Ос13
1Кунам Ефрем тукым ойлен, чылан чытыреныт.Ефрем эрге-влак Израильыште кӱшкӧ нӧлталтыныт,но Вааллан кумалмышт нуным титаканыш луктын,да нуно пытеныт.2Ынде нуно сулыкым шукырак да шукырак ыштат:шкаланышт келшыше статуйым велен ямдылат,шке шийышт гыч шояк юмо-влакым ыштат –нуныжым кидмастар ямдыла.Нуно ойлат: «Кӧ надырым конда,тек ӱшкыж-влакым шупшалеш!» 3Садлан тиде тукым эр тӱтыра гай,вашке кошкышо лупс гай,идым гыч пуал колтымо арва гай,пӧрт гыч лекше шикш гай лиеш.4«Египет мландыште лийме жапет гычакМый тыйын Господь Юмет улам.Мый дечем моло вес юмым тый палышаш отыл,Мый дечем моло вес утарыше уке.5Ир мландыште, кошкышо ир мландыште, лиймет годымМый тыйын верч азапланенам.6Кӱтымӧ верыште улмет годым тый темше лийынат,кочкын теммекет, кугешнаш тӱҥалынатда Мыйым монденат.7Садлан Мый тыланет лев гай лиям,леопард семын тыйым корно воктене ваҥем.8Иге деч посна кодымо ава маска семын ӱмбакет кержалтам,оҥет гыч шӱметым кӱрышт луктам,тушто тыйым лев семын кочкам.Янлык тыйым ужашын кӱрыштеш.9Израиль, тый пытет,вет Мый гына тыйын полышет улам.10Кушто кызыт тыйын кугыжат?Тек тудо тыйым чыла олаштет утара!Кушто улыт судьят-влак, кудышт деч йодынат:”Пуыза мыланна кугыжам да он-влакым”?11Шыдем дене Мый тылат кугыжам пуэнам,кугун сырымем дене тудым вара кораҥденам.12Ефремын осал пашажым кылдышыш кылдыме,тудын сулыкшо аралалтеш.13Йочам ыштышаш ӱдырамашын орлыкшо тудым авалта.Тудо – шонен моштыдымо йоча:шочаш жап шуын, а тудо тореш кия.14Мый нуным вес тӱнян кучемвийже деч утарем мо,колымаш дечын сулен налам мо?Колымаш, кушто тыйын умдет?Вес тӱня, кушто пытарымашет, кудым пеленет кондет?Тетла Мый нуным чаманен ом нал!»15Ефрем иза-шольыж-влак коклаште тӱзлана гынат,эрвел гыч мардеж толеш,Господьын мардежше ир мланде гыч нӧлталтеш:Ефремын памашыже кошка, вӱдшинчаже йомеш.Поянлыкым погымо верже гыч тудочыла шергакан арвержым пуал наҥгая.
Institute for Bible Translation, Finland