اِستِثنا32
1اے آسمان کیٚو روزن والیٚو، میٚون بوزیٚو، اے زمیٖنس پٮ۪ٹھ بسن والیٚو، میٚون بوزیٚو،2یژھان چُھس میٚون بٲتھ بٔنِن تُہنٛد مددگار پیٚنہٕ والہِ روٗدٕکؠ پٲٹھؠ، یا صبحک زمیٖنس پٮ۪ٹھ پیٚنہٕ والہِ شبنمٕکؠ پٲٹھؠ، یا لاوین کُلیٚن پٮ۪ٹھ صبہٕچ رُدٕ لوٕ پیٚنٕکؠ پٲٹھؠ، تہٕ سبزارس پٮ۪ٹھ پیٚنہٕ والہِ تیز بارانٕکؠ پٲٹھؠ،3بہٕ کرٕ یہُوواہؔ سنٛدؠ تعریف۔ تہٕ توٚہؠ سٲری کٔریٚو تمسنٛدؠ تعریف سون خدا کوتاہ عظیم چُھ۔4سُہ چُھ زنتہٕ اکھ کٔنؠ یتہ پٮ۪ٹھ أسؠ سٲری محفوض چھِ۔ یہ سُہ کران چُھ تہِ چُھ سیٚود تہٕ پوٗرٕ انصافہٕ بۅرُت۔ سُہ چُھ ہمیشہ تہِ کران یہ کرُن ونان چُھ، سُہ چُھنہٕ تہِ زانٛہہ کران یہ غلط بنان چُھ۔5مگر توٚہؠ اسرائیلی چُھو تس بے وفٲیی کران۔ تُہنٛدیٚو گُنہو کِنؠ چُھو نہٕ توٚہؠ تسنٛدؠ اولاد بنٕنؠ لایکھ، توٚہؠ چُھو سٮ۪ٹھاہ دونٛکھٕ باز تہٕ بدکار۔6اے احمقو تہٕ نادان لوٗکو،یوٚہے چھا وطیرٕ یہُوواہسؔ تِمن سارنےٕ چیزن ہُنٚد بدلہٕ دِنُک یمہ تٔمؠ تُہنٛدِ باپتھ کٔرؠ؟ سُہ چُھ تُہنٛد مول؛ یمؠ توٚہہ وجود دیُتنو؛ سُے چُھ یمؠ توٚہؠ اکھ قوم بنٲوؠ نو۔7ہنا سونٛچو پتھ کُن کیاہ سپُد۔ غور کریٚو تُہنٛدین جدٕاجدادن سٟتؠ کیاہ سپُد؟ پننٮ۪ن مالیٚن پرِژھیٚو، تمہٕ وننو۔ بُزرگن پرِژھیٚو، تِم وننو۔8ییٚلہ خداین یُس ساروےٕ کھۅتہٕ تھوٚد تہٕ بوٚڈ چُھ واریاہ برُونٛہہ لوٗکھ جمٲژن منٛز تقسیم کٔرؠ، تٔمؠ کٔر پرٮ۪تھ قومس پنٕنؠ زمین عطا۔ تٔمؠ کوٚر یہ طے زِ کۅسہٕ جماتھ کتہِ روزِ، تہٕ پرٮ۪تھ جماتھ تھٲون پننِس خدایس سٟتؠ گنٛڈِتھ۔ 9مگر یہُوواہنؔ کوٚر فٲصلہٕ، أسؠ آسو تمسنٛدی لوٗکھ؛ تٔمؠ ژٲرؠ أسؠ یعقوب سنٛدؠ زُرؠ، پننٮ۪ن منٛز۔10تٔمؠ وُچھ سٲنؠ جدٕاجداد تمہِ وزِ ییٚلہ تِم بیابانن منٛز ٲسؠ، تہٕ تتھ ملکس منٛز پھیران ٲسؠ یُس وٲران اوس۔ تٔمؠ کٔر تِمن حفاظت تہٕ تِہنٛز رٲچھ راوٕٹ، تِتھٕ پٲٹھؠ یتھٕ کنؠ کانٛہہ پننٮ۪ن أچھن رٲچھ کران چُھ۔