Mark3
1अगला बार यहूदी आराम वाला दिन में, यीशु फिन से एगो यहूदी आराधनालय में गेलन। ईहाँ एगो अादमी हलन जेकर हाथ सुखल हल।2फरीसी समाज के कुछ लोग उनका खूब धियान से देख रहलन कि का यीशु, ऊ अादमी के सब्त के दिन में चंगा करतन, काहेकि ऊ उनका कुछ गलती काम करे के दोषी ठहरावे ला चाहऽ हलन।3यीशु ऊ सुखल हाथ वाला अादमी से कहलन, “ईहाँ सभे के सामने खड़ा हो जा!” तऽ ऊ अादमी खड़ा हो गेल।4तऽ यीशु लोगवन से कहलन, “जौन व्यवस्था परमेश्वर मूसा के देलन हल, का ऊ नियम सब्त के दिन में लोग के भलाई करे ला आज्ञा दे हल सही हे, चाहे बुराई करे ला? का ऊ नियम हमनी के आराम वाला दिन में लोगवन के जिनगी बचावे के आज्ञा दे हे, कि ऊ हमनी के कोई अादमी के मदत करे से नकारे आउर उनका मरे ला आज्ञा दे हल?” बाकि ओखनी जबाब नऽ देलन।5ओखनी गोस्सा से भर के चारो बगल उनका पर नजर करलन। ऊ येहिगुने मन में उदास हो गेलन कि ऊ लोग हठीला हलन आउर ऊ अादमी के मदत करे ला नऽ चाहऽ हलन येही से, यीशु, ऊ अादमी से कहलन, “अपन हाथ बढ़ावऽ!” जखनी ऊ अादमी अपन सुखल हाथ बढ़ईलन, तऽ ऊ फिन से चंगा हो गेलन!6फरीसी सभास्थल से चल गेलन। ओखनी तुरन्त कुछ यहूदियन से मिललन जे हेरोदेस अंतिपास के साथ देलन, जे गलील क्षेत्र पर शासन करलन हल। ओखनी मिल के योजना बनईलन कि ओखनी यीशु के कईसे मार सकलन हे।7यीशु आउर उनकर चेलवन नगर से निकल के गलील के झील भीर वाला जगह में चल गेलन। लोगवन के एगो बड़का भीर उनकर पीछे-पीछे चलल आ रहल हल। जौन लोग उनकर पीछे-पीछे चलल आ रहलन हल ऊ गलील आउर यहूदिया प्रदेशवन से,8यरूशलेम नगर से, इदूमिया के इलाका से, यरदन के पूरब के प्रदेश से, आउर सोर आउर सीदोन नगर के अगल-बगल के नगर से अईलन हल। ऊ सभे लोग यीशु भीर येही से अईलन हल काहेकि ऊ कईसे यीशु अचरज के काम कर रहलन हल ओखनी ओकर बारे में सुनलन हल।9काहेकि ऊ बड़ी के चंगा करलन हल, येहिगुने दोसरा लोग के जेकरा तरह-तरह के बेमारी हल उनका छुये लागी आगे झपट हलन। ऊ विश्वास करऽ हलन कि जदि ऊ उनका खाली छू लेतन, तऽ ऊ छुअल गेल ही उनका ठीक कर देत। येही से ऊ अपन चेला से कहलन कि ऊ उनका लागी एगो छोटा नाव के तईयार रखतन ताकि जब लोग उनका छुये लागी आगे झपटतन तऽ ऊ उनका कुचल नऽ देतन।11जब भी अशुद्ध आत्मावन यीशु के देखलक, तऽ ओखनी ऊ लोग के यीशु के आगे पटक देलक जौन ओकर वश में हल आउर उनका पुकार के कहलन, “तूँ परमेश्वर के बेटा हऽ!”12यीशु मजबूती के साथे दुष्टात्मा के आज्ञा देलन कि ऊ कोई से नऽ कहतन कि ऊ कौन हथन।13यीशु पहाड़ पर चल गेलन। ऊहाँ ऊ उनका बोलईलन जेकरा ऊ अपने साथे ले जाय ला चाहऽ हलन आउर ऊ उनकर पीछे-पीछे चललन।14तब ऊ बारहगो प्रेरित के रूप में ऊ अपना साथे यात्रा करे लागी बारह चेला के ठहरईलन, जिनका ऊ प्रचार करे लागी भी भेजलन। ऊ उनका अपन खास प्रेरित कह के पुकारलन।15ऊ ओखनी के लोगवन में से दुष्टात्मा के निकासे ला लागी अधिकार आउर सामर्थ भी देलन।16आउर यीशु 12 चेला के नियुक्त करलन। ऊ शमौन के चुन के उनकर एगो नया नाम, पतरस रखलन।