow 29 ning chi khe ka chah khai. Achapa ming dow Tera chekhai.25Tera uang dia kung kowi paw Nahawr dow singla 119 ning tak. Nami takra kowi paw aia dow kala chah küng tak chekhai.26Tera dow 70 ning chi khe ka chah khai. Achapauüa ming dow Abram, Nahawr hai Haran büah chekhai.27Mami dow Tera krungchakuüa lawnguan chekhai. Tera kowh chauüa ming dow Abram, Nahawr hai Haran büah chekhai. Haran kowh chapa ming dow Lawt chekhai.28Haran dow aia dia rah Kaldaiuüa pren kowi kowh Ur marow kowi a-pa Tera sing uowi reng tak khe kowng khai.29Abram hai Nahawr iüah dow paw masi khai. Abram kowh masi ming dow Sara, now Nahawr kowh masi ming dow Milka chekhai. Milka hai Iska iüah dow Haran kowh chama chekhai.30Sara dow atingma rakowi ka chah dowi chekhai.31Tera dow achapa Abram, aiaumow Sara hai Haran kowh chapa Lawt büah kowi pawla hanow Kaldaiuüa pren kowi kowh Ur marow hownia lawt khai, now Kanan pren prakowi tarü büah khai. Auown khe dow Haran pape mih marow mowr kowkowi büah khai, now nakowi mih kowuowi büah khai.32Tera dow 205 ning chi khe Haran marow kowi kowng khai.
The Seed Company