2 Thimothi3
1Koga ukuwhisise kuti mumahhuba ebupelo kowhohha lubaka gunolema.2Ngobe banhu banowhoba nekuzwida, banoda mari kwazo, banozwibudza, banozwikudza, bonolebeleka nebamwe nezila yakayipa, basingawhilile bazwadzi babo, basingaboke, basakayengemala,3basina ludo nebam'we, basina mazwibhatigwa kubam'we, banogala benyeya, basina mazibhato, banohlisa, banobenga tjakanaka,4batengesi, bahhele busada, banozwibudza kwazo, banoda zwihanhisa kupinda da Ndzimu.5Banoyedzelelela kuhhe sebanonamata, koga beleyana nemasimba ako. Thubukana nebanhu bakajali.6Bamwe babo banongina mumizi yebanhu betola bakadzi basakazwibhata banokuligwa nematjinyo belawugwa nenjemulo mbi dzakasiyana siyana,7bakadzi ibabo banogala bediyiwa koga besingaswike pakuziba lebeswa.8SaJanisi naJamburesi baka kakabadzana naMozisi, balume ibaba bo banoleyana nemalebeswa, banhu banamikumbulo isingahinge, basina bhatsho hapa kwakalingisana nekwebugalimoyo.9Koga abangaswike kule, ngobe bulengwe gwabo gowhobhuda patjena kunhu wose sekwakayetika kuna Janisi naJamburesi.10Iwe wakatobela diya kwangu, nezwibhata kwangu, netjinangwa tjangu mubutjilo, negalamoyo kwangu, nemoyonlefu wangu, neludo gwangu, nesimidzila kwangu,11nedziyidziwa kwangu, nedziyila kwangu, noziba zwakandiwila ndili kuAntiyoku, kuIkhoniyamu, nekuLisitira, dziyidziwa kwakayetika kundili! Koga muna iko kose He bakandiwangula.12Lebeswa bose banoyemula kuti batjile butjilo gwehla Ndzimu muna Khirisitu Yesu banowhodziyidziwa,13nebanhu bakayipa nebatjengeli banowhoyendilambeli mububi, betjebela kakale betjebegwa bo.14Koga iwe yendilambeli uli muna kwawakadiyika, kakale ukakugalamoyo, noziba kuti wakakudiyiwa naboyani,15nekuti kubvisila mubutjetjana gugo wakaziba whalo dzakayengemala dzinotubula kudiya butjenjebvu gunotungamila kutjidziwa ngebugalimoyo muna Khirisitu Yesu.16Gumwe negumwe lukwalo gwakafemegwa neNdzimu kakale gobhatsha pakudiya, pakutjemela, pakutambunudza, kakale nepadiya lulama17kuti nhu weNdzimu abe wakapelela, akazwilulamisila umwe newumwe n'hingo wakanaka.
The Word for the World International