قٲضؠ6
1اسرائیل یو کوٚر بیٚیہِ تی یتھ یہُوواہنؔ کۅ کار ووٚن۔ اوے أنؠ أمؠ مدیٲنؠ لوٗکھ یِمن پٮ۪ٹھ وۅگلِتھ یِمن پٮ۪ٹھ ستن ؤرین راج تاج کرنہِ۔2یِمو مدیٲنیٚو کوٚر تیُتھ ویکھُت ویوہار یِمن ارسٲییلین سٟتؠ زِ تِم ژٔلؠ کوٚہن بالن کُن۔ اتہِ بناوِ تِمو گوٚپھن غارن منٛز پننہِ محفوظ جایہِ۔3امہِ وقتہٕ ییٚلہِ اسرائیلی فصل ووان ٲسؠ پننٮ۪ن کھہَن منٛز مدیٲنؠ، عمالیقی تہٕ مشرقی لوٗکو کوٚر اسرائیل ین پٮ۪ٹھ حملہٕ۔4تِمو دِتؠ اتھ علاقس منٛز پنٕنؠ خٟمہٕ تہٕ جنوبس منٛز دوٗر غزہ تام کوٚرُکھ یہُنٛد فصل بُرباد۔ تِمو تروو نہٕ اسرائیل یو باپتھ پرھ کُن کہین کھیٚنہٕ باپتھ، تِم ژٔلؠ یِمن تیر، چاروٲے تہٕ خر تام ہٮ۪تھ۔5تِم وٲتؠ اسرائیل واپس پنٕنؠ خٟمہٕ تہٕ تیر گُپن ہٮ۪تھ۔ تِمَو منٛز ٲسؠ تِم سٮ۪ٹھا یِم پننٮ۪ن اونٹن پٮ۪ٹھ سوار ٲسؠ گٔمٕتؠ زِ کانٛہہ تہِ ہیٚکہِ نہٕ یِمن شُمار کٔرِتھ۔ تِم رودؠ اتہِ تاکہِ تِم ہیکن اسرائیل ین ہُنٛد کھٮ۪نُک سامان برباد کٔرِتھ۔6مدیٲنؠ لوٗکو نیٚو الہٕ پلہٕ تہِ سورےٕ یہِ اسرائیل ین اوس۔ اوے کوٚر چھیکرس اسرائیل یو یہُوواہسؔ زارٕ پارٕ پننہِ مدتہٕ باپتھ۔7ییٚلہِ اسرائیل یو یہُوواہسؔ زارٕ پارٕ کوٚر پننہِ مدتہٕ باپتھ تمہِ باپتھ یہِ مدیٲنؠ لوٗکو تِمنس سٟتؠ کوٚر،8یہُوواہنؔ سوز تِمن اکھ نبی، یمؠ ونُکھ، "اسرائیلُک خدا یہُوواہؔ چُھو ونان۔ مےٚ أنؠ تہنٛدؠ جد اجداد کٔڈِتھ مِصرٕ منٛزٕ تِمو جایو پٮ۪ٹھٕ ییٚتہِ توٚہؠ غلام ٲسِو۔9مگر مےٚ أنؠ تِم بچٲوِتھ مِصرٕ کیٚو حٲکمو تہٕ باقیٚو نِش یِمو تِم پِسرٲنؠ مٕتؠ ٲسؠ۔ مےٚ کٔر ملک بدر تُہنٛدؠ دشمن تہٕ سۅ زمین دِژمو توٚہہِ۔10مےٚ ونُو توٚہہِ تہٕ تہنٛدٮ۪ن اجدادن تہِ، "بہٕ چُھس تُہنٛد خدا یہُوواہؔ۔ توٚہؠ چُھو وۅنؠ امورؠؔ ین ہنٛدِس زمینس منٛز۔ مگر توٚہہِ پزن نہٕ تِم دیوتا پوزٕنؠ یِمن تِم پوٗزان ٲسؠ یتھ زمینس منٛز یتہِ وۅنؠ توٚہؠ روزان چُھو۔ وۅنؠ گوو توٚہؠ ما رودِو مےٚ تابعدار۔"11اکہِ دوٚہہ گوو ظٲہر یہُوواہؔ سُنٛد فرشتہٕ تہٕ بیوٹھ عُفرہؔ قصبس منٛز أکِس بٔڈِس بلوط کِس کُلِس تل یُس ابیعزریؔ خاندانکِس یُواسؔ سُنٛد اوس۔ یُواسؔ سُنٛد نیٚچو جِدعونؔ اوس چُھمبان کٕنکھ أکِس کھٔو منٛز۔ یتھ منٛز یِم شراب بناونہٕ باپتھ دچھِ رس کڑان ٲسؠ۔ سُہ اوس اتہِ کٕنکھ چُھمبان ژوٗرِ ژوٗرِ تاکہِ یہِ روزِ مدیٲنؠ لوٗکن نِش تہِ ژوٗرِ۔12یہُوواہؔ گوو جِدعونسؔ نِش تہٕ ووٚننس، "ہے عظیم جنگجو، یہُوواہؔ چھُے مدتس یِنہٕ وول۔"13جِدعوننؔ ووٚنُس اور، "جناب یوٚدوے یہُوواہؔ اسہِ مدتس آسہ ہے، یہِ بد حالت کیازِ ولہ ہے اسہِ نال۔ اسہِ بوز تِمن سارنےٕ معجزن متعلق یمہٕ یہُوواہنؔ سانیٚو اجدادو باپتھ کرِ۔ اسہِ بوز لوٗکھ یِتہِ ونان زِ تٔمؠ کِتھہٕ پٲٹھؠ أنؠ مۅکلٲوِتھ تِم مِصرٕ منٛز غلامی نِش۔ مگر وۅنؠ چھِ أسؠ یہُوواہنؔ اورؠ ترٲوؠ مٕتؠ تہٕ اسہِ پٮ۪ٹھ چھِ حٲکم مدیٲنؠ لوٗکھ۔14یہُوواہؔ پھیور أمِس کُن تہٕ ووٚننس، "ژےٚ چھی پانس زور اسرائیلی مدیانیو نِش بچاونہٕ باپتھ۔ بہٕ چُھستھ ژٕ یہِ کرنہٕ باپتھ سوزان۔"15جِدعونؔ وتھُس یورٕ، "مگر میانہِ خداوند، بہٕ کِتھہٕ بچاوکھ اسرائیلی۔ منسیؔ قبیلہٕ منٛزٕ درامُت میون خاندان چُھ سارے قبیلہٕ منٛزٕ چھۅنےٕ تہٕ پننِس ٹبرس منٛز چُھس بہٕ ساروے کھۅتہٕ پتھ تہٕ بوٚن۔"16یہُوواہنؔ ووٚنُس، "بہٕ کرے مدد۔ اوے دِکھ ژٕ مدیٲنؠ لشکرس شکس زنتہٕ آسکھ ژٕ أکسےٕ نفرس سٟتؠ لڑان۔17جِدعونن وۅنُس یورٕ، "یوٚدوے ژٕ مےٚ پزی مہربان چھُکھ، تیٚلہِ کر تہٕ مےٚ سٟتؠ تیوٚتھ ہیٚو زِ مےٚ بیٚہہِ کتھ کرن وول چُھ پزی یہُوواہؔ۔"18مگر یُتھنہٕ یتہِ ڈلکھ یوٚتام نہٕ بہٕ واپس پھیرِتھ ژےٚ پنُن تحفہٕ دِمے۔ یہُوواہنؔ دِتھس جواب، "رُت گوو۔ بہٕ روزٕ یتی یوٚتام ژٕ واپس یِکھ"19جِدعونؔ دوریو گرٕ کُن۔ تٔمؠ مٲر اکھ لٲو مٔنٛگٕر تہٕ رٔنِن۔ پتہٕ بناوٮ۪ن زتووٕہن کِلون خمبیرٕ ورٲے ٲٹِس ژوچہِ پتہٕ تلُن روٚنمُت ماز أکِس ٹوکرِ منٛز تہٕ امیُک رس تلُن الگ بانس منٛز تہٕ انن یہُوواہسؔ نِش۔ یُس کُلِس تلہٕ کنہِ اوس بیٚہِتھ۔20ادٕ ووٚنُس خدایہِ سٕنٛدؠ فرشتن، "یہِ ماز ژوٚٹ تھاو پلس پٮ۪ٹھ، یہِ رس تراوُس پٮ۪ٹھ۔ "جِدعوننؔ کوٚر بالکل یی۔21پتہٕ آو یہُوواہؔ نکھہٕ تہٕ دِتُن اتھ ماز ژۅچہِ پننہِ اتھہٕ کہِ عصا سٟتؠ چُھو۔ پلہٕ منٛزٕ درایہِ نارٕ بریہہ تہٕ زٲجِن یہِ ماز ژوٚٹ یۅسہ جِدعوننؔ أنؠ مٕژ ٲس۔ أتھؠ سٟتؠ گوو یہُوواہؔ غٲب۔22ییٚلہِ جِدعوننؔ یہِ ژٮ۪تروو زِ یہِ اوس پزی یہُوواہؔ یُس أکِس فرشتہٕ سنٛزِ کایہِ منٛز ظٲہر اوس گوٚمُت تہٕ کٔرن أمِس سٟتؠ کتھ تٔمؠ دِژ کریکھ۔ ہے یہُوواہؔ۔ مےٚ وُچھُکھ ژٕ دیدمان۔ ژےٚ ٲسےٕ فرشتہٕ سنٛز کایے۔ بہٕ مرٕ یقیناً۔23مگر یہُوواہنؔ دِتُس آلو تہٕ ووٚننس، "کھوٚژ مہٕ۔ ژٕ مرکھ نہٕ۔"24پتہٕ کھول أتھؠ جایہِ جِدعوننؔ اکھ قربان گاہ یہُوواہسؔ اتٮ۪تھ پوٗزنہٕ باپتھ۔ تٔمؠ کوٚر اتھ ناو یہُوواہؔ سلوم یہُوواہؔ چُھ امن۔ یہِ قربان گاہ چھےٚ وُنہِ تہِ أتی عُفرہ سریہ منٛز ابیعزریؔ زمینہِ منٛز۔25امہِ رٲژ ووٚن یہُوواہنؔ جِدعونسؔ، "اکھ دویم بہترین دانٛد ژار پننس مٲلؠ سنٛدِ منٛزٕ۔ دانٛد یُس ستتھ وۅہُر آسہ تہٕ پننِس مٲلؠ سُنٛد بعلؔ دیوتا سنٛدِ پزِ باپتھ بنوومُت قربان گاہ وال سٟتؠ ژھٮ۪ن رٔٹِتھ یسیرت دیوی ہُنٛد پوزایہ باپتھ تھمب تہ یس اتی چُھ۔26پتہٕ کھال اکھ کَنیٚو قربان گاہ میانہ، پننِس خدا یہُوواہؔ سنٛزِ عبادتہٕ باپتھ یتھ بالہٕ ٹینگہِ پٮ۪ٹھ۔ پانہٕ ژٹمتہِ سِیسرت دیوی ۂنٛدِ تھمبچ لکٕر ان تہٕ زال نار یہِ دانٛدٕ سُنٛد ماز مےٚ ہدیہِ کرنہٕ کِنؠ۔27اوے کوٚر جِدعوننؔ تہٕ تسنٛدیٚو دہَو نوکرو یی یہِ یہُوواہنؔ حکم کوٚرُکھ۔ مگر تِمو کوٚر یہِ رات کیُت تکیازِ سُہ اوس کھوٚژان زِ ٹبرٕکؠ باقےٕ نفر تہٕ سریہ ہنٛدؠ لوٗکھ کیا کرن تس سٟتؠ یوٚدوے تِمن پے لگہ زِ أمؠ کیا چُھ کوٚرمُت۔28دوٚیمہِ دوٚہہ صُبحٲے یُتھےٕ لوٗکھ ہٮ۪تِن نٮ۪نٛدرِ وۅتھٕنؠ، تٔمؠ وُچھ زِ بعلؔ دیوتا سُنٛد قربان گاہ چُھ پھُٹہٕ پھراٹہٕ تہٕ سِیسرتہِ ہُنٛد تھمب چُھ غٲب۔ تِمو وُچھ اتہِ نوو قربان گاہ تہٕ اتھ پٮ۪ٹھ اوس دانٛدٕ سٕنٛدِ قربٲنی ہُنٛد نشانہٕ۔29لوٗکھ لٔگؠ اکھ أکِس پرژھنہِ، "یہِ کوٚر کٔمؠ:" ییٚلہِ تِمو دٔچِھنؠ کھووٕرؠ زٲلؠ دِتؠ، کٔمؠ تام ونُکھ زِ یہِ چُھ یُواسؔ سُنٛد نیٚچو جدعونؔ یمؠ یہِ کوٚر۔30سریہ ہنٛدیٚو لوٗکو ووٚن یُواسسؔ۔ انُن پنُن نیٚچو یورؠ۔ سُہ پزِ قتل یُن کرنہٕ تکیازِ تٔمؠ وول سٲنِس دیوتا بعلؔ سُنٛد قربان گاہ تہٕ ژوٚٹُن سِیسرتہِ ہُنٛد تھمب یتہِ أسؠ پوٗزا ٲسؠ کران۔31مگر یُواسنؔ ووٚن تِمن یِم تس خلاف ٲسؠ، "توٚہؠ چُھو بعلؔ سُنٛد دفاع کران؟" توٚہؠ چُھو تسُنٛد مسلہٕ تُلان سُہ کانٛہہ تہِ یُس بعلؔ سُنٛد پوٚکھ رٹہِ گژھِ صُبحس سُلے پھیہ یُن دِنہٕ۔ یوٚدوے بعلؔ پزی کانٛہہ دیوتا چُھ تس پزِ پنُن دفاع پانہٕ کرُن۔ ییٚلہِ کانٛہہ تسُنٛد قربان گاہ پھُٹرٲوِتھ والہِ۔32امہِ وقتہٕ پٮ۪ٹھٕ ووٚن لوٗکو جدعونسؔ یرُبعلؔ یمیُک مفہوم چُھ بعلسؔ پزِ پنُن دفاع کرُن۔ تکیازِ تٔمؠ اوس بعلؔ سُنٛد قربان گاہ ولمُت۔33امہِ سارے پتہٕ ؤلؠ مدیٲن تہٕ عمالیق تہٕ مشرقی لوٗکن ۂنٛدؠ لشکر سمیاے یِکوٹہٕ۔ تِم تٔرؠ یردن درؠ یاوس اپور اسرائیلس پٮ۪ٹھ حملہٕ کرنہِ۔ تِمو دِتؠ پنٕنؠ خٟمہٕ یِزرعیلؔ چہِ وادی منٛز۔34وۅنؠ سپُد یہُوواہؔ سُنٛد روح جدعونسؔ پٮ۪ٹھ نٲزل۔ تٔمؠ ووے کٹہٕ ہینٛگ لوٗکن لڑایہِ باپتھ سمبراونہٕ باپتھ۔ اوے آے ابیعزرؔ خاندانٕکؠ لوٗکھ أمِس نِش۔35تٔمؠ سوزؠ پنٕنؠ ترےٚ قٲصد منسیؔ، آشرؔ، زبولونؔ تہٕ نفتٲلی سارنےٕ قبیلن ہنٛدٮ۪ن زُرٮ۪ن پننٮ۪ن سِپہن جنگس نیرنہٕ وننہٕ باپتھ تہٕ سٲری آے سمِتھ۔36اوٕ پتہٕ ووٚن جدعونن خدایس۔ ژٕ چُھکھا پزی مےٚ وعدٕ مطٲبق اسرائیلی لوٗکن بچاونس لایق بناوُن یژھان۔37اتھ کر تصدیق یہِ کٔرِتھ: از راتھ کیُت تھاوے بہٕ اکھ ہوٚکھ ببر ڈونگ زمینہِ پٮ۪ٹھ یتنس بہٕ پھل چُھمبان چُھس۔ پگاہ صبحٲے یوٚدوے یہِ ببر اودُر ٲسی ایہ پننہِ سٟتؠ تہٕ زمین ٲسی ہوٚچھؠ، تیٚلہِ زانے بہٕ زِ بہٕ چُھس سُہ یمِس ژٕ اسرائیلی لوٗکن بچاونس لایق بناوکھ وعدٕ مطٲبق۔38تہٕ یی سپُد ییٚلہِ جدعون پگاہ صُبحس ووٚتھ تٔمؠ تُل ہی ییر تہٕ چیرن امہِ منٛزٕ پوٗرٕ اکھ کٹور آب۔39اوٕ پتہٕ ووٚن جدعوننؔ خدایس۔ مےٚ مہٕ گژھِ ناراض۔ مےٚ دِ بیاکھ چیز تہِ پرژھنہٕ۔ از تھاوے بہٕ بیٚیہِ یہِ ییر ڈونٛگ نٮ۪برٕ کنہِ۔ از گژھی ببر ہوٚکھ روزن تہٕ زمین ادٕر لیہِ سٟتؠ۔40لہٰذا امہِ رٲژ کوٚر خداین تی یہ جدعوننؔ ووٚنُس۔ دوٚیمہِ دوٚہہ صُبحس اوس یر ہوٚکھ مگر زمین ٲس لیہِ سٟتؠ بٔرِتھ۔
Bridge Connectivity Solutions Pvt. Ltd.