یُوناہ2
1ییٚلہِ سُہ گاڈِ ہنٛدِس شکمس منٛز اوس یونسن کوٚر پننس خدا یہُوواہسؔ زارٕ پارٕ یسٕنٛز سُہ عبادت کران اوس۔2تسُنٛد ونُن اوس یہِ زِ ییٚلہِ بہٕ سخ پریشان اوسُس، مےٚ موٚنگ یہُوواہسؔ امہِ نِشہ نجات تہٕ تٔمؠ بخشُم نجات۔ یوٚدوے زن بہٕ گاڈِ ہنٛدِس شکمس منٛز اوسُس تہٕ سونچان اوسُس وۅنؠ چُھم مرُن مگر اتہِ تہِ بوزتھم ژےٚ میون منگُن۔ ییہِ مےٚ زارٕ پارٕ کوٚرےٕ پننہِ مدتہٕ باپتھ۔3ژےٚ اوستھس بہٕ سرٔنِس آبس لویہِ مُت۔ سۅدرس سیٚہ منٛزس۔ ییٚتہِ ملریٚو مےٚ نال ووٚل۔ یِمہٕ سارے یچھہِ ملرِ یمہِ ژےٚ مےٚ پیٚٹھؠ کھاجتھ۔4مےٚ سونچ ژےٚ تروتھس بہٕ دوٗر ژےٚ چھَے نہٕ مےٚ کُن وُچھنس تہِ ونٛدٕ یِوان۔ توتہِ اوس مےٚ اکھ امید چون ہیکل بیٚیہِ وُچھنچ۔5آب اوس مےٚ انٛدٕ ونٛدٕ میٲنؠ زندگی کھٮ۪نس تیار۔ سرنؠ آبن اوسُس کلہٕ ؤلِتھ تل روٚٹمُت۔6بہٕ بُڈیوس برابر تۅتام یتہِ پٮ۪ٹھٕ کۅہ تہٕ بال سۅدرٕ ژَکہِ پٮ۪ٹھٕ کھسان چھِ۔ مےٚ باسیو زِ زمین چھےٚ اکھ بٲنٛدؠ وان ییٚتہِ مۅکلُن محال چُھ۔ مگر ژٕ میانہ خدایہ یہُوواہؔ یسٕنٛز عبادت بہٕ کران چُھس بخشُتھ مےٚ مۅکجار۔ مُدرٕ وانس واتنہٕ نِشہ۔7ییٚلہِ بہٕ مرنس اوسُس ووتمُت۔ مےٚ آو بس چون خیال یہُوواہؔ۔ ژےٚ پننہِ مدتہٕ باپتھ وننہٕ باپتھ۔ تہٕ پننہِ مقدس مقام پٮ۪ٹھٕ ییٚتہِ ژٕ آسان چھُکھ بوزُتھ ژےٚ میون زارٕ پار۔8تِم یِم زن اپزٮ۪ن پۅتلٮ۪ن پوٗزان چھِ، چھی ژےٚ نکار کران۔ تِم یِم تہنٛدؠ ہمیشہٕ وفادار چھِ9مگر بہٕ کرنہٕ یہِ زانہٛہ۔ بلکہِ کرے بہٕ ژےٚ پنٕنؠ قربٲنی پیش۔ پننہِ تھدِ ہٹہِ چون ذکر کٔرِتھ بہٕ کرٕ تی یہِ مےٚ پۅختہٕ وعدٕ کوٚرمُت چُھ۔ یہُوواہؔ چھرا چھُکھ بس ژےٕ یُس لوٗکن بچاوان چُھ۔10امہِ پتہٕ دیُت یہُوواہنؔ أمِس بجہِ گاڈِ حکم درۅکہٕ دٲرِتھ دِنُک۔ گاڈِ دیُت یونس ہۅچھِہِ زمینہِ پٮ۪ٹھ درۅکھ دِتھ دٲرِتھ۔
Bridge Connectivity Solutions Pvt. Ltd.