17आउर पतरस के साथे, यीशु जब्दी के बेटा याकूब, आउर याकूब के भाई यूहन्ना के भी नियुक्त करलन। ऊ, ऊ दूनो के भड़कते जोश के चलते नया नाम बुअनरगिस रखलन, 'अईसन अादमी जे कि गर्जन के जईसन हाल';18आउर ऊ अन्द्रियास, फिलिप्पुस, बरतुल्मै, मत्ती, थोमा, आउर हलफई के बेटा याकूब के चुनलन; आउर ऊ तद्दै, शमौन जेलोतेस,19आउर यहूदा इस्करियोती के चुनलन जे बाद में उनका पकड़वा देलन हल।20यीशु आउर उनकर चेलवन एगो घर में गेलन। जहाँ ऊ रुकल हलन ऊहाँ फिन से भीड़ जमा हो गेल। उनकर अगल-बगल बड़ी लोगवन भीड़ लगा देलक। ईहाँ तक कि उनका आउर उनकर चेलवन के खाना खाय के भी समय नऽ मिलल।21जब उनकर रिश्तेदार एकर बारे में सुनलन, तऽ ऊ उनका अपने साथे घरे ले जाय ला अईलन, काहेकि कुछ लोग कह रहलन हल कि ऊ पागल हथन।22यहूदी शास्त्री कुछ अादमी यरूशलेम नगर के पहाड़ के नीचे अईलन। ओखनी सुनलन कि यीशु लोगवन में से दुष्टात्मा के निकल जाय ला मजबूर करऽ हथन। येही से ऊ लोगवन से काहे लगलन, “यीशु दुष्टात्मावन पर शासन करे वाला बालजबूल दुष्टात्मावन के सरदार हथन। ओही हे जौन यीशु के लोगवन में से दुष्टात्मावन के निकले ला मजबूर करे के शक्ति दे हथन!” 23येही से यीशु ऊ आदमियन के अपना भीर बोलईलन। यीशु दृष्टान्त में बात करलन आउर कहलन, “शैतान ही शैतान के कईसे निकास सकल हे?”24जदि एक ही राज में रहे वाला लोग एक दोसरा के विरोध में लड़तन, तऽ उनकर राज एगो एकता के देश नऽ रहत।25आउर एक ही घर में रहे वाला लोगवन अपने में लड़तन, तऽ सच में ऊ एगो परिवार के रूप में एक साथे नऽ रह पईतन।26ओईसहीं, जदि शैतान आउर ओकर दुष्टात्मा अपने में लड़ रहलन होत, तऽ शैतान मजबूत होवे के बदले, कमजोर हो जायेत।27कोई भी आदमी कोई बरियार के घर में घूँस के उनकर सम्पति के तब तक नऽ ले सकत, “जब तक कि ऊ पहिले ऊ बरियार अादमी के बाँध नऽ लेत। खाली तबहिये ऊ, ऊ अादमी के घर के समान के चोरा सकऽ हथन।”28यीशु लोग के ई भी कहलन, “ई सच बात पर गौर कर के विचार करऽ! लोग शायद केतना तरह से पाप करतन, आउर शायद ऊ परमेश्वर के बारे में निन्दा करतन, तईयो परमेश्वर उनका मांफ कर सकऽ हथन।”29बाकि जदि कोई आदमी पवित्र आत्मा के बारे में निन्दा के बात के बोलऽ हे, “तऽ परमेश्वर उनका कहियो मांफ नऽ करतन। ऊ लोग हमेशा लागी पाप के दोषी ठहरत।”30यीशु उनका से ई येही से कहलन, काहेकि ऊ लोग कह रहलन हल, “ऊ कोई अशुद्ध आत्मा के वश में हथन!”31जहाँ यीशु शिक्षा दे रहलन हल, ऊहाँ यीशु के माय आउर छोटका भाई-बहिन अईलन। जौन घड़ी ऊ बाहरी खड़ा हलन, ओखनी कोई के भीतर भेजलन कि यीशु के उनका भीर आवेला कहऽ।32यीशु के चारो तरफ एगो भीड़ बईठल हल। ओकरा में कुछ उनका से कहलन, “सुनऽ! तोर माय आउर छोटका भाई-बहिन बाहरी हथन। ऊ तोर से मिले ला चाहऽ हथन।”33यीशु उनका से पूछलन, हमर माय कौन हथन? हमर भाई-“बहिन कौन हे?”34जौन उनकर साथे बईठल हलन उनका पर चारो ओर देखे के बाद, ऊ कहलन, “ईहाँ देखऽ! तूँही हमर माय आउर हमर भाई-बहिन हऽ।35काहेकि जे लोग ऊ काम करऽ हथन जौन परमेश्वर चाहऽ हथन, ओही हमर भाई, हमर बहिन, आउर माय हथन!”
Bridge Connectivity Solutions Pvt. Ltd.