2 Thimothi2
1Iwe ke nkololo wangu sima mungoni dzimunaKhirisitu Yesu,2kakale kose kwawakawha kubva kundili mbeli kwebasupi banjinji ukupindisile kubanhu banogalikabgwe banowhotubula diya bamwe.3Dziyila bo senghwi mbuya wengwa waKhirisitu Yesu.4Akuna nghwi wengwa umun'hingo unozwimanikanya nezwinhu zwebutjilo gwemahhuba ose, ngobe unoba ehaka hanhisa iwhoya wakawumpa n'hingo wekuti abe nghwi wengwa.5Nlabuki atopiwa tjiyala kuhhe kwekuti alondolodza milayo yelabuka.6Nlimi unohinga zwakabangalala ndiye wakafanila tanga wana gobe lezwidlo.7Ukumbule nekwetjandinoleba, ngobe He unowhokuyeta ukawhisisa tjimwe netjimwe.8Alakana Yesu Khirisitu, weludzi gwaDavida, kakale wakamuka kubafi sekwakunosumikigwa mundebo mbuya yangu,9ndebo mbuya yandinodziyilila kakale yandakasungigwa nemiketane sembobola mbi. Koga dama leNdzimu alizosungiwa.10Ndizo ke ndodzikitidza muzwinhu zose ndiyetila bakahalugwa, kuyetila kuti nayibo bo bawane tjidziwa muna Khirisitu Yesu iko kunohhisa gudzo lisingapele.11Iyeyi ndebo inogalikabgwe“Hapa takafa naye,towhotjila naye.12Hapa tidzikitidza,towhotonga bo naye.Hapa tiwunlandula,iye bo unowhotilandula.13Hapa iswi tisingagalikemoyo,iye unogala egalikamoyongobe iye atotubula zwilandula.”14Ubakumbudze ikoku, ubatjemele mbeli kweNdzimu, kuti baletjedze kakabadzana nekwematama ngobe akuna tjakunobhatsha, koga kopaladza ibabo banowha.15Uzwipile nemasimba awo wose kuti uzwilakidze kuNdzimu sewakawamutjigwa, n'hingi usina honi nen'hingo uwe, unobhata zwibuyanana dama lemalebeswa.16Galila kule nelebeleka kusinajidzo kuna hambgwa, ngobe koyeta banhu bakahhala sahla Ndzimu.17Kakale zwilebo zwabo zopembela selonda lisingalapike. Bamwe babo ndiHhemenasi naFiletasi,18bakathewuka mulebeswa bakabhatilila mundebo inoti muka kubafi kwakatjiyetika. Banotjinya galamoyo kwebamwe.19Koga mbviwa yeNdzimu yakasima ayitotsheduka, payili kwakakwagwa kuti, “He unoziba banhu babe,” nekuti “Wose unodana zina laHe wakafanila siyana nekusalulama.”20Mun'umba yemfumi akuna zwidla zwezeezi nezwidla zwesiliva koga, koga kuna zwidla zwekuni, nezwimwe zwakabumbiwa nentapwe, nezwimwe zwinohingisiwa hapa kuna n'hingo unatjilemela, nezwimwe zwinohinga mahhuba ose kusina n'hingo unatjilemela.21Hapa nhu ezwitjenesa muzwinhu zwisina tjilemela unowhobe tjidla tjinohingisiwa hapa kulin'hingo unatjilemela, tjidla tjakatjena tjinobhatsha kumweni wenzi, tjakalulamila kene upi n'hingo wakanaka.22Ndizo ke siyana nenjemulo mbi dzebuhhuhha unange kululama, bugalimoyo, ludo, nekunyalala panhu pan'ompela nebanonamata He ngemoyo wakatjena.23Iba kule nekakabadzana kwebulengwe kusina nkumbulo, ngobe noziba kuti komusa hhoba.24Nlanda waHe azofanila kuti abenhu wehhoba koga abenhu unabunhu kunhu wose, unotubula diya kakale abe nemoyo nlefu,25etambunudza bose banoleyana naye ngekutebama. Pamwe swiyo Ndzimu engabapa nkoba kuti bahanduke batubule ziba lebeswa,26kakale kuti baswike pawhisisa bapudzumuke mudati laSatane, hule kwekuti abatola kuti anobayetisa kuda kukwe.
The Word for the World International