11یہُوواہنؔ کٔر پننٮ۪ن لوٗکن ہنٛز حفاظت یتھٕ پٲٹھؠ اکھ عُقاب پننٮ۪ن بچن وُڈو کرُن ہیٚچھٕ ناوان چھےٚ، تِمن ژنٛجہ لایان چھےٚ، پننہِ پکھٕ پھٲلاوِتھ تِمن ؤسؠ پیٚنہٕ نشہٕ بچاوان چھےٚ۔12صرف اوس یہُوواہؔ یمؠ تِمن رہنمٲئی کٔر۔ کٲنٛسہِ پردیسی خداین کوٚر نہٕ تِمن مدد۔13ییٚلہ تِم تتھ ملکس منٛز داخٕل سپدؠ یمیُک یہُوواہنؔ تِمن وعدہ اوس کوٚرمُت۔ یہُوواہنؔ بنٲوؠ تِم پہٲڑی ملکن پٮ۪ٹھ حکومت کرنس قٲبل۔ تِمو کھیٚو کھہَن منٛز ۅپدن وول اناج، تِمو لوٚب کنیٚو منٛزٕ مانٛچھ، تہٕ تتھ کنہِ دار زمینس وۅپدیاے زیتون کُلؠ تہِ۔14گٲوو تہٕ ژھاوجو دیُت تِمن بسیار زامُت دۅد؛ تِمو رٔچھؠ بہتر پٲٹھؠ تیٖر تہٕ ژھاولؠ، تِمن نِش اوس واریاہ بہتر کٕنکھ، تہٕ تِمو بنوو پننہِ دچھِ میوٗٹھ شراب،15اسرائیلی لوٗکھ بنیو گُذارٕ تہٕ خۅشحٲلی، مگر پتہٕ کٔر تِمو خدایس سٟتؠ بغاوت؛ تِمو تُروو سُہ پتھ کُن، یمؠ تمہ پٲدٕ کٔرؠ، سُہ یمؠ تمہٕ پننہِ طاقتہٕ سٟتؠ بچٲوؠ،16تٔمؠ ژھٕنؠ تمہٕ ترٲوتھےٕ تکیازِ تِمو لٲج دوٚیمین معبودن ہنٛز عبادت کرٕنؠ۔ تِہنٛدین مکرُو دیوتاہن ہنٛز عبادت کرنہٕ سٟتؠ کھوٚت تس شرارتھ۔17تِمو کرِ تِمن دیوتاہن قربٲنیہ پیش یمہٕ پزی شیطٲنی ٲسؠ، تِمن دیوتاہن یمہٕ نہٕ تہنٛدیٚو جدٕاجدادو زانٛہہ تہِ زٲنمٕتؠ ٲسؠ۔ تِمن دیوتاہن یِمن نہٕ تُہنٛدؠ جدٕاجداد زانٛہہ احترام کران ٲسؠ۔ 18تِمو مٔشروو پوٚز خدا، یُس تِمن رٲچھ کران چُھ، یمؠ خداین تِم پٲدٕ کٔرؠ تہٕ زنٛدٕ تھٲوؠ۔ 19ییٚلہ یہُوواہنؔ وُچھ زِ تِمو ژُھن ہس بہٕ ترٲوِتھ، تمِس کھوٚت سخت شرارتھ، تہٕ تٔمؠ کٔرؠ اسرائیلی لوٗکھ رَد یمہٕ تس کورِ تہٕ گۅبر ہی ٲسؠ۔20تٔمؠ ووٚن، "یمہٕ چھِ بڈٕ روگردان، تہٕ بے وفا لوٗکھ؛ لہٰذا کرنہٕ بہٕ وۅنؠ یِمن کانٛہہ مدد، تہٕ پتہٕ وُچھٕ بہٕ، نظر تھاوٕ زِ یمن سٟتؠ کیاہ سپد، 21تکیازِ یمہٕ چھِ وۅنؠ بُت پرستی کران، یمہٕ نہٕ پٔزؠ خدا چھِ، یمو بنووٕہس بہٕ اکھ باغٲرت خاندار ہیٚوٗ تکیازِ بہٕ اوسُس یژھان زِ یِم گٔژھؠ صرف میٲنؠ عبادت کرٕنؠ۔ تہٕ وۅنؠ چُھس بہٕ تِمن ژَکھ کھالنہٕ باپتھ، وۅنؠ سوزن بہٕ اکہ شِکس لد تہٕ بے وقوف قومُک فوج تِمن پٮ۪ٹھ حملہٕ کرنہٕ باپتھ۔ 