Judges13
1ऊ दिन, इस्राएली यहोवा के नजर में ओही बुराई करते रहलन, एही चलते यहोवा ओखनी के पलिश्ती लोग के अधिकार में चालीस साल तक कर देलन।2ऊ घड़ी, दान के कुल में से सोरा वासी एगो आदमी हल, आउर उनकर नाम मानोह हल। उनकर मेहरारू बांझ हल, आउर ऊ कहियो औलाद के जनम नऽ दे हल।3एक दिन, यहोवा के दूत ऊ औरत के दर्शन दे के कहलन, देखऽ, तूँ बांझ हऽ, आउर तोर औलाद नऽ होल हे, बाकि तूँ गर्भवती होवऽ, आउर तोरा से एगो बेटा जनम लेत।4अब ई बात के ध्यान में रखऽ, कि तूँ कहियो दाखमधु चाहे मदिरा नऽ पिहऽ, आउर नऽ कोई अशुद्ध चीज खईहऽ।5पक्का तूँ गर्भवती होवऽ आउर तोरा एगो बेटा जनम लेत। उनकर माथा पर अस्तूरा नऽ चलावल जायत, काहेकि ऊ लईका गर्भ से ही परमेश्वर के नाजीर होत। ऊ इस्राएली लोग के पलिश्ती लोग के हाथ से छुड़ावे लागी सुरु करतन।6तब ऊ औरत भीतरे अईलन आउर अपन मरद के समझा के कहलन, "परमेश्वर के जन हमरा भीर अईलन हल। उनकर रूप परमेश्वर के दूत के जईसन आउर बड़ी डरावना लगऽ हल, येहिसे हम उनका से नऽ पूछली कि ऊ कहाँ से अईलन हे? बाकि ऊ अपन नाम नऽ बतईलन।7तब ऊ हमरा कहलन, पक्का तूँ गर्भवती हऽ, आउर तोरा से एगो बेटा जनम लेत। येहिसे अब तूँ दाखमधु चाहे मदिरा नऽ पिहऽ, आउर कोई अशुद्ध चीज नऽ खईहऽ, काहेकि ऊ लईका गर्भ से लेके मरे के दिन तक परमेश्वर के नाजीर रहतन।"8तब मानोह यहोवा से प्रार्थना कईलन, आउर ऊ कहलन, हे हमर प्रभु, परमेश्वर के जौन जन के तूँ भेजलऽ हल ऊ हमरा भीर फिन से अईतन, ताकि ऊ हमरा सिखइतन कि हमरा ऊ लईका लागी का-का करे के चाही जौन जनम होवे वाला हे।9सच्चा परमेश्वर मानोह के बात सुनलन, आउर जब ऊ औरत मैदान में बैठल हलन, तब परमेश्वर के दूत फिन से उनका भीर अईलन। बाकि उनकर मरदाना मानोह उनका साथे नऽ हलन।10तब ऊ औरत झट से दौड़लन, आउर अपन मरदाना के खबर देलन, आउर उनका से कहलन, देखऽ!, ऊ आदमी हमरा फिन से देखाई देलन हे जौन ऊ दिन हमरा भीर अईलन हल!11तब मानोह उठलन, आउर अपन औरत के पीछे-पीछे गेलन। जब ऊ, ऊ आदमी भीर अईलन, “का तूँ ओही आदमी हऽ जौन ई औरत से बात कईलऽ हल?” ऊ उत्तर देलन, “हमहीं ही।”12तब मानोह कहलन, अब तोर वचन पूरा हो जाय। लईका आउर उनकर काम लागी कौन काम कईसन होत।13यहोवा के दूत मानोह के उत्तर देलन, जौन कुछ हम ऊ औरत से कहली हे, एकरा ऊ खुदे ध्यान रखतन।14जौन कुछ दाख के लत्तड़ से पईदा होवऽ हे ओकरा ऊ नऽ खईतन। ऊ दाखमधु चाहे मदिरा नऽ पियतन, आउर नऽ कोई अशुद्ध चीज खईतन। जौन कुछ हम उनका आज्ञा देली हे, ऊ उनका जरुर माने के चाही।15तब मानोह यहोवा के दूत से कहलन, हम तोरा रोक लेम, एहिगुने कि तोरा ला हम बकरियन में से एगो बढ़िया बच्चा के पका के तईयार करम।16यहोवा के दूत मानोह के उत्तर देलन, चाहे तूँ हमरा केतनो रोकले रहवऽ, तईयो हम तोर रोटी नऽ खायम। बाकि जदि तूँ यहोवा लागी होमबलि तईयार करे ला चाहऽ हऽ, तऽ ओकरा चढ़ा सकलऽ हे। काहेकि मानोह नऽ जानऽ हलन कि ऊ यहोवा के दूत हथन।17तब मानोह यहोवा के दूत से कहलन, तोर नाम का हे, कि जहिया तोर वचन पूरा होवत, तऽ हम तोरा मान-मरयादा कर सकम?18यहोवा के दूत उनका उत्तर देलन, तूँ हमर नाम काहे पूछऽ हऽ?, बाकि ई तोर समझ से बाहर हे।19मानोह बकरियन में से एगो जवान बच्चा के भेंट लेलन, आउर यहोवा लागी चट्टान पर बलि चढ़इलन। एही बीच में ऊ दूत अचरज काम करही वाला हलन, जखनी मानोह आउर उनकर मेहरारू देखते रह गेलन। 20आउर अईसन होल, कि लौ वेदी पर से आसमान दने उठ गेल, आउर मानोह आउर उनकर मेहरारू के देखते ही यहोवा के दूत वेदी के लौ के बीच में चढ़ गेल। नतीजा ई होल कि ऊ मुंह के बल धरती पर गिर पड़लन।21बाकि यहोवा के दूत मानोह आउर उनकर मेहरारू के फिन कहियो देखाई नऽ देलन। तब मानोह के मालूम होल कि ऊ यहोवा के दूत हल।22मानोह अपन मेहरारू से कहलन, पक्का हम मर जायम, काहेकि हम परमेश्वर के देखली हे! 23बाकि उनकर मेहरारू उनका उत्तर देलन, जदि यहोवा हमरा मार देवे ला चाहतन हल, तऽ समूचे होमबलि आउर अन्नबलि आउर भेंट के हमर हाथ से गरहन नऽ कर लेतन हल। ऊ हमरा ई सभे बतिया नऽ दिखईतन हल, आउर नऽ ई घड़ी हमरा ई बात सुने देतन हल।24तब ऊ औरत कुछ महीना के बाद एगो बेटा के जनम देलन, आउर ओकर नाम शिमशोन रखलन। लईका जब बड़गो होल तब यहोवा आशीर्वाद देलन।25अब यहोवा के आत्मा सोरा के बीच आउर एश्ताओल के बीच महनेदान में ओकरा पर असर छोड़े लगलन।
Bridge Connectivity Solutions Pvt. Ltd.