22مےٚ چُھ سٮ۪ٹھاہ شرارتھ، بہٕ کرکھ تِم تباہ، تمہِ نارٕکؠ پٲٹھؠ یُس دزان دزان تل پتال وسہِ۔ سُہ نار کرِ زمیٖنس تہٕ تتھ پٮ۪ٹھ ۅپدن وٲلؠ تمام چیز تباہ۔ تہٕ سُہ زالہِ تِم چیز تہِ یمہ پہاڑن تل آسن۔23بہٕ تراوٕ تِمن پٮ۪ٹھ واریاہ آفژٕ۔ تِمن باسہِ زِ زنتہٕ چُھس بہٕ پنٕنؠ سٲری تیٖر تِمن پٮ۪ٹھ چلاوان۔24تمہٕ مرن بۅچھِ دادِ، سخت تپہٕ سٟتؠ تہٕ مہلِک بیماریٚو سببہٕ۔ بہٕ سوزٕ تِمن پٮ۪ٹھ حملہٕ کرنہٕ باپتھ جنگلی جانور، تہٕ زہریلہٕ سرف سوزکھ بہٕ تِمن کھیٚنہ خٲطرٕ۔25تِہنٛدیٚو گھرو نیٚبرٕ کنہٕ مارن تِمن دشمن تلوارو سٟتؠ، تہٕ تِہنٛدین گھرن منٛز کرن تِمن دشمن خوفزدٕ۔ تِہنٛدؠ دشمن کرن تِہنٛدین جوان مردن تہٕ جوان زنیٚن قتل، تہٕ تِم کرن بچن تہٕ مس سفید بُزرگن تہِ قتل۔26بہٕ چُھسکھ تِم دوٗر دراز ملکن منٛز ورفتار کرُن یژھان، یُتھ نہٕ زانٛہہ تِمن کانٛہہ یاد کرِ۔27مگر، اگر مےٚ تہِ کوٚر تہٕ تِہنٛدؠ دشمن کرن نہکہٕ تتھ پٮ۪ٹھ فخر، زِ تِمو لوٚب مینِس قومس نِش نجاتھ؛ تِم ونن، "أسؠ چھِ یِمو تِمن شِکس دیُت؛ یہ چُھنہٕ یہُوواہؔ یمؠ یہ سورےٕ کوٚر۔"28توٚہؠ بنی اسرائیلی چُھو اکھ قوم یِمن نہٕ عقل چھےٚ۔ توٚہہ منٛزٕ چُھنہٕ کانٛہہ اکھ عقلمند۔29اگر توٚہؠ عقلمند ٲسہِ ہیٚو توٚہؠ سونچہِ ہیٚو زِ توٚہہ کیازِ ییہِ سزا دنہٕ؛ توٚہہِ آسہ اندازٕ گمُت زِ توٚہہِ سٟتؠ کیاہ چُھ سپدن وول۔ 30توٚہہ اسہِ یہ فکرِ توٚرمُت زِ تُہنٛدین ساسن سِپہن کیازِ دییہِ دشمن سُنٛد اکھ فوجی شِکس، تہٕ تُہنٛدؠ زٕ دشمن کیازِ کرن دہن ساسن اسرائیلی سِپہن لار۔ توٚہہ آسہ یہ ژیونمُت ز یہ سپدِ تیٚلے ییٚلہ خدا یُس ہمیشہٕ توٚہہ رچھان چُھ، کرِ توٚہہ تُہنٛدین دشمنن حوالہٕ، تکیازِ یہُوواہنؔ ترٲے نو توٚہؠ۔31تُہنٛدؠ دشمن چھِ زانان زِ تِہنٛدؠ دیوتا چھنہٕ سٲنِس خدا یہُوواہؔ سنٛدؠ پٲٹھؠ طاقتور، لہٰذا ہیٚکن نہٕ تمہنٛدؠ دیوتا اسہِ اسرائیل ین شکس دِتھ۔32تُہنٛدؠ دشمن چھِ تِمن دچھِ کُلین ہیٚوؠ یمہ سدومؔ تہٕ عمورہ شہرٕ کیٚن کھنٛڈراتن منٛز لاگنہٕ چھِ آمٕتؠ۔ تِمن دچھِ کُلیٚن ہنٛدؠ دچھ گۅرن چھِ ژۅکؠ تہٕ بیٚیہِ زہریلہٕ۔33تمہِ دچھِ ہُنٛد شراب چُھ سرفہٕ سنٛدِ زہرُک ہیٚوٗ۔34یہُوواہؔ چُھ ونان، "بہٕ چُھس زانان زِ مےٚ کیاہ منصوبہ چُھ اسرائیل ین تہٕ تِہنٛدین دشمنن ورتاونہٕ باپتھ بنوومُت، تہٕ مےٚ چھِ تِم منصوبہ بنٛد کٔرمٕتؠ یتھ کنؠ زن کانٛہہ پنُن قٟمتی سرمایہ بنٛد چُھ تھاوان۔35بہٕ چُھس سُہ اکھ یُس بدلہٕ چُھ ہیٚوان تہٕ تہِ والہٕ تِمن دشمنن نکھٕ یہ تِمو میانٮ۪ن لوٗکن سٟتؠ کوٚر، منٲسب وقتس پٮ۪ٹہ دِمو تِمن سزا۔ تِمن پیٚن جلدےٕ مصیبت وُچھِنؠ۔ تہٕ بہٕ دمہٕ تِمن جلدےٕ سزا۔" 36مگر یہُوواہؔ ونہِ توٚہہ زِ توٚہؠ یمہ پزی تمسنٛدؠ لوٗکھ چھِ آسن بے قصور، تہٕ سُہ کرِ چانٮ۪ن خدمت گُذارن پٮ۪ٹھ رحم۔ ییٚلہ سُہ وچھِ زِ توٚہؠ چُھو بےٚ بس، تہٕ یتہِ زِ توٚہہ منٛز چھِ واریاہ کم لوٗکھ، غلام یا آزاد یمہٕ ونیُک تام زنٛدٕ چھِ۔37پتہٕ پرژھِ یہُوواہؔ توٚہہ زِ تمہ دیوتا کتہِ چھِ یمن متعلق توٚہؠ سونچان ٲسیٚو زِ تِم کرن اسہِ حفاظت؟38توٚہہ دِتیٚو تِمن دیوتاہن تِمن جانورن ہنٛدؠ بہترین حصہ یمہ توٚہہ قربان کٔریٚو تہٕ چیٚنہٕ باپتھ کوٚر ووکھ بہترین مےَ پیش۔ لہٰذا وتھؠ تن تِم تہٕ کٔرؠ تن توٚہہ مدد۔ تِمہ گژھن تِتھؠ آسٕنؠ یمہ توٚہہ حفاظت کرٕہن!39مگر وۅنؠ زٲنیٚو توٚہؠ زِ خدا چُھس صِرف بہٕ۔ بیٚیہِ چُھنہ کانٛہہ معبودا یُس پٔزؠ کِنؠ خدا چُھ۔ بہٕ چُھس سُہ یُس لوٗکن مٲرِتھ ہیٚکہ تہٕ تِمن زنٛدٕ کرِتھ ہیٚکہ۔ بہٕ ہیٚککھ لوٗکھ زخمی کرِتھ تہٕ پتہٕ تِم ٹھیک تہِ کرِتھ، سُہ چُھنہٕ کانٛہہ یُس مےٚ یمو کامیٚو نِشہ رکٲوِتھ ہیٚکہ۔40بہٕ چُھس پنٕنؠ اتھٕ آسمانس کُن تُلِتھ مکمل اعلان کران، زِ مےٚ زن چُھ یقین زِ بہٕ روزٕ ہمیشہٕ زندٕ، بہٕ کرٕ عمل۔41ییٚلہ بہ پنٕنؠ تلوار تیز کرٕ تہٕ لوٗکن سزا دنہٕ باپتھ تکیازِ سپدٕ، بہٕ ہیٚمہٕ پننٮ۪ن دشمنن بدلہٕ، تہٕ مےٚ سٟتؠ نفرت کرن والین بدلہٕ۔42بہٕ مارکھ پنٕنؠ سٲری دشمن تلوارِ سٟتؠ۔ یہ باسہِ تیٚوتھ زنتہٕ مےٚ اتھِ تیٖر چھِ یمہٕ تِہنٛدِ خوٗنہٕ سٟتؠ بٔرتھ چھِ۔ بہٕ کرکھ تِم سٲری لوٗکھ قتل یمہ بہٕ رٹکھ تہٕ بہٕ کرٕ تِہنٛدؠ سر قلم۔43اے تمام قومہٕ کیٚو لوٗکو، توٚہہ پزن یہُوواہؔ سنٛدین لوٗکن ہنٛدؠ تعریف کرٕنؠ، تکیازِ یہُوواہؔ چُھ لوٗکھ مارن والٮ۪ن بدلہٕ ہیٚوان یمہ تمؠ سنٛز خدمت کران چھِ، تہٕ سُہ چُھ پننٮ۪ن لوٗکن ہنٛز زمیٖن صاف کران یۅسہ تہنٛدیٚو گُنہو سٟتؠ ناپاک سپٕزمٕژ چھےٚ۔"44یشوعؔ تہٕ موسیٰؔ ہن گیٚوو سُہ بٲتھ ییٚلہ اسرائیلی لوٗکھ بوزان ٲسؠ۔45پتہٕ کوٚر موسیٰؔ ہن تہنٛدِ باپتھ یہ بٲتھ بوزٕناون بنٛد۔46موسیٰؔ ہن ووٚن، "یِم ساری احکام مشرٲوؠ زیٚو نہٕ زانٛہہ یمہ بہٕ توٚہہ از دِوان چُھس۔ پنٕنؠ بچہ ہیٚچھنٲوؠ زیوکھ یمہٕ قٲعدٕ۔ تاکہ تِم کرن وفادٲری سان یِمن پٮ۪ٹھ عمل۔47یِم ہِدایات چُھو سٮ۪ٹھاہ اہم۔ اگر توٚہؠ یِمن پٮ۪ٹھ عمل کٔریٚو تہٕ توٚہؠ روزیٚو تتھ ملکس منٛز واریہس کالس زندٕ یتھ پٮ۪ٹھ توٚہؠ قبضہ کرنہ خٲطرٕ یردن دریاوس اپور ترن وٲلؠ چُھو۔48امی دوٚہہ ووٚن یہُوواہنؔ موسیٰؔ ہس،49"ژٕ گژھِ عباریم بالٲئی علاقس کُن، یریحو اپارِ موآبؔ علاقہٕ منٛز۔ نبوؔ بالس پٮ۪ٹھ کھس تہٕ کنعان وُچھنہٕ خٲطرٕ دِ مغربس کُن نظر، یہ چھےٚ سۅ سرِزمین یۅسہ بہٕ اسرائیل ین دِنہٕ وول چُھس۔50توٚہؠ کٔریٚو تٔتھؠ بالس پٮ۪ٹھ وفات یتھ کنؠ تُہنٛدؠ بٔڈؠ بٲے ہاروننؔ ہورؔ پہاڑس پٮ۪ٹھ انتقال کوٚر۔51ژٕ مرکھ اوموٚکھٕ زِ توٚہہ دوٚنویٚو کٔرو بنی اسرائیل ین برُونٛہہ کنہِ میانؠ نافرمٲنی ییٚلہ توٚہؠ سٲری صِین بیابانن منٛز قادِسؔ نکھٕ مریبہؔ ناگن پٮ۪ٹھ ٲسیٚو۔ توٚہہ کوٚرو نہٕ بنی اسرائیل ین برُونٛہہ کنہِ مےٚ سُہ عزت تہٕ تعظیم یمیُک بہ مستحق چُھس تکیازِ بہٕ چُھس خدا۔ 52ییٚلہ توٚہؠ تتھ پہاڑس پٮ۪ٹھ ٲسیٚو یوٚت مےٚ توٚہہ گژھُن ونیٚو تہٕ توٚہؠ وُچھو پانس نزدیک سۅ زمین یۅسہ بہٕ اسرائیل ین دِنؠ یژھان چُھس مگر توٚہؠ ہیٚکیو نہٕ تور گٔژھِتھ۔"
Bridge Connectivity Solutions Pvt. Ltd.